Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vagalatiya 3:1-29

3  N’wina Vagalatiya vo hunguka, i mani loyi a mi tiseke ehansi ka nhlohlotelo wo biha,+ n’wina lava Yesu Kreste a kombisiweke erivaleni ematihlweni ya n’wina a beleriwile?+  Ndzi lava ku tiva leswi ntsena eka n’wina: Xana mi amukele moya+ hikwalaho ka mintirho ya nawu+ kumbe hikwalaho ko twa+ hi ripfumelo?  Xana mi hunguke hi mukhuva lowu? Endzhaku ko sungula hi swa moya+ xana sweswi mi hetelela hi swa nyama?+  Xana mi langutane ni ku xaniseka ko tala swonghasi handle ka xikongomelo?+ Loko kunene a ku nga ri na xikongomelo.  Hikokwalaho, loyi a mi nyikaka moya+ ni ku endla mintirho+ ya matimba exikarhi ka n’wina, xana u swi endla hikwalaho ka mintirho ya nawu kumbe hikwalaho ko twa hi ripfumelo?  Tanihi leswi Abrahama a “vekeke ripfumelo eka Yehovha, kutani swi hlayiwe eka yena leswaku i ku lulama.”+  Hakunene ma swi tiva leswaku lava namarhelaka ripfumelo+ hi vona lava nga vana va Abrahama.+  Kutani Tsalwa, hi ku vona ka ha ri emahlweni leswaku Xikwembu a xi ta vula leswaku vanhu va matiko va lulamile hikwalaho ka ripfumelo, ri vule mahungu lamanene ka ha ri emahlweni eka Abrahama, lama nge: “Matiko hinkwawo ma ta katekisiwa hikwalaho ka wena.”+  Hikwalaho lava namarhelaka ripfumelo va katekisiwa+ swin’we na Abrahama wo tshembeka.+ 10  Hikuva hinkwavo lava titshegeke hi mintirho ya nawu va rhukaniwa; hikuva ku tsariwile: “A ku rhukaniwe un’wana ni un’wana loyi a nga fambiki hi swilo hinkwaswo leswi tsariweke eka buku-nsongwa ya Nawu leswaku a swi endla.”+ 11  Ku tlula kwalaho, swa vonaka leswaku eka Xikwembu a nga kona loyi a vuriwaka la lulameke+ hi nawu, hikuva “loyi a lulameke u ta hanya hikwalaho ka ripfumelo.”+ 12  Kutani Nawu a wu ri namarheli ripfumelo, kambe “loyi a swi endlaka u ta hanya ha swona.”+ 13  Kreste u hi xavile+ a hi ntshunxa+ eka ndzhukano wa Nawu yena a va ndzhukano+ ematshan’weni ya hina, hikuva ku tsariwile: “A ku rhukaniwe munhu un’wana ni un’wana la hayekiweke emhandzini.”+ 14  Xikongomelo a ku ri leswaku nkateko wa Abrahama wu tisiwa hi ku tirhisa Yesu Kreste eka matiko,+ leswaku hi amukela moya+ lowu tshembisiweke hi ripfumelo ra hina.+ 15  Vamakwerhu, ndzi vulavula hi xifaniso xa munhu: Ntwanano lowu endliweke wu tirha, hambileswi wu nga wa munhu, a nga kona loyi a wu bakanyaka kumbe ku engetela swo karhi eka wona.+ 16  Kutani switshembiso swi vuriwe eka Abrahama+ ni le ka mbewu+ yakwe. Rito a ri vuli leswaku: “Ni le ka timbewu,” onge hiloko ri vula to tala, kambe tanihi le ka yin’we:+ “Ni le ka mbewu ya wena,”+ ku nga Kreste.+ 17  Ku tlula kwalaho, ndzi vula leswi: Malunghana ni ntwanano lowu Xikwembu+ xi wu endleke wu tirha eku sunguleni, a wu endliwi leswaku wu nga tirhi hi Nawu lowu veke kona endzhaku ka malembe+ ya 430, leswaku wu herisa xitshembiso.+ 18  Hikuva loko ndzhaka yi tisiwa hi nawu, a ya ha tisiwi hi xitshembiso;+ kasi Xikwembu hi musa xi yi nyike Abrahama hi xitshembiso.+ 19  Kutani, ha yini ku ve ni Nawu? Wu engeteriwile leswaku ku tlula nawu ku kombisiwa,+ kukondza ku fika+ mbewu leyi xitshembiso xi endliweke eka yona; naswona wu hundzisiwe hi tintsumi+ hi voko ra muhlanganisi.+ 20  Kutani laha ku khumbekaka munhu un’we ntsena a ku na muhlanganisi, kambe Xikwembu i xin’we ntsena.+ 21  Hikokwalaho, xana Nawu wu kanetana ni switshembiso swa Xikwembu?+ Sweswo swi nga tshuki swi endleka! Hikuva loko nawu lowu koteke ku nyika vutomi+ a wu nyikiwile, kahle-kahle ku lulama a ku ta va ku tisiwe hi nawu.+ 22  Kambe Tsalwa+ ri yise swilo hinkwaswo eku khotsiweni hi xidyoho,+ leswaku xitshembiso lexi humaka eripfumelweni eka Yesu Kreste xi nyikiwa lava kombisaka ripfumelo.+ 23  Hambiswiritano, ripfumelo ri nga si fika,+ a hi hlayisiwe ehansi ka nawu,+ hi yisiwa swin’we eku khotsiweni, hi langute ripfumelo leri a ri ta hlavuteriwa.+ 24  Hikwalaho Nawu wu hundzuke mukongomisi wa hina la yisaka eka Kreste,+ leswaku hi vuriwa lava lulameke+ hikwalaho ka ripfumelo. 25  Kambe leswi sweswi ripfumelo ri fikeke,+ a ha ha ri ehansi ka mukongomisi.+ 26  Entiyisweni, hinkwenu mi vana+ va Xikwembu hi ripfumelo ra n’wina eka Kreste Yesu. 27  Hikuva hinkwenu ka n’wina lava khuvuriweke eka Kreste+ mi ambale Kreste.+ 28  A ku na Muyuda kumbe Mugriki,+ a ku na hlonga kumbe munhu la ntshunxekeke,+ a ku na wanuna kumbe wansati;+ hikuva hinkwenu mi munhu un’we evun’weni na Kreste Yesu.+ 29  Ku tlula kwalaho, loko mi ri va ka Kreste, kunene mi mbewu+ ya Abrahama, vadyandzhaka malunghana ni xitshembiso.+

Tinhlamuselo ta le hansi