Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaheveru 3:1-19

3  Hikwalaho, vamakwerhu vo kwetsima, lava hlanganyelaka eku vitaniweni+ ka le tilweni, ehleketani hi muapostola+ ni muprista lonkulu loyi hi kombisaka ripfumelo+ eka yena—Yesu.  A a tshembekile+ eka Loyi a nga n’wi endla a va tano, hilaha Muxe+ na yena a a ri hakona endlwini hinkwayo ya Yoloye.+  Hikuva yena u hlayiwa a ri la faneriwaka hi ku vangama+ lokukulu ku tlula Muxe, tanihi leswi loyi+ a akaka yindlu+ a xiximiwaka ngopfu ku tlula yona.  Ina, yindlu yin’wana ni yin’wana yi akiwa hi munhu, kambe loyi a akeke swilo hinkwaswo i Xikwembu.+  Naswona Muxe loyi a a ri mulanguteri+ a a tshembekile endlwini hinkwayo ya Yoloye a va a veka vumbhoni bya swilo leswi a swi ta vuriwa endzhaku,+  kambe Kreste a a tshembekile tanihi N’wana+ la langutelaka yindlu ya Yoloye. Hina hi yindlu ya Yoloye,+ loko hi khomelela swi tiya eka ntshunxeko wa hina wo vulavula ni ku khomelela eka ntshembo lowu hi tibumaka ha wona ku yisa emakumu.+  Hikwalaho, hilaha moya lowo kwetsima+ wu vulaka hakona: “Namuntlha loko mi yingisa rito+ rakwe,  mi nga nonon’hwisi timbilu ta n’wina ku fana ni le nkarhini wo vanga ku hlundzuka+ lokukulu, kukota esikwini ra ndzingo+ emananga,+  leri vatata wa n’wina va nga ndzi ringa hi ndzingo, kasi va vone mintirho+ ya mina ku ringana malembe ya 40.+ 10  Hikwalaho ndzi nyenyetsiwe hi xitukulwana lexi kutani ndzi ku, ‘Minkarhi hinkwayo va pepetseka etimbilwini+ ta vona, naswona vona a va ti tivanga tindlela+ ta mina.’ 11  Kutani ndzi hlambanyile ndzi hlundzukile, ‘A va nge ngheni+ eku wiseni+ ka mina.’ ” 12  Tivoneleni, vamakwerhu, hi ku chava leswaku ku nga tshuka ku va ni un’wana wa n’wina la vaka ni mbilu yo homboloka leyi pfumalaka ripfumelo, hi ku suka eka Xikwembu+ lexi hanyaka; 13  kambe hambetani mi khongotelana+ siku rin’wana ni rin’wana, ntsena loko ri vuriwa “Namuntlha,”+ hi ku chava leswaku un’wana wa n’wina a nga tshuka a nonon’hwisiwa hi matimba ya vuxisi+ ya xidyoho. 14  Hikuva kahle-kahle hi hlanganyela na Kreste+ ntsena loko hi ku khoma ku tiyile ku tiyiseka loku a hi ri na kona eku sunguleni, ku yisa emakumu,+ 15  Loko ku vuriwa leswi: “Namuntlha loko mi yingisa rito+ rakwe, mi nga nonon’hwisi timbilu ta n’wina ku fana ni le nkarhini wo vanga ku hlundzuka+ lokukulu.” 16  Hikuva a ku ri vamani lava tweke kambe va tlhontlheke ku hlundzuka+ lokukulu? Entiyisweni, xana hinkwavo a va endlanga tano, lava humeke aEgipta va ri ehansi ka Muxe?+ 17  Ku tlula kwalaho, xana i vamani lava nyenyetseke Xikwembu ku ringana malembe ya 40?+ Xana a ku nga ri lava dyoheke, lava mintsumbu ya vona yi weke emananga?+ 18  Kambe, xana i vamani lava xi va hlambanyeleke+ leswaku a va nge ngheni eku wiseni ka xona loko ku nga ri lava nga yingisangiki?+ 19  Kutani ha swi vona leswaku a va nghenanga hikwalaho ko pfumala ripfumelo.+

Tinhlamuselo ta le hansi