Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Varhoma 5:1-21

5  Hikokwalaho, leswi se hi vuriwaka lava lulameke hikwalaho ka ripfumelo,+ a hi veni ni ku rhula+ ni Xikwembu hikwalaho ka Hosi ya hina Yesu Kreste,  loyi ha yena hi tlheleke hi kota ku tshinela+ hi ripfumelo eka musa lowu wu nga faneriwiki lowu hi yimeke eka wona sweswi; naswona a hi khaneni, hi ri ni ntshembo+ wa ku kuma ku vangama ka Xikwembu.  Naswona ku nga ri sweswo ntsena, kambe a hi khaneni loko hi ri emahlomulweni,+ tanihi leswi hi swi tivaka leswaku nhlomulo wu tswala ku tiyisela;+  ku tiyisela kona ku tswala xiyimo+ xa ku amukeriwa; xiyimo xa ku amukeriwa xona xi tswala ntshembo,+  kutani ntshembo a wu endli leswaku munhu a khomiwa+ hi tingana; hikuva rirhandzu ra Xikwembu+ ri chululeriwe etimbilwini+ ta hina hi moya lowo kwetsima+ lowu hi nyikiweke wona.  Hikuva kunene, loko ha ha tsanile,+ Kreste, u fele vanhu lava nga xiximiki Xikwembu hi nkarhi+ lowu vekiweke.  Hikuva a nga kona loyi a nga felaka munhu+ la lulameke; kunene, kumbexana un’wana a nga ha xinyata a fela+ munhu lonene.+  Kambe Xikwembu xi tiyisekisa rirhandzu+ ra xona n’wini eka hina, hileswi Kreste a hi feleke,+ loko ha ha ri vadyohi.  Hikokwalaho, leswi se hi vuriweke lava lulameke hikwalaho ka ngati+ ya yena, hakunene hi ta ponisiwa evukarhini+ hikwalaho ka yena. 10  Hikuva loko hi vuyelelane ni Xikwembu hi rifu ra N’wana+ wa xona enkarhini lowu a hi ri valala,+ leswi hi vuyelelaneke na xona, hakunene hi ta ponisiwa hi vutomi+ bya yena. 11  Ku nga ri sweswo ntsena, kambe hi tlhela hi khana eka Xikwembu hikwalaho ka Hosi ya hina Yesu Kreste, loyi ha yena sweswi hi amukeleke ku vuyelelana.+ 12  Hi yona mhaka leyi, tanihi leswi xidyoho xi ngheneke emisaveni hi munhu+ un’we, ni rifu+ hikwalaho ka xidyoho, xisweswo rifu ri tlulele vanhu hinkwavo hikuva hinkwavo va dyohile+—. 13  Hikuva wu nga si fika Nawu xidyoho a xi ri kona emisaveni, kambe a ku hehliwi munhu hi xidyoho loko ku nga ri na nawu.+ 14  Nilokoswiritano, rifu i hosi ku sukela eka Adamu ku ya fika eka Muxe,+ hambi ku ri ni le ka lava va nga dyohangiki hi ku landza ku tlula nawu ka Adamu,+ loyi a nga xifanekiselo xa loyi a a ta ta.+ 15  Kambe nyiko a yi fani ni xivi. Hikuva loko hi xivi xa munhu un’we ku fe vo tala, musa lowu nga faneriwiki wa Xikwembu ni nyiko ya xona ya mahala, swin’we ni musa lowu nga faneriwiki wa munhu+ un’we Yesu Kreste swi andze swinene ngopfu eka vo tala.+ 16  Nakambe, nyiko+ ya mahala a yi fani ni ndlela leyi swilo swi endlekeke ha yona eka munhu un’we loyi a dyoheke.+ Hikuva vuavanyisi+ lebyi tisiweke hi xivi xin’we byi vangele xisolo,+ kambe nyiko leyi tisiweke hi swivi swo tala yi vangele leswaku vanhu va vuriwa lava lulameke.+ 17  Hikuva loko hi xivi xa munhu+ un’we rifu ri ve hosi+ hi munhu yoloye, lava va amukelaka ku tala ka musa lowu nga faneriwiki+ ni ka nyiko+ ya mahala ya ku lulama hakunene va ta va tihosi+ leti hanyaka hikwalaho ka munhu un’we, Yesu Kreste.+ 18  Hikwalaho, leswi vanhu va mixaka hinkwayo va soriweke+ hikwalaho ka xivi xin’we, hi ku fanana ni hikwalaho ka xiendlo xin’we ntsena xa ku tsetselela,+ vanhu va mixaka+ hinkwayo va vuriwa lava lulameleke vutomi.+ 19  Hikuva tanihi leswi vo tala+ va veke vadyohi hi ku ka munhu un’we a nga yingisanga, hi ku fanana, vo tala+ va ta va lava lulameke+ hikwalaho ka ku yingisa+ ka munhu un’we. 20  Kutani Nawu+ wu nghene hi le tlhelo leswaku ku endla xivi ku engeteleka.+ Kambe laha xidyoho+ xi engetelekaka kona, musa lowu nga faneriwiki na wona wa engeteleka swinene. 21  Hi xikongomelo xihi? Leswaku leswi xidyoho xi veke hosi swin’we ni rifu,+ hi ku fanana, ni musa lowu nga faneriwiki+ wu kota ku va hosi hikwalaho ka ku lulama hi xikongomelo xa vutomi+ lebyi nga heriki, ha Yesu Kreste Hosi ya hina.

Tinhlamuselo ta le hansi