Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vagalatiya 6:1-18

6  Vamakwerhu, hambiloko munhu a teka goza+ leri hoxeke a nga si swi lemuka, n’wina lava nga ni timfanelo ta moya+ ringetani ku ololoxa munhu wo tano hi moya wo rhula,+ mi ri karhi mi tiveka tihlo hinkwenu,+ hi ku chava leswaku na n’wina mi nga ringiwa.+  Hambetani mi rhwalelana mindzhwalo,+ xisweswo mi hetisisa nawu wa Kreste.+  Hikuva loko munhu a ehleketa leswaku yena i nchumu kasi a hi nchumu,+ u xisa mianakanyo yakwe.  Kambe un’wana ni un’wana a a kombise leswi ntirho wa yena wu nga swona,+ kutani u ta va ni xivangelo xo khana malunghana na yena hi yexe, naswona ku nga ri hi ku tiringanisa+ ni munhu un’wana.  Hikuva un’wana ni un’wana u ta rhwala ndzhwalo+ wakwe.  Ku tlula kwalaho, mani na mani loyi a dyondzisiwaka rito hi nomu+ a a avelane+ swilo leswinene hinkwaswo ni loyi a nyikaka dyondzo+ yo tano ya nomu.  Mi nga tshuki mi hambukisiwa:+ Xikwembu a hi xa ku vungunyiwa.+ Hikuva xin’wana ni xin’wana lexi munhu a xi byalaka, u ta tlhela a tshovela+ xona;  hikuva loyi a byalelaka nyama ya yena u ta tshovela ku onhaka enyameni+ yakwe, kambe loyi a byalelaka moya+ u ta tshovela vutomi lebyi nga heriki emoyeni.+  Kutani hi nga tshiki ku endla leswi nga swinene,+ hikuva hi nguva leyi faneleke hi ta tshovela loko hi nga karhali.+ 10  Kunene, loko ntsena hi ri ni nkarhi lowunene wa swona,+ a hi endleleni hinkwavo leswi nga swinene, kambe ngopfu-ngopfu lava nga swin’we na hina eripfumelweni.+ 11  Vonani leswaku ndzi mi tsalele hi tinhlanga to kurisa ku yini hi voko+ ra mina. 12  Hinkwavo lava lavaka ku va ni ku languteka loku tsakisaka enyameni hi vona lava ringetaka ku mi sindzisa leswaku mi yimbisiwa,+ ntsena leswaku va nga xanisiwi hikwalaho ka mhandzi ya nxaniso ya Kreste,+ Yesu. 13  Hikuva hambi ku ri lava yimbisiwaka a va wu hlayisi Nawu,+ kambe va lava leswaku n’wina mi yimbisiwa leswaku va va ni xivangelo xo tibuma hi nyama ya n’wina. 14  Swi nga tshuki swi endleka leswaku ndzi tibuma hi swin’wana, loko ku nga ri hi mhandzi ya nxaniso+ ya Hosi ya hina Yesu Kreste, loyi ha yena misava yi beleriweke eka mina,+ na mina ndzi beleriweke emisaveni. 15  Hikuva ku yimba ni ku ka munhu a nga yimbanga+ a hi nchumu, kambe xivumbiwa lexintshwa+ hi xona xi nga xanchumu. 16  Naswona hinkwavo lava nga ta famba hilaha ku hlelekeke hi nawu lowu wa mahanyelo, eka vona a ku ve ku rhula ni tintswalo, ku nga Israyele wa Xikwembu.+ 17  Ku sukela sweswi ku nga tshuki ku va ni munhu la ndzi karhataka, hikuva emirini wa mina ndzi rhwale mimfungho+ ya hlonga ra Yesu.+ 18  Musa lowu nga faneriwiki wa Hosi ya hina Yesu Kreste a wu ve ni moya+ lowu mi wu kombisaka, vamakwerhu. Amen.

Tinhlamuselo ta le hansi