Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Varhoma 11:1-36

11  Kutani ndza vutisa, Xikwembu a xi va bakanyanga vanhu va xona, a hi swona?+ Sweswo swi nga tshuki swi endleka! Hikuva na mina ndzi Muisrayele,+ wa mbewu ya Abrahama, wa nyimba ya Benjamini.+  Xikwembu a xi va bakanyanga vanhu va xona, lava xi nga va tiva+ ku sungula. Kasi a mi swi tivi leswaku ri ri yini Tsalwa mayelana na Eliya loko a kombelela Israyele+ eka Xikwembu?  “Yehovha, va va dlayile vaprofeta va wena, va cele tialitari ta wena, kutani ku sele mina ntsena, naswona va lava moya-xiviri+ wa mina.”  Kambe, xana Xikwembu xi n’wi tivisa+ yini ke? “Ndzi tiyisele vavanuna va 7 000, ku nga vanhu lava nga n’wi nkhinsamelangiki Bali.”+  Hikokwalaho, ni le nkarhini lowu, masalela+ ma humelele hi ndlela yoleyo hi ku ya hi ku hlawula+ loku fanelaka musa lowu nga faneriwiki.  Loko ku hlawula loku ku endliwa hi musa+ lowu nga faneriwiki, a ka ha endliwi hikwalaho ka mintirho;+ loko swi ri tano, musa lowu nga faneriwiki a wa ha ri musa+ lowu nga faneriwiki.  Kutani ku vuriwa yini? Nchumu wolowu Israyele a wu lavaka hi mbilu hinkwayo a nga wu kumanga,+ kambe wu kumiwe hi lava va hlawuriweke.+ Mintlhaveko ya lavan’wana hinkwavo yi tlanyatiwile;+  hilaha ku tsariweke hakona: “Xikwembu xi va nyike moya wa vurhongo lebyikulu,+ xi va nyike mahlo lama nga voniki ni tindleve leti nga twiki, ku ta fika esikwini roleri.”+  Nakambe, Davhida u ri: “Tafula ra vona a ri ve ntlhamu ni xirimbana ni xikhunguvanyiso ni ndzihiso+ eka vona; 10  mahlo ya vona a ma ve ni munyama leswaku ma nga voni, naswona nkarhi hinkwawo va korhamisa nhlana+ wa vona.” 11  Hikokwalaho ndza vutisa, Xana va khunguvanyekile, lerova va wa+ hi ku helela? Sweswo swi nga tshuki swi endleka! Kambe vanhu va matiko+ va ponisiwa hikwalaho ka goza+ ra vona leri hoxeke, leswaku va endliwa va va ni mavondzo.+ 12  Kutani loko goza ra vona leri hoxeke ri endla leswaku misava yi fuwa, niloko ku hunguteka ka vona ku endla leswaku vanhu va matiko+ va fuwa, nhlayo+ ya vona leyi heleleke yi ta vula sweswo ngopfu-ngopfu! 13  Sweswi ndzi vulavula na n’wina lava mi nga vanhu va matiko. Hikuva tanihi leswi hakunene ndzi nga muapostola+ eka matiko,+ ndzi vangamisa+ vutirheli+ bya mina, 14  loko hakunene ndzi swi kota ku endla lava nga va ka hina hi tlhelo ra nyama leswaku va va ni mavondzo ni ku ponisa+ van’wana exikarhi ka vona.+ 15  Hikuva loko ku cukumetiwa+ ka vona swi vula ku vuyelelana+ ka misava, xana ku amukeriwa ka vona ku nga vula yini loko ku nga ri vutomi eka lava feke? 16  Ku tlula kwalaho, loko xiphemu lexi tekiweke tanihi swirhangana+ xi ri xo kwetsima, mbila na yona ya kwetsima; naswona loko rimitsu ri ri ro kwetsima,+ ni marhavi i yo kwetsima. 