Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaheveru 11:1-40

11  Ripfumelo+ i ku langutela loku tiyisekisiweke ka swilo leswi tshembiwaka,+ vumbhoni lebyi tiyeke bya leswi nga swa xiviri hambiloko swi nga voniwi.+  Hikuva hikwalaho ka rona vanhu va minkarhi ya khale va nyikeriwe vumbhoni.+  Hi ripfumelo ha swi xiya leswaku mafambiselo ya swilo+ ma vekiwe hi ku hleleka hi rito ra Xikwembu,+ lerova leswi voniwaka swi huma eka swilo leswi nga vonakiki.+  Hi ripfumelo Avele u nyike Xikwembu xitlhavelo xa ntikelo lowukulu eka xa Kayini,+ hi ripfumelo rero ku nyikeriwe vumbhoni ha yena leswaku u lulamile, Xikwembu xi nyikele vumbhoni+ malunghana ni tinyiko takwe; naswona ha rona, hambiloko a file, wa vulavula.+  Hi ripfumelo Enoko+ u rhurhisiwile leswaku a nga voni rifu, naswona ku hava ndhawu leyi a nga kumeka eka yona hikuva Xikwembu xi n’wi rhurhisile;+ hikuva loko a nga si rhurhisiwa u ve ni vumbhoni bya leswaku u tsakise Xikwembu swinene.+  Ku tlula kwalaho, handle ka ripfumelo+ a swi koteki ku xi tsakisa kahle,+ hikuva la tshinelelaka Xikwembu u fanele a kholwa leswaku xi kona+ ni leswaku hi xona muhakeri+ wa lava va xi lavaka+ hi mbilu hinkwayo.  Hi ripfumelo Nowa,+ loko a nyikiwe xilemukiso xa Xikwembu xa swilo leswi nga si voniwaka,+ u kombise nchavo lowu nga ni vukwembu ivi a aka ngalava+ leswaku ku ponisiwa ndyangu wakwe; naswona hi ripfumelo leri u gweve misava,+ a va mudyandzhaka wa ku lulama+ loku fambisanaka ni ripfumelo.  Hi ripfumelo Abrahama,+ loko a vitaniwa, u yingisile a huma a ya endhawini leyi a vekeriweke yona ku yi amukela yi va ndzhaka; kutani a huma, hambileswi a a nga ku tivi lomu a a ya kona.+  Hi ripfumelo u luvele etikweni ra xitshembiso onge u le tikweni rimbe,+ a tshama emintsongeni+ a ri na Isaka+ na Yakobe,+ vadyandzhaka na yena va xitshembiso+ xexo. 10  Hikuva a a rindzele muti+ lowu nga ni masungulo lama tiyeke, muti lowu muaki ni muendli wa wona ku nga Xikwembu.+ 11  Hi ripfumelo na Sara+ u amukele matimba yo tika mbewu, hambileswi a a hundzile emalembeni ya kona,+ hileswi a a n’wi teka a tshembeka loyi a tshembiseke.+ 12  Nakambe ku sukela eka munhu+ un’we, loyi a swi fana ni loko a file,+ ku velekiwe vana vo kota tinyeleti ta tilo hi vunyingi ni vo kota sava ra ribuwa ra lwandle, lava nga hlayekiki.+ 13  Hinkwavo lava va fele+ eripfumelweni, hambileswi va nga ku kumangiki ku hetiseka ka switshembiso,+ kambe va swi vone swi ri ekule swinene+ hiloko va swi amukela kutani va vula erivaleni leswaku a va ri vafambi ni vatshami va nkarhinyana etikweni.+ 14  Hikuva lava vulaka swilo swo tano va nyikela vumbhoni bya leswaku va lava ndhawu ya vona+ vini hi mbilu hinkwayo. 15  Kasi, loko hakunene a va tshamela ku tsundzuka ndhawu leyi va humeke eka yona,+ a va ta va va kume nkarhi wo vuyela+ eka yona. 16  Kambe sweswi va lwela ku fikelela ndhawu yo antswa, hileswaku, leyi nga ya le tilweni.+ Hikwalaho Xikwembu a xi khomiwi hi tingana ha vona, ku vitaniwa Xikwembu+ xa vona, hikuva xi va lunghiselele muti.+ 17  Hi ripfumelo Abrahama, loko a ringiwa,+ u lave ku nyikela Isaka, kutani munhu la amukeleke switshembiso hi ku tsaka u ringete ku nyikela n’wana wakwe la tswariweke a ri swakwe,+ 18  hambileswi a a byeriwe leswi: “Leswi nga ta vuriwa ‘mbewu ya wena’ swi ta ta hi Isaka.”