Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaheveru 7:1-28

7  Hikuva Melkisedeke loyi, hosi ya Salema, muprista wa Xikwembu+ Lexi nge Henhla-henhla, la hlanganeke na Abrahama a vuya eku hluleni ka tihosi kutani a n’wi katekisa+  yena loyi Abrahama a n’wi aveleke vukhume bya swilo+ hinkwaswo, xo sungula eka hinkwaswo, hi vuhundzuluxeri, i “Hosi Ya Ku Lulama,” naswona a tlhela a va hosi ya Salema,+ hileswaku, “Hosi Ya Ku Rhula.”  Hi ku va a nga ri na tatana, a nga ri na manana, a nga ri na matimu ya xivongo, a nga ri na ku sungula ka masiku+ hambi ku ri makumu ya vutomi, kambe leswi a endliweke a fana ni N’wana wa Xikwembu,+ u tshama a ri muprista hilaha ku nga heriki.+  Kutani, vonani ndlela leyi munhu loyi a a ri nkulu ha yona, loyi Abrahama nhloko ya ndyangu, a n’wi nyikeke vukhume bya swilo leswikulu leswi phangiweke.+  I ntiyiso, vanhu lava nga vana va Levhi+ lava amukelaka ntirho wa vona wa vuprista va lerisiwe ku hlengeleta vukhume+ eka vanhu+ hi ku ya hi Nawu, hileswaku, eka vamakwavo, hambiloko lava va hume emasengeni ya Abrahama;+  kambe munhu la nga lavisisangiki matimu+ ya xivongo xakwe eka vona u teke vukhume eka Abrahama+ kutani a katekisa yena loyi a a ri ni switshembiso.+  Kutani handle ka ku kanetana, nchumu lowutsongo wu katekisiwa hi lowukulu.+  Naswona hi tlhelo rin’wana, i vanhu lava faka lava amukelaka vukhume,+ kambe hi tlhelo lerin’wana, i munhu loyi ku nyikeriwaka vumbhoni ha yena leswaku wa hanya.+  Naswona, loko ndzo tirhisa marito lawa, hi Abrahama, hambi ku ri Levhi la amukelaka vukhume u hakele vukhume, 10  hikuva a a ha ri emasengeni+ ya tata wakwe loko Melkisedeke a hlangana na yena.+ 11  Kutani, loko kunene ku hetiseka+ a ku ta hi ntirho wa vuprista+ bya Valevhi, (hikuva vanhu a va nyikiwa Nawu,+ byona byi ri xikombiso xa kona,) xana a ka ha ta va ni xilaveko xihi+ xin’wana xa leswaku ku humelela muprista un’wana hi ku ya hi mukhuva wa Melkisedeke+ naswona ku nga vuriwi leswaku hi ku ya hi mukhuva wa Aroni? 12  Hikuva leswi ntirho wa vuprista wu hundzuriwaka,+ i mfanelo leswaku ku hundzuriwa ni nawu.+ 13  Hikuva wanuna loyi ku vuriwaka swilo leswi malunghana na yena, a a ri xirho xa nyimba+ yin’wana, leyi eka yona ku nga riki na un’we la tshameke a tirha ealitarini.+ 14  Hikuva swi le rivaleni swinene leswaku Hosi ya hina yi hume eka Yuda,+ nyimba leyi Muxe a nga vulavulangiki nchumu ha yona malunghana ni vaprista. 15  Nakambe swi le rivaleni swinene leswaku ku ni mu-prista+ un’wana la yelanaka na Melkisedeke+ la humelelaka, 16  loyi a veke tano, ku nga ri hi ku ya hi nawu wa xileriso lowu vekiweke hi munhu wa nyama,+ kambe hi ku ya hi matimba ya vutomi+ lebyi nga lovisekiki, 17  hikuva hi ku landza vumbhoni ku vuriwa leswi: “U muprista hi masiku hi ku ya hi mukhuva wa Melkisedeke.”+ 18  Kutani, hakunene ku ni ku bakanyiwa ka xileriso xo rhanga hikwalaho ka ku tsana+ ka xona ni ku hluleka+ ka xona. 19  Hikuva Nawu a wu endlanga nchumu xi va lexi hetisekeke,+ kambe ku tlhandlekeriwa ka ntshembo wo antswa+ hi kona loku endleke swilo swi hetiseka, loku ha kona hi tshinelaka eka Xikwembu.+ 20  Nakambe, hi mpimo wa leswaku a ku nga ri hi xihlambanyo lexi tiyisiweke, 21  (hikuva hakunene va kona vanhu lava veke vaprista handle ka xihlambanyo lexi tiyisiweke, kambe ku ni un’wana la veke muprista hi xihlambanyo lexi tiyisiweke hi Loyi a vuleke leswi malunghana na yena: “Yehovha u hlambanyile+ (naswona a nge tisoli), ‘U muprista hi masiku,’ ”)+ 22  hi ndlela yoleyo na Yesu hi yena la nyikeriweke leswaku a va xitiyisekiso xa ntwanano+ wo antswa. 23  Ku tlula kwalaho, vo tala a va boheka ku va vaprista hi ku tlhandlamana+ hikwalaho ka leswi rifu+ a ri va sivela ku tshama va ri vaprista, 24  kambe hikwalaho ka leswi yena a hanyaka hi masiku,+ ntirho wakwe wa vuprista a wu na vatlhandlami nikatsongo. 25  Hikwalaho, nakambe wa swi kota ku va ponisa hi ku helela lava tshinelelaka Xikwembu ha yena, hikuva nkarhi hinkwawo wa hanya leswaku a va kombelela.+ 26  Hikuva muprista lonkulu swonghasi kukota loyi u hi lulamerile,+ wa tshembeka,+ a nga na nandzu,+ a nga nyamanga,+ u hambanile ni vadyohi,+ naswona u tlakukile ku tlula matilo.+ 27  A swi laveki leswaku a nyikela switlhavelo siku ni siku,+ hilaha vaprista volavo lavakulu va endlaka hakona, ku sungula hi swa swidyoho swakwe+ kutani ku landzela swa vanhu:+ (hikuva leswi u swi endle kan’we+ swi helela kwalaho loko a tinyikela;)+ 28  hikuva Nawu wu veka vanhu lava tsaneke+ va va vaprista+ lavakulu, kambe rito ra xihlambanyo lexi tiyisiweke+ leri teke endzhaku ka Nawu ri veka N’wana, la endliwaka a hetiseka+ hilaha ku nga heriki.

Tinhlamuselo ta le hansi