Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yakobo 1:1-27

1  Yakobo,+ hlonga+ ra Xikwembu ni ra Hosi Yesu Kreste, eka tinyimba+ ta 12 leti hangalakeke:+ Xewani!  Swi tekeni hinkwaswo swi ri ntsako, vamakwerhu, loko mi langutana ni miringo+ yo hambana-hambana,  hilaha mi tivaka hakona leswaku mfanelo leyi yi ringiweke ya ripfumelo ra n’wina yi vanga ku tiyisela.+  Kambe ku tiyisela a ku endle ntirho wa kona wu helela, leswaku mi ta helela+ ni ku va lava hanyeke etimhakeni hinkwato, mi nga kayiveli nchumu.+  Kutani, loko mani na mani eka n’wina a kayivela vutlhari,+ a a hambete a kombela eka Xikwembu,+ hikuva xi nyika hinkwavo hi mbilu yo basa, handle ka ku sandza;+ kutani u+ ta nyikiwa byona.  Kambe a a hambete a kombela+ hi ripfumelo, a nga kanakani nikatsongo,+ hikuva loyi a kanakanaka u fana ni gandlati ra lwandle leri fambisiwaka hi mheho+ ri hungeriwa hala ni hala.  Entiyisweni, munhu yoloye a nga tshuki a ehleketa leswaku u ta amukela nchumu hambi wu ri wihi eka Yehovha;+  i munhu la nga tiyisekiki,+ loyi a nga yimangiki a tiya+ etindleleni ta yena hinkwato.  Kambe makwerhu la nge xiyin’weni xa le hansi a a khane eku tlakusiweni+ ka yena, 10  ni loyi+ a fuweke a a khane eku tsongahatiweni ka yena, hikuva u ta hundza+ ku fana ni xiluva xa ximila. 11  Hikuva dyambu ri tsuvuka ni mumu wa rona lowu hisaka kutani ri vunisa ximila, xiluva xa xona xi hohloka ivi vuxongi bya xona bya le handle byi hela. Hilaha ku fanaka, loyi a fuweke u ta vuna etindleleni takwe ta vutomi.+ 12  Wa tsaka munhu la hambetaka a tiyisela ndzingo,+ hikuva eku amukeriweni kakwe u ta kuma harhi ya vutomi,+ leyi [Yehovha] a yi tshembiseke lava hambetaka va n’wi rhandza.+ 13  Loko a ri endzingweni,+ munhu a nga vuli a ku: “Ndzi ringiwa hi Xikwembu.” Hikuva Xikwembu xi nga ka xi nga ringiwi hi swilo swo biha naswona xona a xi ringi munhu. 14  Kambe un’wana ni un’wana u ringiwa hi ku kokiwa ni ku wongiwa hi ku navela+ ka yena n’wini. 15  Kutani ku navela, loko ku xurhe, ku veleka xidyoho;+ kutani, xidyoho, loko xi hetisekile, xi tswala rifu.+ 16  Mi nga hambukisiwi,+ vamakwerhu lava rhandzekaka. 17  Nyiko+ yin’wana ni yin’wana leyinene ni nyiko yin’wana ni yin’wana leyi hetisekeke yi huma ehenhla,+ hikuva yi xika hi le ka Tata wa mavoningo+ ya le xibakabakeni, naswona yena a nga cinca-cinci ku fana ni ku hundzuluka ka ndzhuti.+ 18  Hikwalaho ka leswi a swi rhandzeke,+ u hi tswale hi rito ra ntiyiso,+ leswaku hi va swirhangana+ swo karhi swa swivumbiwa swa yena. 19  Tivani leswi, vamakwerhu lava rhandzekaka. Munhu un’wana ni un’wana u fanele a hatlisa emhakeni yo twa, a nonoka emhakeni yo vulavula,+ a nonoka emhakeni ya vukarhi;+ 20  hikuva vukarhi bya munhu a byi ku endli ku lulama+ ka Xikwembu. 21  Kutani cukumetani thyaka hinkwaro ni nchumu lowu nga fanelangiki, ku nga vubihi,+ kutani mi ku amukela hi ku rhula ku nghenisiwa ka rito+ leri kotaka ku ponisa mimoya-xiviri+ ya n’wina. 22  Hambiswiritano, vanani vaendli va rito,+ mi nga vi vatwi ntsena, lava tixisaka hi mianakanyo+ ya mavunwa. 23  Hikuva loko un’wana ni un’wana a ri mutwi wa rito, kambe a nga ri muendli,+ yena u fana ni munhu loyi a langutaka xikandza xakwe xa ntumbuluko exivonini. 24  Hikuva wa tilanguta, kutani a famba, hi ku hatlisa a rivala leswaku i munhu wa muxaka muni. 25  Kambe loyi a kambisisaka nawu+ lowu hetisekeke lowu fambisanaka ni ntshunxeko ni loyi a phikelelaka eka wona, munhu yoloye, leswi a nga vangiki mutwi loyi a rivalaka, kambe a veke muendli wa ntirho,+ u ta tsaka+ eku wu endleni kakwe. 26  Loko munhu un’wana ni un’wana a tivona a ri mugandzeri+ wa xiviri kambe a nga lawuli ririmi+ ra yena, a tama a xisa mbilu+ ya yena n’wini, muxaka wa vugandzeri bya munhu loyi i wa hava.+ 27  Muxaka wa vugandzeri lebyi baseke+ ni lebyi nga nyamangiki+ hi ku ya hi langutelo ra Xikwembu tlhelo Tata wa hina hi lowu: ku khathalela lava nga riki na vatswari+ ni tinoni+ enhlomulweni+ wa tona, ni ku va munhu a tihlayisa a nga ri na xivati+ xa misava.+

Tinhlamuselo ta le hansi