+ 19  Kambe a a anakanya leswaku Xikwembu a xi ta swi kota ku n’wi pfuxa hambi ku ri eka lava feke;+ naswona ku sukela kwalaho u tlhele a n’wi amukela hi ndlela yo fanekisela.+ 20  Hi ripfumelo na Isaka u katekise Yakobe+ na Esawu+ malunghana ni swilo leswi taka. 21  Hi ripfumelo Yakobe, loko a ri kusuhi ni ku fa,+ u katekise vana va Yosefa+ kutani a gandzela a titshege hi le henhla ka nhonga+ yakwe. 22  Hi ripfumelo Yosefa, loko a tshinelela makumu yakwe, u vulavule hi ku rhurha+ ka vana va Israyele; naswona a nyika xileriso malunghana ni marhambu+ yakwe. 23  Hi ripfumelo Muxe u fihliwe ku ringana tin’hweti tinharhu hi vatswari vakwe endzhaku ka ku velekiwa+ kakwe, hikuva a va vona leswaku n’wana lontsongo a a sasekile+ naswona a va xi chavanga xileriso+ xa hosi. 24  Hi ripfumelo Muxe, loko a kurile,+ u ale ku vuriwa n’wana wa N’wa-Faro,+ 25  a hlawula ku xaniseka ni vanhu va Xikwembu ku ri ni ku tiphina hi xidyoho swa nkarhinyana, 26  hikuva u langute ndzhukano+ wa Kreste wu ri rifuwo lerikulu ku tlula xuma xa le Egipta; hikuva a a languta swinene-nene eku nyikiweni ka hakelo.+ 27  Hi ripfumelo u suke aEgipta,+ kambe a a nga chavi ku hlundzuka ka hosi,+ hikuva a a hambeta a tserhama onge hiloko a vona Loyi a nga vonakiki.+ 28  Hi ripfumelo u tlangele paseka+ ni ku xuviwa ka ngati,+ leswaku mulovisi a nga khumbi mativula+ ya vona. 29  Hi ripfumelo va pele Lwandle ro Tshwuka kukota etikweni+ leri omeke, kambe loko Vaegipta va ringeta, va mitiwile.+ 30  Hi ripfumelo marhangu ya Yeriko ma wile loko ma rhendzeriwile masiku+ ya nkombo. 31  Hi ripfumelo Rahava+ lowa nghwavava a nga lovanga ni lava nga endla hi ku pfumala ku yingisa, hikuva u amukele tinhlori hi ndlela+ ya ku rhula. 32  Naswona ndzi ta vula yini swin’wana? Hikuva ndzi ta heleriwa hi nkarhi loko ndzo ya emahlweni ndzi rungula hi ta Gidiyoni,+ Baraka,+ Samsoni,+ Yefta,+ Davhida+ swin’we na Samuwele+ ni vaprofeta+ van’wana, 33  lava hi ripfumelo va hluleke mimfumo enkwetlembetanweni,+ va endla ku lulama,+ va kuma switshembiso,+ va pfala milomu ya tinghala,+ 34  va tima matimba ya ndzilo,+ va balekela vukarhi bya banga,+ va endliwa lava nga ni matimba ku suka exiyin’weni xo tsana,+ va va ni vurhena enyimpini,+ va hangalasa mavuthu ya vanhu vambe.+ 35  Vavasati va amukela vafi va vona hi ku pfuka ka vafi;+ kambe vanhu van’wana va xanisiwa hikuva a va swi amukelanga ku ntshunxiwa hi nkutsulo wun’wana, leswaku va ta kuma ku pfuxiwa ko antswa. 36  Ina, van’wana va ringiwe hi ku vungunyiwa ni minxupulo, hakunene, ku tlula sweswo, hi timpecana+ ni makhotso.+ 37  Va khandliwe hi maribye,+ va ringiwile,+ va saheleriwile, va file+ hi ku tlhaviwa hi banga, va famba-fambe va ambale madzovo ya tinyimpfu,+ va ambale madzovo ya timbuti, loko va ri eku pfumaleni,+ enhlomulweni,+ eku xanisiweni;+ 38  naswona misava a yi nga va faneli. Va tsendzelekile emakwandzasini ni le tintshaveni ni le mabakweni+ ni le minceleni ya misava. 39  Kasi hinkwavo lava, hambileswi va nyikiweke vumbhoni hi ripfumelo ra vona, a va ku kumanga ku hetiseka ka xitshembiso,+ 40  tanihi leswi Xikwembu a xi vona swilo swo antswa+ ka ha ri emahlweni,+ leswaku va+ nga endliwi va hetiseka+ handle ka hina.+

Tinhlamuselo ta le hansi