Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Varhoma 15:1-33

15  Kambe hina lava hi tiyeke hi fanele ku tiyiselela ku tsana ka lava va nga tiyangiki,+ ku nga ri ku titsakisa hina vini.+  Un’wana ni un’wana wa hina a a tsakise warikwavo eka leswi nga swinene leswaku swi n’wi aka.+  Hikuva hambi a ri Kreste a nga titsakisanga;+ kambe hilaha ku tsariweke hakona: “Mindzhukano ya lava a va ku rhukana yi wele ehenhla ka mina.”+  Hikuva swilo hinkwaswo leswi tsariweke enkarhini lowu hundzeke swi tsaleriwe+ ku letela+ hina, leswaku hi ta va ni ntshembo+ hikwalaho ka ku tiyisela+ ka hina ni hikwalaho ka nchavelelo+ lowu humaka eMatsalweni.  Onge Xikwembu lexi nyikaka ku tiyisela ni nchavelelo xi nga mi pfumelela ku va ni langutelo+ ra mianakanyo leri fanaka ni leri Kreste Yesu a a ri na rona, exikarhi ka n’wina,  leswaku hi mianakanyo+ yin’we mi ta vangamisa Xikwembu tlhelo Tata wa Hosi ya hina Yesu Kreste, mi endla tano hi nomu wun’we.  Hikokwalaho amukelanani,+ tanihi leswi Kreste na yena a hi amukeleke+ hi xikongomelo xo vangamisa Xikwembu.  Hikuva ndza mi byela leswaku Kreste u ve mutirheli+ wa lava va yimbeke+ hikwalaho ka ntiyiso+ wa Xikwembu, leswaku a tiyisekisa switshembiso+ leswi xi swi endleke eka vatata wa vona,  ni leswaku matiko+ ma ta vangamisa Xikwembu hikwalaho ka tintswalo+ ta xona. Hilaha ku tsariweke hakona: “Hi yona mhaka leyi ndzi nga ta ku twarisa erivaleni exikarhi ka matiko naswona ndzi ta yimbelelela vito ra wena miloti.”+ 10  Nakambe xi ri: “Tsakani n’wina matiko, swin’we ni vanhu va xona.”+ 11  Nakambe xi ri: “Dzunisani Yehovha n’wina matiko hinkwenu, vanhu hinkwavo a va n’wi dzunise.”+ 12  Nakambe Esaya u ri: “Ku ta va ni rimitsu ra Yese,+ naswona ku ta humelela un’wana a fuma matiko;+ matiko ma ta veka ntshembo+ wa wona eka yena.” 13  Onge Xikwembu lexi nyikaka ntshembo xi nga mi tata hi ntsako hinkwawo ni ku rhula hi ku kholwa ka n’wina, leswaku mi ta va ni ntshembo lowukulu hi matimba ya moya lowo kwetsima.+ 14  Kutani na mina ndza khorwiseka hi n’wina vamakwerhu, leswaku n’wina hi n’wexe mi tele vunene, tanihi leswi mi teleke vutivi+ hinkwabyo, ni leswaku ma swi kota ku tsundzuxana.+ 15  Hambiswiritano, ndzi mi tsalela hi ku kongoma swinene malunghana ni timhaka to karhi, onge hi loko ndzi mi tsundzuxa+ nakambe, hikwalaho ka musa lowu nga faneriwiki lowu ndzi nyikiweke wona wu huma eka Xikwembu,+ 16  leswaku ndzi va nandza wa Kreste Yesu eka matiko,+ ndzi va loyi a khomekeke entirhweni wo kwetsima wa mahungu+ lamanene ya Xikwembu, leswaku gandzelo,+ ku nga matiko lawa, ri ta tikomba ri ri leri amukelekaka,+ ri ri leri kwetsimisiwaka hi moya lowo kwetsima.+ 17  Hikokwalaho ndzi ni xivangelo xo khana eka Kreste Yesu+ loko swi ta eka swilo leswi yelanaka ni Xikwembu.+ 18  Hikuva a ndzi nge ringeti ndzi mi byela nchumu wun’wana loko wu nga ri wa swilo leswi Kreste a swi endleke ha mina+ leswaku matiko ma ta yingisa,+ hi rito+ ra mina ni swiendlo, 19  hi matimba ya masingita ni swihlamariso,+ hi matimba ya moya lowo kwetsima; lerova ku sukela eYerusalema ni ku rhendzeleka+ ku ya fika ni le Iliriya ndzi chumayele mahungu lamanene hi rixaladza hi ta Kreste.+ 20  Kunene, hi ndlela leyi, ndzi swi endle xikongomelo xa mina ku ka ndzi nga vuli mahungu lamanene laha Kreste ana se a vuriweke kona, leswaku ndzi nga aki emasungulweni+ ya munhu un’wana; 21  kambe hilaha ku tsariweke hakona: “Lava nga tivisiwangiki nchumu malunghana na yena va ta vona, naswona lava va nga twangiki nchumu va ta twisisa.”+ 22  Hikokwalaho, nakambe minkarhi yo tala ndzi siveriwile leswaku ndzi nga fiki eka n’wina.+ 23  Kambe leswi ndzi nga ha riki na ndhawu leyi nga fikeleriwangiki eswifundzheni leswi, ni leswi ku ringana malembe yo hlayanyana ndzi naveleke ku fika eka n’wina+ 24  rini na rini loko ndzi ri endleleni yo ya eSpaniya,+ eka hinkwaswo, lexi ndzi xi languteleke loko ndzi ri eriendzweni ro ya kona i ku hundza ndzi mi vona, mi ndzi heleketanyana+ loko se ndzi enerisiwilenyana hi ku tshama na n’wina. 25  Kambe se ndzi lava ku khoma riendzo ro ya eYerusalema ndzi ya tirhela vakwetsimi.+ 26  Hikuva lava va nga eMakedoniya ni le Akaya+ va tsakele ku hanana hi swilo swa vona hi ku swi nyikela+ eka vakwetsimi lava nga swisiwana lava nga eYerusalema. 27  I ntiyiso, va swi tsakerile ku endla tano, kambe va ve ni xikweleti eka vona; hikuva loko matiko ma averiwe swilo+ swa vona swa moya, na wona ma kolota ku va tirhela erivaleni hi swilo swa miri+ wa nyama. 28  Hikwalaho, loko ndzi hete leswi naswona ndzi fikise mbhandzu+ lowu wu hlayisekile eka vona, ndzi ta hundza hi le ka n’wina loko ndzi ya eSpaniya.+ 29  Ku tlula kwalaho, ndza swi tiva leswaku loko ndzi ta eka n’wina ndzi ta ta ni mikateko leyi humaka eka Kreste+ hi ku tala ka yona. 30  Kutani ndza mi khongotela vamakwerhu, hi Hosi ya hina Yesu Kreste ni hi rirhandzu ra moya,+ leswaku mi tikarhata swin’we na mina eku ndzi+ khongeleleni eka Xikwembu, 31  leswaku ndzi ta kutsuriwa+ eka lava nga riki vapfumeri eYudiya, ni leswaku vutirheli bya mina lebyi ndzi byi endlelaka Yerusalema+ byi va lebyi amukelekaka eka vakwetsimi,+ 32  leswaku loko ndzi fika eka n’wina hi ntsako, hi ku rhandza ka Xikwembu, ndzi ta phyuphyisiwa+ swin’we na n’wina. 33  Onge Xikwembu lexi nyikaka ku rhula xi nga va na n’wina+ hinkwenu. Amen.

Tinhlamuselo ta le hansi