Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Varhoma 10:1-21

10  Vamakwerhu, leswi mbilu ya mina yi swi navelaka ni xikombelo xa mina eka Xikwembu hikwalaho ka vona, kunene i ku ponisiwa+ ka vona.  Hikuva ndzi mbhoni ya vona leswaku va xi hisekela+ Xikwembu; kambe ku nga ri hikwalaho ka vutivi+ lebyi kongomeke;  hikuva, hikwalaho ka leswi va nga ku tiviki ku lulama ka Xikwembu,+ kambe va lavaka ku simeka ku lulama ka vona vini,+ a va tivekanga ehansi ka ku lulama ka Xikwembu.+  Hikuva Kreste hi yena makumu ya Nawu,+ leswaku un’wana ni un’wana loyi a kombisaka ripfumelo a ta kuma ku lulama.+  Hikuva Muxe u tsala leswaku munhu loyi a endleke ku lulama ka Nawu u ta hanya hi kona.+  Kambe ku lulama loku humaka eripfumelweni ku vulavula hi mukhuva lowu: “U nga tshuki u vula embilwini+ ya wena u ku, ‘I mani loyi a nga ta tlhandlukela etilweni?’+ hileswaku, a rhelerisa Kreste;+  kumbe, ‘I mani loyi a nga ta xikela ekheleni ro enta?’+ hileswaku, a humesa Kreste eka lava feke.”+  Kambe ri ri yini? “Rito ri le kusuhi na wena, enon’wini wa wena, ni le mbilwini+ ya wena”; ku nga “rito”+ ra ripfumelo, leri hi ri chumayelaka.+  Hikuva loko u ri vula erivaleni ‘rito leri nga enon’wini wa wena n’wini,’+ leswaku Yesu i Hosi,+ ni loko u kombisa ripfumelo embilwini ya wena ra leswaku Xikwembu xi n’wi pfuxile eka lava feke,+ u ta ponisiwa.+ 10  Hikuva munhu u kombisa ripfumelo hi mbilu+ leswaku a va la lulameke, kambe u vula+ erivaleni hi nomu wa yena leswaku a ponisiwa. 11  Hikuva Tsalwa ri ri: “A nga kona loyi a pfumelaka+ eka yena, loyi a nga ta khomisiwa tingana.”+ 12  Hikuva a ku na ku hambana exikarhi ka Muyuda ni Mugriki,+ hikuva ku ni Hosi yin’we ehenhla ka hinkwavo, leyi fuweke+ eka hinkwavo lava yi vitanaka. 13  Hikuva “un’wana ni un’wana loyi a vitanaka vito ra Yehovha u ta ponisiwa.”+ 14  Hambiswiritano, va ta n’wi vitanisa ku yini loyi va nga pfumelangiki+ eka yena? Hilaha ku fanaka, va ta pfumerisa ku yini eka loyi va nga twangiki nchumu hi ta yena? Hilaha ku fanaka, va ta swi twisa ku yini loko ku nga ri na loyi a chumayelaka?+ 15  Hilaha ku fanaka, va ta chumayerisa ku yini va nga rhumiwanga?+ Hilaha ku tsariweke hakona: “Ya languteka hakunene milenge ya lava va vulaka mahungu lamanene ya swilo leswinene!”+ 16  Nilokoswiritano, van’wana a va ma yingisanga mahungu+ lamanene. Hikuva Esaya u ri: “Yehovha, i mani loyi a veke ni ripfumelo eka leswi twiweke eka hina?”+ 17  Kutani ripfumelo ri landzela leswi twiweke.+ Hilaha ku fanaka, leswi twiweke swi huma eritweni ra Kreste.+ 18  Nilokoswiritano, ndza vutisa, A va tsandzekanga ku twa, a hi swona ke? Phela, entiyisweni “mpfumawulo wa vona wu twakale+ emisaveni hinkwayo, naswona marito+ ya vona ma twakale ku ya fika emakun’wini ya misava leyi akiweke.” 19  Nilokoswiritano, ndza vutisa, Israyele a nga tsandzekanga ku tiva, a hi swona ke?+ Xo sungula, Muxe u ri: “Ndzi ta mi endla mi va ni mavondzo hi ku tirhisa lexi nga riki tiko; ndzi ta mi endla mi hlundzuka ngopfu hi ku tirhisa tiko+ ro hunguka.” 20  Kambe Esaya a va ni vurhena swinene, a ku: “Ndzi kumiwe hi lava a va nga lavi mina;+ ndzi tikombise eka lava a va nga vutisi ha mina.”+ 21  Kambe malunghana na Israyele u ri: “Siku hinkwaro ndzi tshambulutele mavoko ya mina eka vanhu lava nga yingisiki+ ni lava kanetaka.”+

Tinhlamuselo ta le hansi