Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vakolosa 1:1-29

1  Mina Pawulo, muapostola wa Kreste Yesu hi ku rhandza+ ka Xikwembu, na Timotiya+ makwerhu,  eka vakwetsimi ni vamakwerhu vo tshembeka evun’weni+ na Kreste lava nga eKolosa: Onge mi nga va ni musa lowu nga faneriwiki ni ku rhula loku humaka eka Xikwembu Tata+ wa hina.  Hi nkhensa+ Xikwembu Tata wa Hosi ya hina Yesu Kreste minkarhi hinkwayo loko hi mi khongelela,+  tanihi leswi hi tweke hi ta ripfumelo ra n’wina mayelana na Kreste Yesu ni rirhandzu leri mi rhandzaka vakwetsimi+ hinkwavo ha rona  hikwalaho ka ntshembo+ lowu mi vekeriweke wona ematilweni.+ Ntshembo lowu mi tweke ha wona emahlweni hi ku vuriwa ka ntiyiso wa mahungu+ wolawo lamanene  lama titiseke eka n’wina, tanihi leswi ma vekaka mihandzu+ naswona ma andzaka+ emisaveni+ hinkwayo hilaha ma endlaka hakona ni le xikarhi ka n’wina, ku sukela esikwini leri mi tweke ni ku wu tiva hi ku kongoma musa lowu nga faneriwiki+ wa Xikwembu hi ntiyiso.+  Sweswo hi leswi mi swi dyondzeke eka Epafrasi+ hlonga-kulorhi leri rhandzekaka, leri nga mutirheli wo tshembeka wa Kreste ematshan’weni ya hina,  leri nakambe ri hi paluxeleke rirhandzu+ ra n’wina hi ndlela ya moya.  Hi yona mhaka leyi hina, ku sukela esikwini leri hi tweke ha rona, hi nga tshikangiki ku mi khongelela+ ni ku kombela leswaku mi tala vutivi+ lebyi kongomeke bya ku rhandza ka xona hi vutlhari+ hinkwabyo ni ku twisisa+ ka moya, 10  leswaku mi famba hi mukhuva lowu fanelaka+ eka Yehovha+ leswaku mi n’wi tsakisa hi ku helela mi ri karhi mi veka mihandzu entirhweni+ wun’wana ni wun’wana lowunene ni ku kula eku tiveni ka Xikwembu hi ku kongoma,+ 11  mi endliwa lava nga ni matimba hi matimba hinkwawo hi ku ya hi matimba+ yakwe lama vangamaka leswaku mi tiyisela+ hi ku helela ni ku va ni mbilu yo leha hi ntsako, 12  mi nkhensa Tatana loyi a mi endleke mi faneleka ku hlanganyela eka ndzhaka+ ya vakwetsimi+ eku vonakaleni.+ 13  U hi kutsule eka vulawuri+ bya munyama kutani a hi hundzisela+ emfun’weni+ wa N’wana wa yena loyi a n’wi rhandzaka,+ 14  loyi ha yena hi kumaka ku ntshunxiwa hi nkutsulo, ku rivaleriwa ka swidyoho+ swa hina. 15  I xifaniso+ xa Xikwembu lexi nga vonakiki,+ mativula+ ya ntumbuluko hinkwawo; 16  hikuva ha yena+ swilo hinkwaswo swi tumbuluxiwile ematilweni ni le henhla ka misava, swilo leswi vonakaka ni swilo leswi nga vonakiki, ku nga khathariseki leswaku i swiluvelo kumbe vuhosi kumbe tihulumendhe kumbe vulawuri.+ Swilo leswin’wana hinkwaswo swi tumbuluxiwe ha yena+ naswona swi tumbuluxeriwe yena. 17  Nakambe, u le mahlweni ka swilo+ swin’wana hinkwaswo naswona swilo swin’wana hinkwaswo swi endliwe swi va kona+ hikwalaho ka yena, 18  naswona i nhloko ya miri, vandlha.+ Yena i masungulo, mativula eka lava feke,+ leswaku a va lowo sungula+ eka swilo hinkwaswo; 19  hikuva Xikwembu xi vone swi ri swinene leswaku ku tala+ hinkwako ku tshama eka yena, 20  ni leswaku ha yena xi tlhela xi vuyelelanisa+ swilo+ swin’wana hinkwaswo hi ku endla ku rhula+ hi ngati+ leyi a yi halateke emhandzini+ ya nxaniso, ku nga khathariseki leswaku i swilo leswi nga ehenhla ka misava kumbe swilo leswi nga ematilweni. 21  Hakunene, n’wina lava khale a mi hambanisiwile+ naswona mi ri valala hikwalaho ka leswi mianakanyo ya n’wina a yi ri emintirhweni leyi hombolokeke,+ 22  sweswi xi tlhele xi vuyelelana+ na n’wina hi miri wa nyama wa yoloye hi rifu+ rakwe, leswaku xi mi vonakarisa mi ri lava kwetsimaka ni lava nga solekiki+ ni ku pfumala xihehlo+ xihi ni xihi emahlweni ka xona, 23  ina, ntsena loko mi tshama eripfumelweni,+ mi simekiwa emasungulweni+ ni ku tserhama+ naswona mi nga kendlusiwi eka ntshembo wa mahungu wolawo lamanene lawa mi ma tweke,+ lawa ma chumayeriweke+ eka ntumbuluko+ hinkwawo lowu nga ehansi ka tilo. Mina Pawulo ndzi ve mutirheli+ wa mahungu lawa lamanene. 24  Sweswi ndza tsaka eku xanisekeni ka mina hikwalaho ka n’wina,+ kutani mina, etlhelweni ra mina, ndza tatisa leswi pfumalekaka emahlomulweni+ ya Kreste enyameni ya mina hikwalaho ka miri wakwe, ku nga vandlha.+ 25  Ndzi ve mutirheli+ wa vandlha leri hi ku landza vulanguteri+ lebyi humaka eka Xikwembu lebyi ndzi nyikiweke byona leswaku ku ta vuyeriwa n’wina, mi ta chumayela rito ra Xikwembu hi ku hetiseka, 26  xihundla xo kwetsima+ lexi a xi fihliwile ku sukela eka mafambiselo ya swilo+ lama hundzeke ni ku sukela eka switukulwana leswi hundzeke. Kambe sweswi xi kombisiwe+ vakwetsimi va xona, 27  lava Xikwembu xi rhandzeke ku va tivisa leswi rifuwo+ ro vangama ra xihundla lexi xo kwetsima+ exikarhi ka matiko ri nga swona. I Kreste+ evun’weni na n’wina, ntshembo wa ku vangama+ ka yena. 28  Hi yena loyi hi n’wi twarisaka erivaleni,+ hi tsundzuxa munhu un’wana ni un’wana ni ku dyondzisa munhu un’wana ni un’wana evutlharini+ hinkwabyo, leswaku hi vonakarisa munhu un’wana ni un’wana a hetisekile+ evun’weni na Kreste. 29  Hikwalaho ka leswi ndzi tirha hi matimba hakunene, ndzi tikarhata+ hi ku landza matirhelo+ ya yena naswona matirhelo lawa ma tirha eka mina hi matimba.+

Tinhlamuselo ta le hansi