Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vafilipiya 4:1-23

4  Hikwalaho, vamakwerhu lava rhandzekaka lava ndzi mi navelaka, n’wina mi nga ntsako ni harhi+ ya mina, yimani mi tiyile+ hi ndlela leyi eHosini, varhandziwa.  Efodiya ndza n’wi khongotela na Sintika ndza n’wi khongotela leswaku va va ni mianakanyo+ yin’we eHosini.  Ina, ndza ku kombela, wena mupaniwa-kulorhi+ wa xiviri, leswaku u hambeta u pfuna vavasati lava va lweke swin’we na mina+ eka mahungu lamanene swin’we na Klemento ni vatirhi-kulorhi+ van’wana hinkwavo, lava mavito+ ya vona ma nga ebukwini ya vutomi.+  Nkarhi hinkwawo tsakani eHosini.+ Nakambe ndzi ri, Tsakani!+  Ku anakanyela+ ka n’wina a ku tiviwe hi vanhu hinkwavo. Hosi yi le kusuhi.+  Mi nga vileli ha nchumu,+ kambe eka hinkwaswo tivisani Xikwembu+ swikombelo swa n’wina hi xikhongelo ni xikombelo+ swin’we ni ku nkhensa swikombelo swa n’wina;  kutani ku rhula+ ka Xikwembu loku tlulaka miehleketo hinkwayo ku ta rindza timbilu+ ta n’wina ni matimba ya n’wina ya mianakanyo ha Kreste Yesu.  Xo hetelela, vamakwerhu, swilo swin’wana ni swin’wana swa ntiyiso, swilo swin’wana ni swin’wana swa ntikelo lowukulu, swilo swin’wana ni swin’wana swo lulama, swilo swin’wana ni swin’wana swo tenga,+ swilo swin’wana ni swin’wana leswi rhandzekaka, swilo swin’wana ni swin’wana leswi ku vulavuriwaka kahle ha swona, hinkwaswo leswi nga kona swa vunene ni hinkwaswo leswi nga kona leswi dzunekaka, hambetani mi xiya swilo+ leswi.  Swilo leswi mi swi dyondzeke ni ku swi amukela ni ku swi twa ni ku swi vona mayelana na mina, hanyani hi swona;+ kutani Xikwembu xa ku rhula+ xi ta va na n’wina. 10  Ndza tsaka ngopfu eHosini leswi sweswi eku heteleleni mi pfuxeteke ku ehleketa ka n’wina malunghana+ na mina, leswi hakunene a mi ehleketa ha swona, kambe mi pfumale nkarhi. 11  Ku nga ri swona leswaku ndzi vulavula malunghana ni ku va eku pfumaleni, hikuva ndzi dyondzile, leswaku ndzi eneriseka+ eka xiyimo xin’wana ni xin’wana lexi ndzi nga eka xona. 12  Kunene ndza swi tiva ku kayivela swilo,+ kunene ndza swi tiva ku va ni swo tala. Eka hinkwaswo ni le ka swiyimo hinkwaswo ndzi dyondze xihundla xa ku xurha ni ku va ni ndlala, ku va ni swo tala ni ku pfumala.+ 13  Eka swilo hinkwaswo ndzi ni ntamu hikwalaho ka loyi a ndzi+ nyikaka matimba. 14  Nilokoswiritano, mi endle kahle hi ku hlanganyela+ na mina enhlomulweni+ wa mina. 15  Entiyisweni, n’wina Vafilipiya, nakambe ma swi tiva leswaku eku sunguleni ka ku vula mahungu lamanene, loko ndzi suka eMakedoniya, ku hava vandlha leri hlanganyeleke na mina emhakeni ya ku nyika ni ku amukela, handle ka n’wina ntsena;+ 16  hikuva, hambi eTesalonika, mi ndzi rhumelele swo karhi ro sungula ni ra vumbirhi hikwalaho ka xilaveko xa mina. 17  Ku nga ri swona leswaku ndzi lava nyiko+ hi mbilu hinkwayo, kambe hi mbilu hinkwayo ndzi lava mihandzu+ leyi tisaka ntswalo wo tala swinene eka xiviko xa n’wina. 18  Hambiswiritano, ndzi kuma swilo hinkwaswo hi xitalo naswona ndzi ni swo tala. Ndzi enerile, leswi ndzi amukeleke swilo eka Epafrodito+ leswi humaka eka n’wina, nun’hwelo wo nandziha,+ xitlhavelo+ lexi amukelekaka, lexi tsakisaka swinene eka Xikwembu. 19  Kutani, Xikwembu+ xa mina xi ta enerisa xilaveko+ xa n’wina hinkwaxo hi xitalo hi mpimo wa rifuwo+ ra xona hi ku vangama ha Kreste Yesu. 20  Kutani ku vangama a ku ve eka Xikwembu xa hina tlhelo Tata wa hina hi masiku ni masiku.+ Amen. 21  Ndzi runguleleni+ mukwetsimi un’wana ni un’wana loyi a nga ni vun’we+ na Kreste Yesu. Vamakwerhu lava nga na mina va mi rungula. 22  Vakwetsimi hinkwavo, kambe ngopfu-ngopfu vandyangu wa Khezari, va mi rungula.+ 23  Musa lowu nga faneriwiki wa Hosi Yesu Kreste a wu ve ni moya lowu mi wu kombisaka.+

Tinhlamuselo ta le hansi