Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Varhoma 2:1-29

2  Hikokwalaho a wu swi koti ku tiyimelela, wena munhu+ loko u avanyisa,+ ku nga khathariseki leswaku u mani; hikuva eka xilo lexi u avanyisaka un’wana ha xona wa tigweva, tanihi leswi wena loyi u avanyisaka+ u hanyaka hi ku endla swilo+ sweswo.  Kutani ha swi tiva leswaku vuavanyisi bya Xikwembu, hi ku landza ntiyiso,+ byi le henhla ka lava va hanyaka hi ku endla swilo swo tano.  Kambe, wena munhu,+ loko u avanyisa lava hanyaka hi ku endla swilo swo tano kasi na wena wa swi endla, xana u anakanya leswaku u ta balekela vuavanyisi bya Xikwembu?+  Kumbe, xana u ku langutela ehansi ku fuwa ka musa+ wa xona ni ku tiyisela+ ni ku va ni mbilu yo leha,+ hi ku ka u nga swi tivi leswaku mfanelo ya musa ya Xikwembu yi ringeta ku ku yisa eku hundzukeni?+  Kambe hikwalaho ka ku nonon’hwa+ ka wena ni mbilu+ leyi nga hundzukiki, u tihlayisela vukarhi+ hi siku ra vukarhi+ ni ra ku hlavuteriwa+ ka vuavanyisi+ lebyi lulameke bya Xikwembu.  Kutani xi ta nyika un’wana ni un’wana hi ku ya hi mintirho+ ya yena:  vutomi lebyi nga heriki eka lava lavaka ku vangama ni ku xiximeka ni ku pfumala ku onhaka+ hi ku tiyisela entirhweni lowu nga wunene;  hambiswiritano, lava kanetaka+ ni lava nga wu yingisiki ntiyiso,+ kambe va yingisa leswi nga lulamangiki, xa vona ku ta va vukarhi ni ku hlundzuka,+  nhlomulo ni maxangu, ehenhla ka moya-xiviri wa munhu un’wana ni un’wana loyi a endlaka leswo biha, ku sungula hi Muyuda+ ku ya ni le ka Mugriki;+ 10  kambe ku vangama ni ku xiximeka ni ku rhula eka un’wana ni un’wana loyi a endlaka leswi nga swinene,+ ku sungula+ hi Muyuda ku ya ni le ka Mugriki.+ 11  Hikuva Xikwembu a xi yi hi nghohe.+ 12  Hi xikombiso, hinkwavo lava dyoheke va nga ri na nawu va ta tlhela va lova va nga ri na nawu;+ kambe hinkwavo lava dyoheke va ri ehansi ka nawu+ va ta avanyisiwa hi nawu.+ 13  Hikuva lava twaka nawu a hi vona lava lulameke emahlweni ka Xikwembu, kambe vaendli+ va nawu hi vona lava nga ta vuriwa lava lulameke.+ 14  Hikuva loko vanhu va matiko+ lava nga riki na nawu,+ va swi endla hi ntumbuluko swilo swa nawu,+ vanhu lava, hambileswi va nga riki na nawu, vona i nawu eka vona vini. 15  Hi vona lava kombisaka leswaku mhaka ya nawu yi tsariwile etimbilwini ta vona,+ kasi na rona ripfalo+ ra vona i mbhoni ya vona, kutani miehleketo ya vona vini, ya va hehla+ kumbe hambi ku ri ku va yimelela. 16  Leswi swi ta humelela hi siku leri Xikwembu xi nga ta avanyisa+ swilo swa vanhu+ leswi nga xihundla+ hi ku tirhisa Kreste Yesu, hi ku ya hi mahungu lamanene lawa ndzi ma vulaka.+ 17  Kutani loko u ri Muyuda,+ naswona u titshega hi nawu+ ni ku tinyungubyisa hi Xikwembu,+ 18  naswona u tiva ku rhandza+ ka xona u tlhela u amukela swilo leswi nga swinene hi leswi u leteriwaka Nawu+ hi nomu; 19  naswona u ri la khorwisekaka leswaku u mukongomisi wa lava feke mahlo,+ u ku vonakala eka lava nga emunyameni,+ 20  u mululamisi wa lava nga anakanyiki,+ mudyondzisi wa swihlangi,+ naswona u ni ntila+ wa vutivi ni wa ntiyiso+ hi tlhelo ra Nawu— 21  hambiswiritano, xana wena, loyi u dyondzisaka un’wanyana, a wu tidyondzisi ke?+ Wena, loyi u chumayelaka u ku “U nga tshuki u yiva,”+ wa yiva ke?+ 22  Wena, loyi u nge “U nga tshuki u endla vuoswi,”+ xana wa byi endla vuoswi ke? Wena, loyi u nyenyaka swifaniso swa hava, xana wa yiva+ etitempeleni? 23  Wena, loyi u tinyungubyisaka hi nawu, xana a wu xi khomisi tingana Xikwembu hi ku tlula ka wena Nawu?+ 24  Hikuva “vito ra Xikwembu ra sandziwa hikwalaho ka n’wina exikarhi ka matiko”;+ hilaha swi tsariweke hakona. 25  Entiyisweni, ku yimba+ swa pfuna, ntsena loko u hanya hi nawu;+ kambe loko u ri mutlula-nawu, ku yimba+ ka wena ku fana ni ku ka u nga yimbanga.+ 26  Hikokwalaho, loko munhu la nga yimbangiki+ a hlayisa swilaveko+ swa Nawu leswi lulameke, vukhuna byakwe byi ta hlayiwa byi ri ku yimba, a hi swona ke?+ 27  Naswona munhu la nga yimbangiki loyi a nga tano hi ntumbuluko, hi ku hetisisa Nawu, u ta ku avanyisa wena+ la tlulaka nawu, hi ku tirhisa milawu leyi tsariweke ni ku yimba. 28  Hikuva a hi Muyuda ehandle,+ naswona ku yimba a hi ka le handle enyameni.+ 29  Kambe i Muyuda endzeni,+ naswona ku yimba ka yena i ka le mbilwini+ hi tlhelo ra moya, hayi hi nawu lowu tsariweke.+ Ku vongiwa+ ka yoloye a ku humi evanhwini, kambe ku huma eka Xikwembu.+

Tinhlamuselo ta le hansi