Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Varhoma 12:1-21

12  Hikwalaho ndza mi kombela vamakwerhu, hi tintswalo ta Xikwembu leswaku mi nyikela mimiri+ ya n’wina yi va xitlhavelo+ lexi hanyaka,+ xo kwetsima+ ni lexi amukelekaka eka Xikwembu,+ ku nga ntirho wo kwetsima,+ hi matimba ya n’wina ya ku anakanya.  Naswona tshikani ku titwananisa+ ni mafambiselo lawa ya swilo, kambe mi hundzuka hi ku hundzula+ mianakanyo ya n’wina, leswaku mi ta tiyiseka hi ku rhandza+ ka Xikwembu loku nga kunene ni loku amukelekaka ni loku hetisekeke.  Hikuva hi musa lowu nga faneriwiki lowu ndzi nyikiweke wona ndzi byela un’wana ni un’wana kwalaho exikarhi ka n’wina leswaku a nga tiehleketeleli ku tlula mpimo lowu a faneleke ku tiehleketelela+ ha wona; kambe a a ehlekete hi xikongomelo xo va ni mianakanyo+ leyi hlutekeke, un’wana ni un’wana hilaha Xikwembu xi n’wi aveleke+ ripfumelo hakona.+  Hikuva tanihi leswi hi nga ni swirho+ swo tala emirini wun’we, kambe swirho sweswo hinkwaswo a swi na ntirho lowu fanaka,  xisweswo hina, hambileswi hi nga tala, hi miri+ wun’we evun’weni na Kreste, kambe un’wana ni un’wana wa hina i xirho xa un’wana.+  Kutani, tanihi leswi hi nga ni tinyiko leti hambanaka+ hi ku ya hi musa+ lowu nga faneriwiki lowu hi nyikiweke wona, hambi byi ri vuprofeta, a hi profeteni hi ku ya hi ripfumelo leri hi averiweke rona;  kumbe i vutirheli, a hi hlanganyeleni evutirhelini+ lebyi; kumbe loyi a dyondzisaka,+ a a dyondzise;  kumbe loyi a khongotelaka, a a khongotele; loyi a avelaka, a a avele hi mbilu yo basa;+ loyi a ungamelaka,+ a a ungamele hi ku gingiriteka ka xiviri; loyi a kombisaka tintswalo,+ a a ti kombise a ri karhi a khana.  Rirhandzu+ ra n’wina ri nga vi na vukanganyisi.+ Nyenyani leswi hombolokeke,+ mi namarhela leswi nga swinene.+ 10  Mi va ni xinakulobye lexikulu erirhandzwini+ ra vumakwerhu. Vanani lavo rhanga eku xiximaneni.+ 11  Mi nga lolohi entirhweni+ wa n’wina. Mi pfurha hi moya.+ Mi va mahlonga ya Yehovha.+ 12  Tsakani hi ntshembo.+ Mi tiyisela nhlomulo.+ Mi phikelela exikhongelweni.+ 13  Avelanani ni vakwetsimi hi ku ya hi swilaveko+ swa vona. Mi landzela ndlela ya malwandla.+ 14  Hambetani mi katekisa vaxanisi;+ mi katekisa,+ mi nga rhukani.+ 15  Tsakani ni vanhu lava tsakaka;+ mi rila ni vanhu lava rilaka. 16  Mi karhatekela van’wana hi ndlela leyi mi+ tikarhatekelaka ha yona; mi nga karhatekeli swilo+ leswi tlakukeke, kambe fambisanani swin’we ni swilo+ swa xiyimo xa le hansi. Mi nga tivoni+ onge mi tlharihile. 17  Mi nga tlheriseli swo biha hi swo biha+ hambi eka mani. Endlani swilo leswi nga swinene emahlweni ka vanhu hinkwavo. 18  Loko swi koteka, swi titshege hi n’wina, vanani ni ku rhula+ ni vanhu hinkwavo. 19  Mi nga tirihiseli,+ varhandziwa, kambe kendlukelani vukarhi;+ hikuva ku tsariwile: “Ku rihisela i ka mina; hi mina ndzi nga ta tlherisela, ku vula Yehovha.”+ 20  Kambe, “loko nala wa wena a ri ni ndlala, n’wi phamele; loko a ri ni torha, n’wi nyike swakunwa;+ hikuva loko u endla leswi, u ta va u fumba makala lama pfurhaka enhlokweni+ ya yena.” 21  U nga pfumeli ku hluriwa hi swo biha, kambe hambeta u hlula swo biha hi leswinene.+

Tinhlamuselo ta le hansi