Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Varhoma 9:1-33

9  Ndzi vula ntiyiso+ mayelana na Kreste; a ndzi hembi,+ tanihi leswi ripfalo ra mina ri nyikelaka vumbhoni swin’we na mina hi moya lowo kwetsima,  leswaku ndzi ni gome lerikulu ni xitlhavi lexi nga heriki embilwini+ ya mina.  Hikuva ndzi nga swi navela leswaku mina hi ndzexe ndzi susiwa tanihi loyi a rhukaniweke eka Kreste hikwalaho ka vamakwerhu,+ maxaka ya mina hi tlhelo ra nyama,+  lava kunene va nga Vaisrayele,+ lava vekiweke va va vana,+ va kumeke ku vangama+ ni mintwanano+ ni ku nyikeriwa ka Nawu+ ni ntirho+ wo kwetsima ni switshembiso;+  lava humeke eka vatatana+ ni lava Kreste a humeke eka vona hi tlhelo ra nyama:+ Xikwembu,+ lexi nga ehenhla ka hinkwaswo a xi dzunisiwe hi masiku. Amen.  Hambiswiritano, a swi vuli swona leswaku rito ra Xikwembu ri tsandzekile.+ Hikuva a hi hinkwavo lava humaka eIsrayele lava va nga “Israyele”+ wa xiviri.  Naswona leswi va nga mbewu ya Abrahama a swi vuli swona leswaku hinkwavo i vana,+ kambe: “Leswi nga ta vuriwa ‘mbewu ya wena’ swi ta ta hi Isaka.”+  Hileswaku, lava nga vana hi tlhelo ra nyama+ kahle-kahle a hi vana va Xikwembu,+ kambe vana va xitshembiso+ va tekiwa va ri mbewu.  Hikuva rito ra xitshembiso a ri yimise xileswi: “Enkarhini lowu ndzi ta ta, kutani Sara u ta va ni n’wana.”+ 10  Ku nga ri mhaka yoleyo ntsena, kambe ni loko Raveka a tike mahahla+ hi wanuna un’we, Isaka tata wa hina: 11  hikuva ni loko va nga si velekiwa naswona va nga si hanya hi ku endla nchumu hambi wu ri wihi lowunene kumbe wo biha,+ leswaku xikongomelo xa Xikwembu malunghana ni ku hlawula xi nga yi emahlweni xi titshega hi mintirho, kambe xi titshega hi Loyi a vitanaka,+ 12  wansati loyi u byeriwe leswi: “Lonkulu u ta va hlonga ra lontsongo.”+ 13  Hilaha ku tsariweke hakona: “Ndzi rhandze Yakobe, kambe Esawu ndzi n’wi vengile.”+ 14  Kutani hi ta ku yini? Xana Xikwembu+ xi kala vululami? Sweswo swi nga tshuki swi va tano! 15  Hikuva xi ri eka Muxe: “Ndzi ta va ni tintswalo eka mani na mani loyi ndzi nga ni tintswalo eka yena, naswona ndzi ta n’wi komba ntsetselelo mani na mani loyi ndzi n’wi kombaka ntsetselelo.”+ 16  Hikwalaho, a swi titsheganga hi loyi a navelaka hambi ku ri hi loyi a tsutsumaka, kambe swi titshege hi Xikwembu,+ lexi nga ni tintswalo.+ 17  Hikuva Tsalwa ri ri eka Faro: “Hikwalaho ka leswi ndzi ku tshikile, leswaku ndzi ta kombisa matimba ya mina ha wena, ni leswaku vito ra mina ri ta twarisiwa emisaveni+ hinkwayo.” 18  Hikwalaho, xi ni tintswalo+ eka loyi xi navelaka ku n’wi komba tona, kambe loyi xi navelaka ku n’wi tshika a sihalala+ xa n’wi tshika. 19  Hikokwalaho wena u ta ku eka mina: “Ha yini xa ha sola? Hikuva i mani loyi a kaneteke ku rhandza+ ka xona loku phofuriweke?” 20  Wena munhu,+ kasi kahle-kahle wo va mani leswaku u hlamula Xikwembu?+ Xana xilo lexi vumbiweke xi nga byela loyi a xi vumbeke xi ku, “Ha yini u ndzi endle hi ndlela+ leyi?” 21  Yini? Xana muvumbi+ a nga na wona matimba eka vumba, leswaku hi gavadi rin’we a endla xibya xin’wana leswaku xi tirhiseriwa leswi xiximekaka, xin’wana xi tirhiseriwa+ leswi nga xiximekiki? 22  Loko Xikwembu, hambileswi xi rhandzaka ku kombisa vukarhi bya xona ni ku tivisa matimba ya xona, xi swi tiyiselele hi mbilu yo leha swinene swibya swa vukarhi leswi endliweke swi faneriwa hi ku lovisiwa,+ 23  leswaku xi ta tivisa ku fuwa+ ka ku vangama ka xona ehenhla ka swibya+ swa tintswalo, leswi xi swi lunghiseleleke ka ha ri emahlweni leswaku swi va ni ku vangama,+ 24  ku nga hina, lava xi nga hi vitanangiki hi huma exikarhi ka Vayuda ntsena, kambe ni le xikarhi ka matiko,+ ku vuriwa yini hi swona ke? 25  Swi hilaha xi vulaka hakona ni le ka Hosiya: “Lava va nga riki vanhu+ va mina ndzi ta va vitana ‘vanhu va mina,’ naswona loyi a a nga ri la rhandzekaka ndzi ta n’wi vitana ‘loyi a rhandzekaka’;+ 26  naswona endhawini leyi va byeriweke leswi, ‘A mi vanhu va mina,’ kwalaho hi kona laha va nga ta vuriwa ‘vana va Xikwembu+ lexi hanyaka.’” 27  Ku tlula kwalaho, Esaya wa huwelela malunghana na Israyele: “Hambileswi nhlayo ya vana va Israyele yi nga kotisaka sava ra lwandle,+ i masalela lama nga ta ponisiwa.+ 28  Hikuva Yehovha u ta tenga timhaka emisaveni, a ti heta a tlhela a ti tsema ti koma.”+ 29  Nakambe, hilaha Esaya a vuleke hakona ka ha ri emahlweni: “Loko Yehovha wa mavuthu+ a a nga hi siyelanga mbewu, ingi hi fane na Sodoma, naswona ingi hi fanisiwe na Gomora.”+ 30  Kutani hi ta ku yini? Leswaku vanhu va matiko, hambileswi va nga ku lavisisiki ku lulama, va kume ku lulama,+ ku lulama loku humaka eripfumelweni;+ 31  kambe Israyele, hambileswi a a lavisisa nawu wa ku lulama, a nga wu fikelelanga nawu.+ 32  Hi xivangelo xihi? Hikuva a nga wu lavisisanga hi ripfumelo, kambe tanihi mintirho.+ Va khunguvanyeke “eribyeni ra xikhunguvanyiso”;+ 33  hilaha ku tsariweke hakona: “Waswivo! Ndzi veka eSiyoni ribye+ ra xikhunguvanyiso ni ribye lerikulu ra xikhugulo,+ kambe loyi a vekaka ripfumelo ra yena eka rona a nge khomisiwi tingana.”+

Tinhlamuselo ta le hansi