17  Hambiswiritano, loko man’wana ya marhavi ma phatluriwile kambe wena u tlhomiwa ematshan’weni ya wona,+ hambileswi u nga mutlhwari wa nhova, kutani u hlanganyela eka rimitsu ra mafurha+ ra mutlhwari,+ 18  u nga khani hikwalaho ka marhavi lawa. Kambe loko wo khana,+ a hi wena u rhwalaka rimitsu+ kambe i rimitsu ri ku rhwalaka.+ 19  Kutani u ta ku: “Marhavi ma phatluriwile+ leswaku ku ta tlhomiwa+ mina.” 20  Hi swona! Ma phatluriwile hikwalaho ka ku pfumala ka wona ripfumelo,+ kambe wena u yimile hikwalaho ka ripfumelo.+ Tshika ku tikurisa,+ kambe u va ni xichavo.+ 21  Hikuva loko Xikwembu xi nga ma tsetselelanga marhavi ya ntumbuluko, na wena+ a xi nge ku tsetseleli. 22  Hikokwalaho vona musa+ ni rilondzo+ ra Xikwembu. Lava weke va kuma rilondzo,+ kambe wena u kuma musa wa Xikwembu, ntsena loko u tshama+ eka musa wa xona; loko swi nga ri tano na wena u ta tsemiwa.+ 23  Na vona va ta tlhomiwa+ loko va nga tshami eku kayiveleni ka vona ripfumelo; hikuva Xikwembu xa swi kota ku va tlhoma nakambe. 24  Hikuva loko u tsemiwe emurhini wa mutlhwari lowu nga wa nhova hi ntumbuluko kutani u tlhomiwa+ emurhini wa mutlhwari wa le ntangeni hi ndlela leyi nga riki ya ntumbuluko, lava va nga va ntumbuluko va ta tlhomiwa swinene emurhini wa vona vini wa mutlhwari!+ 25  Hikuva, vamakwerhu, a ndzi lavi leswaku mi nga xi tivi xihundla+ lexi xo kwetsima, leswaku mi nga tivoni onge mi tlharihile ematihlweni ya n’wina: leswaku tiko ra Israyele ri tlanyarile,+ ku fikela loko nhlayo leyi heleleke+ ya vanhu va matiko yi nghenile,+ 26  kutani tiko hinkwaro ra Israyele+ ri ta ponisiwa hi mukhuva lowu. Hilaha ku tsariweke hakona: “Mukutsuri u ta huma hi le Siyoni,+ a susa mikhuva ya ku nga xiximi Xikwembu eka Yakobe.+ 27  Kutani lowu hi wona ntwanano wa mina na vona, loko ndzi susa+ swidyoho swa vona.” 28  Entiyisweni, i valala va mahungu lamanene ku endlela ku pfuna+ n’wina, kambe va rhandzeka eka [Xikwembu] hikwalaho ka vatata+ wa vona. 29  Hikuva tinyiko ni ku vitana ka Xikwembu a hi swilo leswi xi nga ta tisola+ ha swona. 30  Hikuva tanihi leswi khale a mi nga xi yingisi+ Xikwembu, kambe sweswi mi kombisiweke tintswalo+ hikwalaho ka ku ka va nga yingisi,+ 31  xisweswo na vona lava a va yingisanga, leswi endleke leswaku n’wina+ mi kuma tintswalo, leswaku na vona va kombisiwa tintswalo. 32  Hikuva Xikwembu xi endle leswaku hinkwavo va nga yingisi,+ leswaku xi ta va kombisa tintswalo+ hinkwavo ka vona. 33  Mawaku ku enta ka rifuwo+ ni vutlhari+ ni vutivi+ bya Xikwembu! Vuavanyisi+ bya xona a byi lavisiseki, ni tindlela ta xona a ti landzeleriseki! 34  Hikuva “i mani loyi se a tivaka mianakanyo+ ya Yehovha, kumbe i mani loyi a veke mutsundzuxi+ wa yena?” 35  Kumbe, “I mani loyi a rhangeke a n’wi nyika swo karhi, leswaku a+ ta tlheriseriwa swona?” 36  Hikuva swilo+ hinkwaswo swi huma eka yena, swi endliwe hi yena, i swa yena. Ku vangama a ku ve ka yena hi masiku.+ Amen.

Tinhlamuselo ta le hansi