Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaheveru 9:1-28

9  Kutani loko ku ri wona, ntwanano wo sungula, a wu ri ni swileriso swa ntirho wo kwetsima+ ni ndhawu ya wona yo kwetsima+ emisaveni.  Hikuva a ku akiwe yindlu+ yo sungula ya ntsonga leyi eka yona a ku ri ni xo tlhandleka rivoni+ ni tafula+ swin’we ni ku kombisiwa ka swinkwa;+ naswona yi vuriwa “Ndhawu yo Kwetsima.”+  Kambe endzhaku ka nguvu+ ya vumbirhi a ku ri ni yindlu ya ntsonga leyi vuriwaka “Vukwetsimisiso.”+  Byona a byi ri ni xibya xa nsuku xo hisela+ mirhi ya risuna ni areka ya ntwanano+ leyi namekiweke hinkwako hi nsuku,+ endzeni ka yona ku ri ni khuwana ra nsuku leri nga ni manna+ ni nhonga ya Aroni leyi hlukeke+ ni swiphepherhele+ swa ntwanano;  kambe ehenhla-henhla ka byona a ku ri ni makerubu+ lama vangamaka lama funengeteke xifunengeto+ xa ku vuyelelana. Kambe sweswi a hi nkarhi wo vulavula hi vuenti malunghana ni swilo leswi.  Loko swilo leswi swi akiwile hi ndlela leyi, vaprista va nghena endlwini+ yo sungula ya ntsonga minkarhi hinkwayo ku endla mintirho yo kwetsima;+  kambe endlwini ya vumbirhi ku nghena muprista lonkulu ntsena, kan’we hi lembe,+ a ri ni ngati,+ leyi a yi nyikelaka yi va yakwe,+ yi tlhela yi va ya swidyoho leswi vanhu va swi endlaka hi ku ka va nga tivi.+  Xisweswo moya lowo kwetsima wu swi veka erivaleni leswaku ndlela+ leyi yaka endhawini yo kwetsima a yi nga si kombisiwa loko ntsonga wo sungula wa ha yimile.+  Ntsonga lowu i xifaniso+ xa nkarhi lowu vekiweke lowu sweswi wu fikeke,+ naswona ku fambisana na wona, ku nyikeriwa+ tinyiko ni switlhavelo. Hambiswiritano, leswi a swi swi koti ku endla munhu la endlaka ntirho wo kwetsima a hetiseka+ malunghana ni ripfalo+ rakwe, 10  kambe swi yelana ntsena ni swakudya+ ni swakunwa+ ni minkhuvulo+ yo hambana-hambana. A swi ri swilaveko swa le nawini mayelana ni swa nyama+ naswona a swi simekiwile ku fikela nkarhi lowu vekiweke wo lulamisa+ swilo. 11  Hambiswiritano, loko Kreste a ta a ri muprista lonkulu+ wa swilo leswinene leswi endlekeke, hi ntsonga lowukulu ni lowu hetisekeke ngopfu lowu nga endliwangiki hi mavoko, hileswaku, lowu nga riki wa ntumbuluko+ lowu, 12  e-e, a nga nghenanga ni ngati+ ya timbuti ni ya swinkunzana, kambe u nghene ni ngati+ yakwe, kan’we swi helela kwalaho endhawini yo kwetsima kutani a hi kumela+ ku kutsuriwa loku nga heriki. 13  Hikuva loko ngati ya timbuti+ ni ya tinkunzi+ ni nkuma+ wa thokazi leswi xuviweke eka lava nyamisiweke+ swi kwetsimisa lerova va basa enyameni,+ 14  ku vuriwa yini hi ngati+ ya Kreste, loyi hi moya lowu nga heriki a tinyikeleke+ a nga ri na xisolo eka Xikwembu, a basisa+ mapfalo ya hina emintirhweni+ leyi feke leswaku hi ta endlela Xikwembu lexi hanyaka ntirho wo kwetsima?+ 15  Kutani hi yona mhaka leyi a nga muhlanganisi+ wa ntwanano lowuntshwa, leswaku, hikwalaho ka leswi rifu ri humeleleke leswaku va ntshunxiwa hi nkutsulo+ eka ku tlula nawu ehansi ka ntwanano+ wo sungula, lava vitaniweke va ta amukela xitshembiso xa ndzhaka+ leyi nga heriki. 16  Hikuva laha ku nga ni ntwanano,+ ku fanele ku va ni rifu ra munhu wa nyama la endleke ntwanano. 17  Hikuva ntwanano wu tirha hi switlhavelo leswi feke, hileswi wu nga tirhiki hi nkarhi hambi wu ri wihi loko munhu wa nyama la endleke ntwanano a ha hanya. 18  Xisweswo hambi ku ri ntwanano+ wo sungula a wu khanguriwanga handle ka ngati.+ 19  Hikuva loko Muxe a vule xileriso xin’wana ni xin’wana hi ku ya hi Nawu eka vanhu+ hinkwavo, u teke ngati ya swinkunzana ni ya timbuti ni mati ni voya bya ribungu ni hisopa+ kutani a xuva buku ni vanhu hinkwavo, 20  a ku: “Leyi i ngati ya ntwanano lowu Xikwembu xi wu vekeke wu va xileriso eka n’wina.”+ 21  Hilaha ku fanaka a a xuva ntsonga+ ni swibya hinkwaswo swa vutirheli bya mani na mani hi ngati.+ 22  Ina, swilo swo tala swi basisiwa hi ngati+ hi ku ya hi Nawu, naswona loko ngati yi nga halatiwi,+ ku hava ku rivaleriwa.+ 23  Hikokwalaho a swi fanela leswaku swifanekiselo+ swa swilo swa le matilweni swi basisiwa hi tindlela leti,+ kambe swilo swa le matilweni swi basisiwa hi switlhavelo swo antswa ku tlula switlhavelo swo tano. 24  Hikuva Kreste u nghenile, a nga nghenanga endhawini yo kwetsima leyi endliweke hi mavoko,+ leyi nga xifaniso xa swa xiviri,+ kambe etilweni hi koxe,+ kutani a humelela emahlweni ka Xikwembu hi xiviri hikwalaho ka hina.+ 25  Ku nga ri leswaku a ta tinyikela ko tala, hilaha kunene muprista lonkulu a ngheneke hakona endhawini yo kwetsima+ lembe ni lembe+ a ri ni ngati leyi nga riki ya yena. 26  Loko swi nga ri tano, a a ta fanela ku va a xaniseka ko tala hi mpfhuka misava yi va kona.+ Kambe sweswi u tikombisile+ kan’we+ swi helela kwalaho emakumu ka mafambiselo ya swilo+ leswaku a susa xidyoho hi ku tiendla xitlhavelo.+ 27  Leswi vanhu va vekeriweke+ ku fa kan’we swi helela kwalaho, kambe endzhaku ka swona ku va ni ku avanyisiwa,+ 28  xisweswo Kreste na yena u nyikeriwe kan’we+ swi helela kwalaho leswaku a byarha swidyoho swa vo tala;+ naswona ra vumbirhi+ loko a humelela+ ku ta va ku nga ha ri hikwalaho ka xidyoho+ naswona u ta humelela eka lava n’wi languteleke hi mbilu hinkwayo leswaku va ponisiwa.+

Tinhlamuselo ta le hansi