Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vakolosa 3:1-25

3  Hambiswiritano, loko mi pfuxiwe+ swin’we na Kreste, hambetani mi lava swilo swa le henhla,+ laha Kreste a tshameke kona evokweni ra xinene ra Xikwembu.+  Hlayisani mianakanyo ya n’wina yi ri eka swilo swa le henhla,+ ku nga ri eka swilo swa la misaveni.+  Hikuva mi file,+ kutani vutomi+ bya n’wina a byi fihliwe na Kreste evun’weni+ ni Xikwembu.  Loko Kreste, vutomi+ bya hina, a kombisiwa, kutani na n’wina mi ta kombisiwa+ na yena eku vangameni.+  Hikokwalaho, dlayani+ swirho+ swa miri wa n’wina leswi nga emisaveni malunghana ni vumbhisa, thyaka, ku navela ka vuxaka bya rimbewu,+ ku navela loku vavisaka, ni ku tshwa,+ ku nga ku gandzela swifaniso swa hava.  Hikwalaho ka swilo sweswo vukarhi bya Xikwembu bya ta.+  Na n’wina a mi famba eka swilo sweswo khale loko ma ha hanya eka swona.+  Kambe hakunene sweswi cukumetani hinkwaswo ekule na n’wina,+ vukarhi, ku hlundzuka, vubihi, mavulavulelo ya nhlambha,+ ni mavulavulelo lama thyakeke+ ma suseni emilon’wini ya n’wina.  Mi nga hembelani.+ Hluvulani vumunhu bya khale+ ni mikhuva ya byona, 10  kutani mi tiambexa vumunhu lebyintshwa,+ lebyi hi vutivi lebyi kongomeke byi endliwaka byi va byintshwa hi ku ya hi xifaniso+ xa Loyi a byi tumbuluxeke, 11  laha ku nga riki na Mugriki kumbe Muyuda, la yimbeke kumbe la nga yimbangiki, munhu wumbe, Muskita, hlonga, munhu loyi a ntshunxekeke,+ kambe Kreste i swilo hinkwaswo eka hinkwavo.+ 12  Hikwalaho, leswi mi nga vahlawuriwa+ va Xikwembu, vo kwetsima ni lava rhandziwaka, tiambexeni xinakulobye lexikulu xa tintswalo,+ musa, mianakanyo yo titsongahata,+ ku rhula,+ ni ku va ni mbilu yo leha.+ 13  Hambetani mi lehiselana mbilu ni ku rivalelana hi ku ntshunxeka+ loko un’wana a ri ni xivangelo xa ku vilerisiwa+ hi un’wanyana. Tanihi leswi Yehovha a mi+ rivaleleke hi ku ntshunxeka, na n’wina endlani sweswo. 14  Kambe, handle ka swilo leswi hinkwaswo, ambalani rirhandzu,+ hikuva i xiboho+ lexi hetisekeke xa vun’we. 15  Nakambe, ku rhula+ ka Kreste a ku mi lawule etimbilwini ta n’wina,+ hikuva entiyisweni a mi vitaneriwa kona hi miri+ wun’we. Kutani tikombeni mi ri ni ku nkhensa. 16  Rito ra Kreste a ri tshame eka n’wina hilaha ku fuweke hi vutlhari hinkwabyo.+ Hambetani mi dyondzisana+ ni ku tsundzuxana hi tipisalema,+ marito yo dzunisa eka Xikwembu, tinsimu+ ta moya hi nsovo, mi yimbelelela Yehovha+ etimbilwini ta n’wina. 17  Naswona xin’wana ni xin’wana lexi mi xi endlaka hi rito kumbe hi ntirho,+ endlani hinkwaswo hi vito ra Hosi Yesu,+ mi nkhensa+ Xikwembu Tatana ha yena. 18  N’wina vavasati lava tekiweke, tivekeni+ ehansi ka vanuna va n’wina, tanihi leswi swi fanelaka eHosini. 19  N’wina vavanuna lava tekeke, tshamani mi ri karhi mi rhandza vasati+ va n’wina naswona mi nga va hlundzukeli ku tlula mpimo.+ 20  N’wina vana, yingisani+ vatswari va n’wina eka xin’wana ni xin’wana, hikuva leswi swa tsakisa swinene eHosini. 21  N’wina vatatana, mi nga dyisi vana+ va n’wina mbitsi, leswaku va nga heli mbilu. 22  N’wina mahlonga, eka xin’wana ni xin’wana yingisani lava nga vini va n’wina hi tlhelo+ ra nyama, ku nga ri hi ku tirha loko mi vekiwe tihlo, ku fana ni lava tsakisaka+ vanhu, kambe hi mbilu yo tshembeka, hi ku chava Yehovha.+ 23  Xin’wana ni xin’wana lexi mi xi endlaka, xi endleni hi moya-xiviri+ hinkwawo kukota loko mi xi endlela Yehovha,+ ku nga ri vanhu, 24  hikuva ma swi tiva leswaku eka Yehovha+ hi kona laha mi nga ta amukela hakelo leyi faneleke ya ndzhaka,+ mi va mahlonga ya N’wini wa n’wina, Kreste.+ 25  Hakunene loyi a endlaka leswi hoxeke u ta tlhela+ a amukela leswi a swi endleke hi ndlela leyi hoxeke, naswona ku hava ku ya hi nghohe.+

Tinhlamuselo ta le hansi