Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vagalatiya 1:1-24

1  Mina Pawulo,+ muapostola,+ loyi a nga humiki eka vanhu naswona a nga vekiwangiki hi munhu, kambe loyi a vekiweke hi Yesu Kreste+ ni Xikwembu Tatana,+ lexi n’wi pfuxeke eka lava feke,+  ni vamakwerhu hinkwavo lava nga na mina,+ eka mavandlha ya Galatiya:+  Onge mi nga va ni musa lowu nga faneriwiki ni ku rhula+ leswi humaka eka Xikwembu Tata wa hina ni le ka Hosi Yesu Kreste.  U tinyiketile hikwalaho ka swidyoho+ swa hina leswaku a hi kutsula hi ku ya hi ku rhandza+ ka Xikwembu tlhelo Tata wa hina, eka mafambiselo ya swilo+ ya sweswi lama hombolokeke,  loyi ku vangama ku nga ka yena hi masiku ni masiku.+ Amen.  Ndza hlamala leswi mi hatlisaka mi susiwa eka Loyi+ a mi vitaneke hi musa+ lowu nga faneriwiki wa Kreste mi ya eka muxaka wun’wana wa mahungu lamanene.+  Kambe a hi un’wana; ntsena ku ni van’wana lava mi karhataka+ ni ku lava ku soholota mahungu lamanene malunghana na Kreste.+  Hambiswiritano, niloko hina kumbe ntsumi ya le tilweni ho mi byela leswi fanaka ni mahungu lamanene ku tlula leswi hi mi byelaka swona tanihi mahungu lamanene, a yi rhukaniwe.+  Hilaha hi vuleke hakona laha henhla, sweswi ndzi tlhela ndzi vula, Mani na mani loyi a mi byelaka leswi fanaka ni mahungu lamanene ku tlula leswi mi swi amukeleke,+ a a rhukaniwe. 10  Entiyisweni, xana sweswi ndzi ringeta ku khorwisa vanhu kumbe Xikwembu? Kumbe, xana ndzi lava ku tsakisa vanhu?+ Loko a ndza ha tsakisa vanhu,+ a ndzi nga ta va hlonga+ ra Kreste. 11  Hikuva ndza mi tivisa, vamakwerhu, leswaku mahungu lamanene lawa ndzi ma vuleke tanihi mahungu lamanene a hi nchumu wa munhu;+ 12  hikuva a ndzi ma kumanga eka munhu, kumbe ku dyondzisiwa wona, loko ku nga ri ku hlavuteriwa hi Yesu Kreste.+ 13  Ina, n’wina mi twile malunghana ni ku tikhoma ka mina ko sungula ka Xiyuda,+ leswaku a ndzi tshamela ku xanisa vandlha ra Xikwembu ni ku ri+ hlakata hilaha ku tlurisaka, 14  naswona a ndzi endla nhluvuko lowukulu eka Xiyuda ku tlula vo tala va tintangha ta mina erixakeni+ ra ka hina, tanihi leswi a ndzi hisekela+ ngopfu mindhavuko+ ya vatatana. 15  Kambe loko Xikwembu, lexi xi ndzi hambaniseke ni mbeleko wa mana wa mina kutani xi ndzi vitana+ hi musa+ wa xona lowu nga faneriwiki, xi swi vone swi fanerile 16  ku hlavutela N’wana wa xona eka mina,+ leswaku ndzi vula mahungu lamanene malunghana na yena ematikweni,+ a ndzi tihlanganisanga xikan’we-kan’we ni nyama ni ngati.+ 17  Naswona a ndzi tlhandlukelanga eYerusalema eka lava a va ri vaapostola mina ndzi nga si va yena,+ kambe ndzi ye eArabiya, kutani ndzi vuya eDamaska.+ 18  Hi lembe ra vunharhu ndzi tlhandlukele eYerusalema+ ndzi endzela Khefasi,+ kutani ndzi tshama na yena masiku ya 15. 19  Kambe a ndzi n’wi vonanga ni un’we wa vaapostola, loko ku nga ri Yakobo+ ntsena makwavo+ wa Hosi. 20  Kutani malunghana ni swilo leswi ndzi mi tsalelaka swona, maswivo, emahlweni ka Xikwembu, a ndzi hembi.+ 21  Endzhaku ka sweswo ndzi ye+ eswifundzheni swa Siriya ni swa Kilikiya. 22  Kambe a ndzi nga tiviwi hi xikandza emavandlheni ya le Yudiya lawa a ma ri evun’weni na Kreste;+ 23  a ma tshamela ku twa leswi ntsena: “Munhu loyi a hi xaniseke+ eku sunguleni sweswi u vula mahungu lamanene hi ta ripfumelo leri a ri hlakateke eku sunguleni.”+ 24  Hiloko ma sungula ku vangamisa+ Xikwembu hikwalaho ka mina.

Tinhlamuselo ta le hansi