Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Varhoma 6:1-23

6  Hikwalaho, hi ta ku yini? Xana hi ta tshama exidyohweni, leswaku musa lowu nga faneriwiki wu ta engeteleka?+  Sweswo swi nga tshuki swi endleka! Tanihi leswi hi feke hi tlhelo ra xidyoho,+ hi nga hambeta njhani hi hanya eka xona?+  Kumbe, xana a mi swi tivi leswaku hinkwerhu ka hina lava hi khuvuriweke eka Kreste Yesu+ hi khuvuriwe eka rifu+ ra yena?  Hikokwalaho, hi yimberiwe+ na yena hileswi hi khuvuriweke eka rifu ra yena, leswaku, leswi Kreste a pfuxiweke eka lava feke hikwalaho ka ku vangama ka Tatana,+ na hina hi fanele hi famba hi vutomi+ lebyintshwa.  Hikuva loko hi hlanganile na yena hi rifu+ leri fanaka ni ra yena, hakunene hi ta tlhela hi hlanganisiwa na yena hi ku pfuka+ loku fanaka ni ka yena;  hikuva ha swi tiva leswaku vumunhu bya hina bya khale byi beleriwe na yena,+ leswaku miri wa hina wa vudyoho wu ta endliwa lowu nga tirhiki,+ leswaku hi nga ha hambeti hi va mahlonga ya xidyoho.+  Hikuva loyi a feke, xidyoho+ xa yena xi hlanguriwile.  Ku tlula kwalaho, loko hi file na Kreste, ha kholwa leswaku hi ta tlhela hi hanya na yena.+  Hikuva ha swi tiva leswaku Kreste, leswi se a pfuxiweke eka lava feke,+ a nge he fi nakambe;+ rifu a ra ha n’wi lawuli nikatsongo. 10  Hikuva rifu leri a ri feke, u fele xidyoho kan’we swi helela+ kwalaho; kambe vutomi lebyi a byi hanyaka, u hanyela Xikwembu.+ 11  Hi ku fanana, na n’wina: titekeni mi ri lava feke+ hakunene exidyohweni, kambe mi ri lava hanyelaka+ Xikwembu ha Kreste Yesu. 12  Hikokwalaho, mi nga pfumeleli xidyoho xi hambeta xi va hosi+ emimirini ya n’wina leyi faka leswaku mi yingisa ku navela+ ka yona. 13  Naswona mi nga ha hambeti mi nyikela swirho swa n’wina exidyohweni+ swi va matlhari ya leswi nga lulamangiki,+ kambe tinyikeleni eka Xikwembu tanihi lava hanyaka+ eka lava feke, mi nyikela ni swirho swa n’wina eka Xikwembu swi va matlhari+ ya ku lulama. 14  Hikuva xidyoho a xi fanelanga xi mi lawula, tanihi leswi mi nga riki ehansi ka nawu,+ kambe mi nga ehansi ka musa lowu nga faneriwiki.+ 15  Ku landzela yini ke? Xana hi ta endla xidyoho hikwalaho ka leswi hi nga riki ehansi ka nawu,+ kambe hi nga ehansi ka musa lowu nga faneriwiki?+ Sweswo swi nga tshuki swi endleka! 16  Xana a mi swi tivi leswaku loko mi hambeta mi tinyikela eka mani na mani tanihi mahlonga leswaku mi n’wi yingisa, mi mahlonga ya yena hikwalaho ka leswi mi n’wi yingisaka,+ hambi ya xidyoho+ lexi yisaka+ eku feni, kumbe ya ku yingisa+ loku yisaka eku lulameni?+ 17  Kambe a ku nkhensiwe Xikwembu leswi a mi ri mahlonga ya xidyoho kambe mi hundzukeke lava yingisaka ku suka embilwini eka muxaka wa dyondzo leyi mi nyiketiweke eka yona.+ 18  Ina, ku sukela loko mi ntshunxiwile+ exidyohweni, mi ve mahlonga+ ya ku lulama.+ 19  Ndzi vulavula hi mavulavulelo ya vanhu hikwalaho ka ku tsana ka nyama+ ya n’wina: hikuva tanihi leswi mi nyikeleke swirho+ swa n’wina swi va mahlonga ya thyaka+ ni ku kala nawu ku yisa eka ku kala nawu, kutani sweswi nyikelani swirho swa n’wina swi va mahlonga ya ku lulama ku yisa+ eku kwetsimeni. 20  Hikuva loko ma ha ri mahlonga ya xidyoho,+ a mi ntshunxekile malunghana ni ku lulama. 21  Kutani, hi wihi mbhandzu+ lowu a mi ri na wona hi nkarhi wolowo? I swilo+ leswi swi mi khomisaka tingana sweswi. Hikuva makumu ya swilo sweswo i rifu.+ 22  Hambiswiritano, leswi mi ntshunxiweke exidyohweni, kambe mi nga mahlonga ya Xikwembu,+ mi kuma mbhandzu+ wa n’wina malunghana ni vukwetsimi, naswona makumu ya kona i vutomi+ lebyi nga heriki. 23  Hikuva hakelo leyi tisiwaka hi xidyoho i rifu,+ kambe nyiko+ leyi nyikiwaka hi Xikwembu i vutomi+ lebyi nga heriki ha Kreste Yesu Hosi+ ya hina.

Tinhlamuselo ta le hansi