Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vafilipiya 3:1-21

3  Eku heteleleni, vamakwerhu, hambetani mi tsaka eHosini.+ Ku mi tsalela swilo leswi fanaka a swi ndzi karhati, kambe swi sirhelela n’wina.  Tivoneleni timbyana,+ tivoneleni vaendli va leswo biha, tivoneleni lava tsemaka nyama.+  Hikuva hi hina lava yimbeke ngoma+ ya xiviri, lava endlaka ntirho wo kwetsima hi moya+ wa Xikwembu naswona hi tibuma ha Kreste Yesu,+ naswona ku tiyiseka ka hina a ku le nyameni,+  loko ku ri ni loyi a ehleketaka leswaku u ni swisekelo swa ku tiyiseka enyameni, munhu wa kona hi mina. Loko munhu un’wana a ehleketa leswaku u ni swisekelo swa ku tiyiseka enyameni, mina ndza n’wi tlula swinene:+  ndzi yimbe hi siku ra vunhungu,+ eka nyimba ya ndyangu wa Israyele, nyimba ya Benjamini,+ Muheveru+ la velekiweke a huma eka Vaheveru; malunghana ni nawu ndzi Mufarisi;+  malunghana ni ku hiseka, ndzi xanise vandlha;+ malunghana ni ku lulama hi ku ya hi nawu, ndzi tikombise ndzi pfumala xisandzu.  Kambe swilo leswi veke mpindzulo eka mina, ndzi swi teke ku ri ku lahlekeriwa hikwalaho ka Kreste.+  Phela, hikwalaho ka sweswo, hakunene ndzi tlhela ndzi teka swilo hinkwaswo ku ri ku lahlekeriwa hikwalaho ka ntikelo lowu tlurisaka wa ku tiva Kreste Yesu Hosi+ ya mina. Hikwalaho ka yena ndzi pfumele ku lahlekeriwa hi swilo hinkwaswo naswona ndzi swi teka ku ri nhulu ya thyaka,+ leswaku ndzi kuma Kreste  kutani ndzi kumiwa ndzi ri evun’weni na yena, ndzi nga ri na ku lulama ka mina, loku humaka enawini,+ kambe loku taka hi ripfumelo+ eka Kreste, ku lulama loku humaka eka Xikwembu exisekelweni xa ripfumelo,+ 10  leswaku ndzi tiva yena ni matimba ya ku pfuka+ ka yena eka lava feke ni ku hlanganyela eku xanisekeni+ ka yena, ndzi tiveka ehansi ka rifu ro fana ni ra yena,+ 11  ku vona loko hi ndlela yo karhi ndzi ta kuma ku pfuxiwa+ ko sungula eka lava feke. 12  Ku nga ri swona leswaku se ndzi ku amukerile kumbe se ndzi endliwe ndzi hetiseka,+ kambe ndzi lwela+ ku vona loko ndzi ta khoma+ leswi Kreste Yesu a ndzi khomeke+ ha swona. 13  Vamakwerhu, a ndzi titeki se ndzi swi khomile; kambe ku ni xilo xin’we malunghana na swona: Ku rivala swilo swa le ndzhaku+ ni ku nava ndzi ya emahlweni eka swilo swa le mahlweni,+ 14  ndzi lwela ku fikelela pakani+ ya hakelo+ ya ku vitaneriwa+ ehenhla hi Xikwembu hi ku tirhisa Kreste Yesu. 15  Kutani, leswi vo tala va hina hi wupfeke,+ a hi veni ni langutelo+ leri ra mianakanyo; naswona loko hi ndlela yo karhi mi ri ni mboyamelo wa mianakanyo lowu hambaneke ni lowu, Xikwembu xi ta hlavutela langutelo leri nga laha henhla eka n’wina. 16  Kambe, hi mpimo lowu hi endleke nhluvuko ha wona, a hi hambeteni hi famba hilaha ku hlelekeke+ eka ntila lowu fanaka. 17  Hi vun’we vanani vatekeleri+ va mina, vamakwerhu, kutani mi veka tihlo eka lava va fambaka endleleni leyi fambisanaka ni xikombiso lexi hina hi mi vekelaka xona.+ 18  Hikuva va tele, lava a ndzi hamba ndzi vulavula ha vona kambe sweswi ndzi vulavula ha vona ndzi ri karhi ndzi rila, lava fambaka tanihi valala va mhandzi ya nxaniso ya Kreste,+ 19  naswona ku hela ka vona i ndzoviso,+ kasi xikwembu xa vona i khwiri+ ra vona, kutani ku vangama ka vona ku kumeka eka tingana+ ta vona, naswona va veka mianakanyo ya vona eka swilo leswi nga emisaveni.+ 20  Loko ku ri hina, lunghelo ra hina ra vutshamo+ ri le matilweni,+ ku nga ndhawu leyi nakambe hi rindzeleke+ muponisi hi mapfundza eka yona, Hosi Yesu Kreste,+ 21  loyi a nga ta pfuxeta miri+ wa hina lowu tsongahatiweke leswaku wu twananisiwa ni miri+ wakwe lowu vangamaka hi ku ya hi matirhelo+ ya matimba lawa a nga na wona, hambi matimba ya ku veka swilo hinkwaswo ehansi+ ka yena.

Tinhlamuselo ta le hansi