Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Varhoma 14:1-23

14  Amukelani munhu loyi a tsaneke+ eripfumelweni ra yena, kambe ku nga endliwi xiboho hi ku landza ku kanakana ka le ndzeni.+  Munhu un’wana u va ni ripfumelo ro dya xin’wana ni xin’wana,+ kambe munhu loyi a tsaneke u dya matsavu.  Loyi a dyaka a nga tshuki a n’wi langutela ehansi loyi a nga dyiki,+ ni loyi a nga dyiki a nga tshuki a avanyisa loyi a dyaka, hikuva Xikwembu xi n’wi amukerile.  U mani wena leswaku u avanyisa nandza wa yindlu ya un’wana?+ Ku yima kumbe ku wa+ kakwe swi khumba n’wini wa yena. Kunene u ta yimisiwa, hikuva Yehovha a nga n’wi yimisa.+  Munhu wo karhi u avanyisa siku rin’wana tanihi leri tlulaka rin’wanyana;+ munhu un’wanyana u avanyisa siku rin’wana tanihi laman’wanyana+ hinkwawo; munhu ha un’we a a kholwe hi ku helela emianakanyweni ya yena n’wini.  Loyi a hlayisaka siku u ri hlayisela Yehovha. Nakambe, loyi a dyaka u dyela Yehovha,+ hikuva u nkhensa Xikwembu;+ ni loyi a nga dyiki u swi endlela Yehovha,+ kasi u nkhensa Xikwembu.+  Entiyisweni a nga kona eka hina loyi a tihanyelaka ntsena,+ naswona a nga kona loyi a tifelaka ntsena;  hikuva loko hi hanya hi hanyela Yehovha,+ ni loko hi fa, hi fela Yehovha.+ Hikokwalaho loko hi hanya ni loko hi fa, hi va Yehovha.+  Hikuva hikwalaho ka sweswo Kreste u file a tlhela a hanya nakambe,+ leswaku a ta va Hosi eka lava feke+ ni lava hanyaka.+ 10  Kambe ha yini u avanyisa makwenu?+ Kumbe ha yini u tlhela u n’wi langutela ehansi makwenu? Hikuva hinkwerhu hi ta yima emahlweni ka xitshamo xa vuavanyisi+ xa Xikwembu; 11  hikuva ku tsariwile: “‘Leswi ndzi hanyaka,’ ku vula Yehovha,+ ‘tsolo rin’wana ni rin’wana ri ta ndzi nkhinsamela, naswona ririmi rin’wana ni rin’wana ri ta tiphofula erivaleni eka Xikwembu.’”+ 12  Hikwalaho, un’wana ni un’wana wa hina u ta tihlamulela eka Xikwembu.+ 13  Hikokwalaho hi nga ha tshuki hi avanyisana,+ kambe swi endleni xiboho+ xa n’wina leswaku mi nga tshuki mi vekela makwenu+ xikhunguvanyiso+ kumbe nchumu wa ku n’wi wisa. 14  Ndza swi tiva naswona ndza khorwiseka eka Hosi Yesu leswaku a ku na nchumu lowu nyameke hi vuwona;+ ntsena loko munhu a languta nchumu wu ri lowu nyameke, eka yena wu nyamile.+ 15  Hikuva loko u vilerisa makwenu hikwalaho ka swakudya, a wa ha fambi hi ku landza rirhandzu.+ U nga n’wi lovisi munhu loyi Kreste a n’wi feleke,+ hikwalaho ka swakudya swa wena. 16  Hikokwalaho, mi nga pfumeli leswaku leswinene leswi mi swi endlaka ku vulavuriwa ku biha ha swona eka n’wina. 17  Hikuva mfumo wa Xikwembu+ a wu vuli ku dya ni ku nwa,+ kambe wu vula ku lulama+ ni ku rhula+ ni ntsako+ lowu fambisanaka ni moya lowo kwetsima. 18  Hikuva loyi a nga hlonga ra Kreste emhakeni leyi wa amukeleka eka Xikwembu, kasi ni vanhu+ va n’wi amukela. 19  Hikwalaho, a hi lavisiseni swilo leswi endlaka ku rhula+ ni swilo leswi akaka eka van’wana.+ 20  Tshikani ku hirimuxa ntirho wa Xikwembu hikwalaho ka swakudya+ ntsena. I ntiyiso, swilo hinkwaswo swi basile, kambe swi bihile loko munhu a dya+ hi nkarhi lowu swi nga khunguvanyisaka van’wana. 21  I swinene leswaku u nga yi dyi nyama ni leswaku u nga yi nwi vhinyo kumbe ku endla xihi ni xihi lexi makwenu a khunguvanyekaka+ ha xona. 22  Ripfumelo leri mi nga na rona, tihlayiseleni rona emahlweni ka Xikwembu.+ Wa tsaka munhu loyi a nga tivangeriki ku avanyisiwa hikwalaho ka leswi a swi amukelaka. 23  Kambe loko a kanakana ana se u gweviwile loko a dya,+ hikuva a nga dyi hi ripfumelo. Kunene, xin’wana ni xin’wana lexi nga endliwiki hi ripfumelo i xidyoho.+

Tinhlamuselo ta le hansi