Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vagalatiya 5:1-26

5  Kreste u hi ntshunxile+ hikwalaho ka ntshunxeko wolowo. Hikokwalaho yimani mi tiyile,+ mi nga pfumeli ku tlhela mi nghenisiwa ejokweni ra vuhlonga.+  Vonani! Mina, Pawulo, ndza mi byela leswaku loko mo yimbisiwa,+ Kreste u ta va a nga pfuni nchumu eka n’wina.  Ku tlula kwalaho, ndzi tlhela ndzi nyikela vumbhoni eka munhu un’wana ni un’wana loyi a yimbisiwaka leswaku u boheka ku endla Nawu+ hinkwawo.  Mi pambukile eka Kreste, n’wina lava ringetaka ku vuriwa lava lulameke hi nawu;+ mi wile eka musa+ wa yena lowu nga faneriwiki.  Loko ku ri hina, hi moya hi ku rindzele hi mapfundza ku lulama loku languteriweke hikwalaho ka ripfumelo.+  Hikuva malunghana na Kreste Yesu ku yimba kumbe ku ka munhu a nga yimbanga+ a hi swa risima, kambe ripfumelo+ leri tirhaka hi rirhandzu+ i ra risima.  A mi tsutsuma kahle.+ I mani loyi a mi siveleke ku hambeta mi yingisa ntiyiso?+  Nkhongotelo wa muxaka lowu a wu humi eka yena Loyi a mi vitanaka.+  Comela lexitsongo xi kukumuxa mbila+ hinkwayo. 10  Ndza tiyiseka+ hi n’wina lava nga ni vun’we+ ni Hosi leswaku a mi nge ehleketi hi ndlela yin’wana; kambe loyi a mi karhataka+ u ta tiyisela ku avanyisiwa+ kakwe, ku nga khathariseki leswaku i mani. 11  Loko ku ri mina, vamakwerhu, loko ndza ha chumayela hi ku yimba, ha yini ndza ha xanisiwa? Kutani, hakunene, xikhunguvanyiso+ xa mhandzi ya nxaniso+ xi herisiwile.+ 12  Ndzi navela onge vanhu lava ringetaka ku mi vangela ngundzungundzu+ va nga tsheniwa.+ 13  Ina, n’wina mi vitaneriwe ntshunxeko,+ vamakwerhu; ntsena mi nga tirhisi ntshunxeko lowu wu va nkucetelo wa swa nyama,+ kambe tirhelanani+ tanihi mahlonga hi rirhandzu. 14  Hikuva Nawu hinkwawo wu hetisisiwa+ hi rito rin’we, leri nge: “U fanele u rhandza warikwenu kukota loko u tirhandza.”+ 15  Kambe, loko mi tshamela ku lumana ni ku mitana,+ tivoneleni leswaku mi nga lovisani.+ 16  Kambe ndzi ri, Hambetani mi famba hi moya+ kutani a mi nge ku hetisisi ku navela ka nyama nikatsongo.+ 17  Hikuva nyama yi lwisana ni moya+ eku naveleni ka yona, kasi moya wu lwisana ni nyama; hikuva swona swa lwisana, lerova leswi mi rhandzaka ku swi endla a mi swi endli.+ 18  Ku tlula kwalaho, loko mi kongomisiwa hi moya,+ a mi kona ehansi ka nawu.+ 19  Kutani mintirho ya nyama ya vonaka,+ yona i vumbhisa,+ thyaka, ku tikhoma ko biha,+ 20  ku gandzela swifaniso swa hava, xiendlo xa vungoma,+ vulala, dzolonga, mavondzo, swifafa, ku kanetana, ku avana, mimpambukwa, 21  mona, minkarhi ya ku dakwa,+ minkhuvo ya huwa, ni swilo swo fana ni sweswo. Malunghana ni swilo leswi ndza mi lemukisa, hilaha ndzi mi lemukiseke hakona, leswaku lava hanyaka+ hi swilo swo tano a va nge dyi ndzhaka ya mfumo+ wa Xikwembu. 22  Hi tlhelo rin’wana, mihandzu+ ya moya i rirhandzu, ntsako, ku rhula, ku va ni mbilu yo leha, musa, vunene,+ ripfumelo, 23  ku olova, ku tikhoma.+ A wu kona nawu+ lowu solaka swilo sweswo. 24  Ku tlula kwalaho, lava va nga va ka Kreste Yesu va belele nyama swin’we ni ku tshwa ni ku navela+ ka yona. 25  Loko hi hanya hi moya, nakambe a hi hambeteni hi famba hilaha ku hlelekeke hi moya.+ 26  Hi nga tshuki hi tikurisa, hi pfuxa ku phikizana,+ hi va ni mona eka van’wana.+

Tinhlamuselo ta le hansi