Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaheveru 8:1-13

8  Malunghana ni swilo leswi ku kaneriwaka ha swona, yinhla-nkulu hi leyi: Hi ni muprista lonkulu+ swinene wo kota loyi, naswona u tshame evokweni ra xinene ra xiluvelo xa Nkulukumba ematilweni,+  nandza wa vanhu wa le ndhawini yo kwetsima+ ni wa ntsonga wa ntiyiso, lowu yimisiweke hi Yehovha,+ ku nga ri hi munhu.+  Hikuva muprista un’wana ni un’wana lonkulu u vekeriwe ku nyikela tinyiko ni switlhavelo;+ hikwalaho a swi fanerile leswaku ni loyi a va ni nchumu wo nyikela+ ha wona.  Loko sweswi a a ri emisaveni, a a nga ta va muprista,+ tanihi leswi ku nga ni vanhu lava nyikelaka tinyiko hi ku ya hi Nawu,  kambe i vanhu lava endlaka ntirho wo kwetsima lowu nga xifanekiselo+ ni ndzhuti+ wa swilo swa le tilweni; kukota leswi Muxe, loko a ri kusuhi ni ku endla ntsonga+ a kondza a wu heta, Xikwembu xi n’wi leriseke:+ Hikuva xi ri: “Tiyiseka leswaku u endla swilo hinkwaswo hi ku landza ntila wa swona lowu u kombisiweke wona entshaveni.”+  Kambe sweswi Yesu u kume vutirheli lebyinene ngopfu bya le rivaleni, lerova hi tlhelo hi yena muhlanganisi+ wa ntwanano+ wo antswa lowu yelanaka, lowu simekiweke hi nawu ehenhla ka switshembiso+ swo antswa.  Hikuva loko ntwanano wolowo wo sungula a wu pfumala xihoxo, a ku ta va ku nga laviwanga ndhawu ya ntwanano wa vumbirhi;+  hikuva xi kuma xihoxo eka vanhu loko xi ku: “ ‘Maswivo! Ma ta masiku,’ ku vula Yehovha, ‘naswona ndzi ta endla ntwanano lowuntshwa+ ni yindlu ya Israyele ni yindlu ya Yuda;  ku nga ri hi ku ya hi ntwanano+ lowu ndzi wu endleke ni vatata wa vona hi siku leri ndzi va khomeke hi mavoko ya vona ndzi va humesa etikweni ra Egipta,+ hikuva a va fambanga entwananweni+ wa mina, lerova ndzi tshike ku va khathalela,’ ku vula Yehovha.”+ 10  “ ‘Hikuva lowu i ntwanano lowu ndzi nga ta wu endla ni yindlu ya Israyele endzhaku ka masiku wolawo,’ ku vula Yehovha. ‘Ndzi ta nghenisa milawu ya mina emianakanyweni ya vona, naswona ndzi ta yi tsala etimbilwini+ ta vona. Kutani ndzi ta va Xikwembu+ xa vona, vona va ta va vanhu va mina.+ 11  “ ‘Kutani un’wana ni un’wana a nga ka a nga dyondzisi muaka-tiko-kulobye naswona un’wana ni un’wana a nga ka a nga dyondzisi makwavo, a ku: “Tiva Yehovha!”+ Hikuva hinkwavo va ta ndzi tiva,+ ku sukela eka lontsongo wa vona ku ya eka lonkulu. 12  Hikuva ndzi ta va ni tintswalo eka swiendlo swa vona leswi nga lulamangiki, naswona a ndzi nge he pfuki+ ndzi tsundzuka swidyoho+ swa vona.’ ” 13  Leswi xi vulavulaka hi “ntwanano lowuntshwa” xi endle lowo sungula wu va lowu hundzeriweke+ hi nkarhi. Kutani lowu endliweke wu va lowu hundzeriweke hi nkarhi naswona wu va wa khale wu le kusuhi ni ku nyamalala.+

Tinhlamuselo ta le hansi