Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vafilipiya 2:1-30

2  Kutani, loko ku ri ni xikhutazo xo karhi eka Kreste,+ loko ku ri ni nchavelelo wo karhi wa rirhandzu, loko ku ri ni ku hlanganyela ko karhi eka moya,+ loko ku ri ni xinakulobye lexikulu+ ni tintswalo to karhi,  endlani ntsako wa mina wu tala hi ku va ni mianakanyo+ yin’we ni rirhandzu leri fanaka, mi hlanganisiwa swin’we hi moya-xiviri, mi va ni mianakanyo+ yin’we emiehleketweni,  mi nga endli nchumu hi ku kanetana+ kumbe hi ku tikurisa,+ kambe hi mianakanyo yo titsongahata mi teka van’wana va ri lava tlakukeke+ eka n’wina,  mi nga veki tihlo etimhakeni+ ta n’wina ntsena, kambe ni le timhakeni ta van’wana.+  Hlayisani langutelo leri ra mianakanyo eka n’wina leri a ri ri kona ni le ka Kreste Yesu,+  loyi, hambileswi a a ri ni xivumbeko+ xa Xikwembu, a nga ehleketangiki hi ku lwa, ku nga ku lwela ku ringana ni Xikwembu.+  E-e, kambe u tichulurile kutani a teka xivumbeko+ xa hlonga, a fana ni vanhu.+  Ku tlula sweswo, loko a tikuma a ri eka xiyimo lexi fanaka ni xa munhu,+ u titsongahatile kutani a yingisa ku ya fika eku feni,+ ina, rifu emhandzini+ ya nxaniso.  Hi xivangelo xolexi nakambe Xikwembu xi n’wi tlakusele exiyin’weni+ lexi tlakukeke kutani hi musa xi n’wi nyika vito leri nga ehenhla ka mavito+ man’wana hinkwawo, 10  leswaku matsolo hinkwawo ya lava nga etilweni ni lava nga emisaveni ni lava nga ehansi ka misava,+ ma nkhinsama hi vito ra Yesu, 11  naswona ririmi rin’wana ni rin’wana ri fanele ku twarisa+ erivaleni leswaku Yesu Kreste i Hosi+ leswaku ku vangamisiwa Xikwembu Tatana.+ 12  Hikwalaho, varhandziwa, hi ndlela leyi mi yingiseke+ ha yona nkarhi hinkwawo, ku nga ri hi nkarhi wa vukona bya mina ntsena, kambe ngopfu-ngopfu mi tiyimisele ku yingisa loko ndzi nga ri kona, hambetani mi tirhela ku ponisiwa ka n’wina hi ku chava+ ni ku rhurhumela; 13  hikuva Xikwembu hi xona lexi, hi ku ya hi leswi xi swi tsakelaka, xi tirhaka endzeni ka n’wina+ leswaku mi va ni matimba ya ku rhandza ni ku endla.+ 14  Hambetani mi endla swilo hinkwaswo mi nga gunguli+ ni ku phikisana,+ 15  leswaku mi pfumala xisandzu ni ku kala nandzu,+ mi va vana+ va Xikwembu lava nga riki na xisolo exikarhi ka xitukulwana+ xo homboloka ni lexi gombonyokeke, lexi mi voningaka exikarhi ka xona kukota mavoningo emisaveni,+ 16  mi khoma swi tiya eka rito ra vutomi,+ leswaku ndzi ta va ni xivangelo xo khana esikwini+ ra Kreste, leswaku a ndzi tsutsumelanga swa hava kumbe ku tirha hi matimba ndzi tirhela swa hava.+ 17  Kambe ke, hambiloko ndzi chuluriwa ku fana ni gandzelo+ ra swakunwa exitlhavelweni+ ni le ntirhweni wa le rivaleni lowu ripfumelo ri mi kongomiseke eka wona,+ ndza tsaka ni ku khana+ swin’we na n’wina hinkwenu. 18  Kutani hi ndlela leyi fanaka na n’wina tsakani ni ku khana swin’we na mina.+ 19  Loko ku ri mina ndzi ni ntshembo eka Hosi Yesu leswaku ndzi ta rhuma Timotiya eka n’wina hi ku hatlisa, leswaku ndzi va moya-xiviri+ lowu khanaka loko ndzi twa hi ta swilo leswi khumbaka n’wina. 20  Hikuva a ndzi na un’wana la nga ni mboyamelo wo fana ni wa yena loyi a nga ta swi khathalela+ hakunene swilo leswi khumbaka n’wina. 21  Hikuva lavan’wana hinkwavo va lava leswi vuyerisaka+ vona ntsena, ku nga ri swa Kreste Yesu. 22  Kambe ma xi tiva xitiyisekiso lexi a xi nyikeleke hi yexe, leswaku ku fana ni n’wana+ na tatana u tirhe na mina ku yisa mahungu lamanene emahlweni. 23  Hikokwalaho, loyi i munhu loyi ndzi langutelaka ku n’wi rhuma hi ku hatlisa endzhaku ko vona ndlela leyi swilo swi yimeke ha yona malunghana na mina. 24  Hakunene, ndza tiyiseka eHosini leswaku na mina ndzi ta ta hi ku hatlisa.+ 25  Hambiswiritano, ndzi swi vona swi fanela ku mi rhumela Epafrodito,+ makwerhu ni mutirhi-kulorhi+ ni socha-kulorhi,+ kambe i mufamberi ni nandza wa n’wina eka xilaveko xa mina, 26  tanihi leswi a navelaka ku mi vona hinkwenu ni leswi a karhatekeke hikwalaho ka leswi mi tweke leswaku u khomiwe hi vuvabyi. 27  Ina, hakunene, u khomiwe hi vuvabyi lerova u lave ku fa; kambe Xikwembu xi ve ni tintswalo+ eka yena, entiyisweni, ku nga ri eka yena ntsena, kambe ni le ka mina, leswaku ndzi nga vi na gome ehenhla ka gome. 28  Hikokwalaho ndzi n’wi rhumela hi ku hatlisa lokukulu, leswaku loko mi n’wi vona mi tlhela mi tsaka ni leswaku ndzi ntshunxeka swinene egomeni. 29  Hikokwalaho n’wi amukeleni+ hi ntolovelo wa kona eHosini hi ntsako hinkwawo; kutani mi hambeta mi va komba xichavo vanhu va muxaka wolowo,+ 30  hikuva hikwalaho ka ntirho wa Hosi u ve kusuhi swinene ni rifu, a veka moya-xiviri wakwe ekhombyeni,+ leswaku a ta ndzi tirhela, a mi siva hi ku helela leswi mi nga riki kona laha.+

Tinhlamuselo ta le hansi