Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaheveru 13:1-25

13  Rirhandzu ra n’wina ra vumakwerhu a ri ye emahlweni.+  Mi nga rivali malwandla,+ hikuva ha wona van’wana, va nga swi tivi, va rhurhele tintsumi.+  Anakanyani lava nga etimpecanini+ ta khotso onge hiloko mi bohiwe na vona,+ ni lava xanisiwaka,+ tanihi leswi na n’wina ma ha riki emirini.  Vukati a byi xiximeke exikarhi ka hinkwavo, ni sangu ra vukati ri nga vi ni xilo lexi nyamisaka,+ hikuva Xikwembu xi ta avanyisa timbhisa ni vaoswi.+  Mukhuva wa n’wina wa vutomi a wu pfumale rirhandzu ra mali,+ mi ri karhi mi eneriseka+ hi swilo leswi nga kona.+ Hikuva xi te: “Ndzi nga ka ndzi nga ku tshiki naswona ndzi nga ka ndzi nga ku fularheli.”+  Leswaku hi ta va ni xivindzi+ lexikulu kutani hi ku: “Yehovha i mupfuni wa mina; ndzi nga ka ndzi nga chavi. Xana munhu a nga ndzi endla yini?”+  Tsundzukani lava rhangelaka exikarhi ka n’wina,+ lava mi byeleke rito ra Xikwembu, naswona loko mi ri karhi mi xiyisisa vuyelo bya ku tikhoma ka vona, mi tekelela+ ripfumelo ra vona.+  Yesu Kreste wa ha ri yena tolo ni namuntlha, ni hi masiku.+  Mi nga tekiwi hi tidyondzo to hambana-hambana ni leti nga tolovelekangiki;+ hikuva i swinene leswaku mbilu yi tiyisiwa hi musa lowu nga faneriwiki,+ ku nga ri hi swakudya,+ leswi lava khomekeke ha swona va nga pfunekangiki. 10  Hi ni alitari leyi lava endlaka ntirho wo kwetsima entsongeni va nga riki na mfanelo yo dyela eka yona.+ 11  Hikuva mintsumbu ya swiharhi leswi ngati ya swona yi nghenisiwaka endhawini yo kwetsima hi muprista lonkulu hikwalaho ka xidyoho yi hisiwa ehandle ka nxaxa.+ 12  Hikwalaho na yena Yesu, leswaku a ta kwetsimisa+ vanhu hi ngati yakwe,+ u xanisekile ehandle ka nyangwa.+ 13  Kutani a hi yeni eka yena ehandle ka nxaxa, hi byarhe ndzhukano lowu a wu byarheke,+ 14  hikuva laha a hi na wona muti lowu tshamaka hi masiku,+ kambe hi wu lava hi timbilu hinkwato lowu nga ta ta.+ 15  Ha yena a hi nyikeleni eka Xikwembu xitlhavelo xa ku dzunisa nkarhi hinkwawo,+ ku nga mbhandzu wa milomu+ leyi endlaka xitiviso xa le rivaleni eka vito ra xona.+ 16  Ku tlula kwalaho, mi nga rivali ku endla leswinene+ ni ku avelana swilo ni van’wana, hikuva Xikwembu xi tsakisiwa swinene hi switlhavelo swo tano.+ 17  Yingisani lava rhangelaka exikarhi ka n’wina+ naswona mi titsongahata,+ hikuva va tshama va rindze mimoya-xiviri ya n’wina hikuva hi vona va nga ta hlamusela;+ leswaku va endla leswi hi ntsako ku nga ri hi ku vilela, hikuva leswi swi nga mi vavisa.+ 18  Hambetani mi hi khongelela,+ hikuva ha tshemba leswaku hi ni ripfalo ro tshembeka, hileswi hi navelaka ku tikhoma hi ku tshembeka eka swilo hinkwaswo.+ 19  Kambe ngopfu-ngopfu ndzi mi khongotela ku endla leswi, leswaku ndzi ta vuyisiwa eka n’wina hi ku hatlisa.+ 20  Onge Xikwembu xa ku rhula,+ lexi pfuxeke murisi+ lonkulu wa tinyimpfu+ eka lava feke+ hi ngati ya ntwanano lowu nga heriki,+ Hosi ya hina Yesu, 21  xi nga mi hlomisa hi xilo xin’wana ni xin’wana lexinene leswaku mi endla ku rhandza ka xona, xi endla eka hina leswi tsakisaka swinene emahlweni ka xona ha Yesu Kreste;+ ku vangama a ku ve eka xona hi masiku ni masiku.+ Amen. 22  Sweswi ndza mi khongotela, vamakwerhu, leswaku mi tiyiselela rito leri ra xikhutazo, hikuva hakunene ndzi mi tsalele papila hi marito ma nga ri mangani.+ 23  Tivani leswaku makwerhu Timotiya+ u ntshunxiwile, loyi loko a hatla a fika, ndzi nga ta mi vona ndzi ri na yena. 24  Ndzi runguleleni hinkwavo lava rhangelaka+ exikarhi ka n’wina ni vakwetsimi hinkwavo. Lava nga eItaliya+ va mi rungula. 25  Musa lowu nga faneriwiki+ a wu ve na n’wina hinkwenu.

Tinhlamuselo ta le hansi