Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaheveru 4:1-16

4  Hikokwalaho, leswi ku saleke xitshembiso xa ku nghena eku wiseni+ ka xona, a hi chaveni leswaku nkarhi wun’wana, un’wana wa n’wina a nga ha vonaka a tsandzeke ku xi fanelekela.+  Hikuva na hina+ hi byeriwe mahungu lamanene, kukotisa leswi na vona va byeriweke+ wona; kambe rito leri twiweke a ri va pfunanga,+ hikuva a va nga hlangananga eripfumelweni+ swin’we ni lava va ri tweke.+  Kambe hina lava hi kombiseke ripfumelo ha nghena eku wiseni, hilaha xi vuleke hakona: “Kutani ndzi hlambanye+ ndzi hlundzukile, ‘A va nge ngheni+ eku wiseni ka mina,’ ”+ hambileswi mintirho ya xona a yi hetisekile+ hi mpfhuka misava+ yi va kona.  Hikuva endhawini yin’wana xi vule leswi landzelaka malunghana ni siku ra vunkombo: “Kutani Xikwembu xi wisa hi siku ra vunkombo emintirhweni+ ya xona hinkwayo,”  nakambe endhawini leyi xi ri: “A va nge ngheni eku wiseni+ ka mina.”  Hikokwalaho, tanihi leswi swi saleleke van’wana leswaku va nghena kona, naswona lava va byeriweke mahungu lamanene+ ku sungula va nga nghenangiki hikwalaho ka ku ka va nga yingisi,+  xi tlhela xi fungha siku rin’wana hi ku vula leswi “Namuntlha” endzhaku ka nkarhi wo leha swinene eka pisalema ya Davhida; hilaha swi vuriweke hakona hala henhla: “Namuntlha loko mi yingisa rito rakwe,+ mi nga nonon’hwisi timbilu+ ta n’wina.”  Hikuva loko Yoxuwa+ a a va yise endhawini yo wisela+ eka yona, endzhaku ka sweswo Xikwembu a xi ta va xi nga vulavulanga+ hi siku rin’wana.  Kutani ku sale ku wisa hi savata ka vanhu va Xikwembu.+ 10  Hikuva munhu la ngheneke eku wiseni+ ka Xikwembu na yena u wisile emintirhweni+ yakwe, hilaha Xikwembu na xona xi wiseke emintirhweni ya xona. 11  Hikwalaho a hi endleni hinkwaswo leswi hi nga swi kotaka leswaku hi nghena eku wiseni koloko, hi ku chava leswaku un’wana a nga wela entileni lowu fanaka wa ku ka a nga yingisi.+ 12  Hikuva rito+ ra Xikwembu ra hanya+ naswona ri ni matimba,+ ri kariha ku tlula banga+ rihi ni rihi leri tsemaka hi matlhelo mambirhi, ri tlhava hambi ku ri ku ya fika emaaveni ya moya-xiviri+ ni moya,+ ni ya mahlangano swin’we ni mongo wa wona, naswona ra swi kota ku twisisa miehleketo ni makungu ya mbilu.+ 13  Naswona a xi kona xivumbiwa lexi nga vonakiki emahlweni+ ka xona, kambe swilo hinkwaswo swi lo dla, swi paluxeka erivaleni ematihlweni ya loyi hi nga ta tihlamulela+ eka yena. 14  Hikokwalaho, hi ku vona leswaku hi ni muprista lonkulu swinene la tsemakanyeke matilo,+ Yesu N’wana wa Xikwembu,+ a hi namarheleni ku kombisa ka hina ripfumelo eka yena.+ 15  Hikuva muprista lonkulu loyi hi nga na yena, a hi yena loyi a nga tsandzekaka ku hi tshandzisa+ eku tsaneni ka hina, kambe hi loyi a ringiweke hi tindlela hinkwato ku fana na hina, kambe yena a nga vanga na xidyoho.+ 16  Hikokwalaho, a hi tshineleleni+ xiluvelo xa musa lowu nga faneriwiki hi ntshunxeko wo vulavula,+ leswaku hi ta kuma tintswalo ni musa lowu nga faneriwiki hi ta pfuneka enkarhini wa kona.+

Tinhlamuselo ta le hansi