Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Varhoma 4:1-25

4  Leswi swi nga tano, xana hi ta ku yini hi Abrahama tata+ wa hina hi tlhelo ra nyama?  Hi xikombiso, loko Abrahama a vuriwe la lulameke hikwalaho ka mintirho,+ ingi a ve ni xivangelo xo tibuma; kambe hayi eka Xikwembu.  Hikuva tsalwa ri ri yini ke? “Abrahama u kombise ripfumelo eka Yehovha, naswona swi hlayiwe eka yena leswaku i ku lulama.”+  Kutani eka munhu loyi a tirhaka,+ muholo a wu hlayiwi wu ri musa lowu nga faneriwiki,+ kambe wu ri nchumu lowu kolotiwaka.+  Hi hala tlhelo, loko ku ri munhu loyi a nga tirhiki kambe a vaka ni ripfumelo+ eka loyi a kotaka ku vula la nga xiximiki Xikwembu leswaku u lulamile, ripfumelo ra yena ri hlayiwa leri lulameke.+  Hilaha na Davhida a vulavulaka hakona hi ntsako wa munhu loyi Xikwembu xi n’wi hlayaka la lulameke handle ka mintirho:  “Va tsaka lava swiendlo swa vona swo kala nawu swi rivaleriweke,+ ni lava swidyoho swa vona swi funengetiweke;+  wa tsaka munhu loyi xidyoho xakwe xi nga ta ka xi nga tsundzukiwi+ hi Yehovha.”  Kutani, xana ntsako lowu wu kumiwa hi vanhu lava yimbeke, kumbe wu kumiwa ni hi vanhu+ lava nga yimbangiki ke? Hikuva hi ri: “Ripfumelo ra Abrahama ri hlayeriwe yena leswaku i ku lulama.”+ 10  Kutani ri hlayiwe ehansi ka swiyimo swihi? Xana hi loko a yimbile kumbe a nga si yimba?+ Hayi loko a yimbile, kambe a nga si yimba. 11  Naswona u amukele xikombiso,+ lexi nga ku yimba, xi va mfungho wa ku lulama hikwalaho ka ripfumelo leri a a ri na rona loko a nga si yimba, leswaku a ta va tata+ wa hinkwavo lava va nga ni ripfumelo+ loko va ri evukhuneni, leswaku va hlayiwa lava lulameke; 12  ni leswaku a va tata wa vana lava yimbeke, ku nga ri wa lava va namarhelaka ku yimba ntsena, kambe ni wa lava fambaka hi mfanelo emitileni ya ripfumelo leri tata+ wa hina Abrahama a a ri na rona loko a nga si yimba. 13  Hikuva Abrahama kumbe mbewu ya yena a nga kumanga xitshembiso+ xa leswaku u ta va mudyandzhaka wa misava hikwalaho ka nawu, kambe u xi kume hikwalaho ka ku lulama, hi ripfumelo.+ 14  Hikuva loko lava va namarhelaka nawu va ri vadyandzhaka, ripfumelo ri endliwe leri nga tirhiki nchumu, naswona xitshembiso xi herisiwile.+ 15  Hakunene Nawu wu tswala vukarhi,+ kambe laha ku nga riki na nawu, ni ku tlula nawu+ a ku kona. 16  Hikwalaho, swi vangiwe hi ripfumelo leswaku swi endliwa hi ku ya hi musa lowu nga faneriwiki,+ leswaku xitshembiso+ xi tiyisekisiwa eka mbewu+ ya yena hinkwayo, ku nga ri ntsena eka leyi namarhelaka Nawu, kambe ni le ka leyi namarhelaka ripfumelo ra Abrahama. (I tata+ wa hina hinkwerhu, 17  hilaha ku tsariweke hakona: “Ndzi ku vekile leswaku u va tata wa matiko yo tala.”)+ Leswi swi endliwe emahlweni ka Loyi a a ri ni ripfumelo eka yena, ku nga Xikwembu, lexi endlaka leswaku vafi va tlhela va hanya+ ni ku vitana swilo leswi nga riki kona onge hi loko swi ri kona.+ 18  Hambileswi ntshembo wakwe a wu nga ha tikombi, kambe a a ri ni ripfumelo+ leri seketeriweke hi ntshembo, leswaku a va tata wa matiko+ yo tala, hi ku landza leswi vuriweke: “Hikwalaho mbewu ya wena yi ta va tano.”+ 19  Naswona, hambileswi a nga tsanangiki eripfumelweni, u ehlekete hi miri wa yena n’wini, lowu ana se a swi fana ni loko wu file,+ tanihi leswi a a ri ni malembe ya kwalomu ka 100 hi vukhale,+ ni hi ku fa ka mbeleko wa Sara.+ 20  Kambe hikwalaho ka xitshembiso+ xa Xikwembu, a nga tsekatsekanga hi ku pfumala ripfumelo,+ kambe u ve ni matimba hi ripfumelo+ ra yena, a vangamisa Xikwembu 21  ni ku kholwa hi ku helela leswaku leswi xi swi tshembiseke a xi kota ni ku swi endla.+ 22  Hikwalaho, “swi hlayiwe eka yena leswaku i ku lulama.”+ 23  Hambiswiritano, leswaku “swi hlayiwe+ eka yena leswaku i ku lulama” a swi tsaleriwanga yena ntsena,+ 24  kambe swi tsaleriwe na hina lava hi nga ta hlayeriwa swona, hikuva ha kholwa eka loyi a pfuxeke Yesu Hosi ya hina eka lava feke.+ 25  U nyiketiwile hikwalaho ka swivi+ swa hina, a tlhela a pfuxiwa leswaku a ta hi vula lava lulameke.+

Tinhlamuselo ta le hansi