Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vafilipiya 1:1-30

1  Mina Pawulo na Timotiya, mahlonga+ ya Kreste Yesu, eka vakwetsimi hinkwavo evun’weni na Kreste Yesu lava nga eFilipiya,+ swin’we ni valanguteri ni malandza ya vutirheli:+  Onge mi nga va ni musa lowu nga faneriwiki ni ku rhula loku humaka eka Xikwembu Tata wa hina ni le ka Hosi Yesu Kreste.+  Ndzi nkhensa Xikwembu xa mina nkarhi hinkwawo loko ndzi mi tsundzuka+  eka xikombelo xin’wana ni xin’wana xa mina lexi ndzi xi endlelaka n’wina hinkwenu,+ ndzi ri karhi ndzi endla xikombelo xa mina hi ntsako,  hikwalaho ka munyikelo+ lowu mi wu endleke eka mahungu lamanene ku sukela eka siku ro sungula ku fika enkarhini lowu.  Hikuva ndza tiyiseka hi leswi, leswaku loyi a sunguleke ntirho lowunene eka n’wina u ta wu heta+ ku fikela esikwini+ ra Yesu Kreste.  Swi lulamile eka mina ku ehleketa leswi malunghana na n’wina hinkwenu, hikwalaho ka leswi mi nga embilwini+ ya mina, hinkwenu mi hlanganyela+ na mina eka musa lowu nga faneriwiki, etimpecanini ta mina ta khotso+ ni le ku lweleni+ ni le ku simekeni ka mahungu lamanene hi nawu.+  Hikuva Xikwembu i mbhoni ya mina ya ndlela leyi ndzi mi navelaka ha yona hi xinakulobye lexikulu+ xo fana ni lexi Kreste Yesu a nga na xona.  Kutani leswi ndzi hambetaka ndzi swi khongelela hi leswi, leswaku rirhandzu ra n’wina ri ya ri andza+ ngopfu hi vutivi lebyi kongomeke+ ni ku twisisa+ loku heleleke; 10  leswaku mi tiyiseka hi swilo+ swa nkoka swinene, leswaku mi pfumala xivati+ ni ku ka mi nga va khunguvanyisi+ van’wana ku fikela esikwini ra Kreste, 11  ni leswaku mi tala mbhandzu wo lulama,+ lowu taka ha Yesu Kreste, ku va ku vangamisiwa ni ku dzunisiwa+ ka Xikwembu. 12  Kutani ndzi navela leswaku mi tiva, vamakwerhu, leswaku timhaka ta mina a ti endlanga swin’wana handle ka leswaku mahungu lamanene+ ma ya emahlweni, 13  lerova timpecana+ ta mina ti tiviwa+ erivaleni hi ku fambisana na Kreste exikarhi ka Varindzi hinkwavo va Mufumi-nkulu ni lavan’wana hinkwavo;+ 14  naswona vo tala va vamakwerhu eHosini, lava titwaka va tiyiseka hikwalaho ka timpecana ta mina ta khotso, va kombisa xivindzi lexikulu xo vulavula rito ra Xikwembu handle ka ku chava.+ 15  I ntiyiso, van’wana va chumayela Kreste hi mona ni nkwetlembetano,+ kambe van’wanyana va chumayela hi ku tirhisa vunene.+ 16  Lava va le ndzhaku va twarisa Kreste erivaleni hi rirhandzu, hikuva va swi tiva leswaku ndzi vekiwe laha leswaku ndzi lwela+ mahungu lamanene; 17  kambe lavo sungula va swi endla hi ku kanetana,+ ku nga ri hi nsusumeto wo tenga, hikuva va ehleketa ku ndzi pfuxela nhlomulo+ etimpecanini ta mina ta khotso. 18  Kutani ku vuriwa yini? A ku na nchumu, handle ka leswaku hi ndlela yin’wana ni yin’wana, hambi hi vukanganyisi+ kumbe hi ntiyiso, Kreste u twarisiwa erivaleni,+ kutani ndza tsaka ha swona. Entiyisweni, ndzi ta hambeta ndzi tsaka, 19  hikuva ndza swi tiva leswaku leswi swi ta tisa ku ponisiwa ka mina hi xikombelo+ xa n’wina ni ku nyikiwa moya wa Yesu Kreste,+ 20  hi ku pfumelelana ni ku langutela+ ka mina hi mahika ni ku tshemba+ leswaku a ndzi nge khomiwi hi tingana+ hi ndlela yihi ni yihi, kambe leswaku hi ntshunxeko wo vulavula+ Kreste u ta twarisiwa sweswi hi miri+ wa mina, hambi hi vutomi kumbe hi rifu,+ ku fana ni le nkarhini hinkwawo lowu hundzeke. 21  Hikuva eka mina ku hanya i Kreste,+ kutani ku fa+ i mpindzulo. 22  Kutani loko ku ri ku hambeta ndzi hanya ndzi ri wa nyama, sweswo i mihandzu ya ntirho wa mina+—kasi nchumu lowu ndzi nga wu langaka a ndzi wu boxi. 23  Ndzi tshikeleriwa hi swilo leswi swimbirhi;+ kambe leswi ndzi swi navelaka i ku ntshunxiwa ni ku va na Kreste,+ hikuva leswi, hakunene, swi antswa ngopfu.+ 24  Hambiswiritano, swa fanela swinene leswaku mina ndzi tshama ndzi ri wa nyama hikwalaho ka n’wina.+ 25  Kutani, leswi ndzi tiyisekaka hi leswi, ndza swi tiva leswaku ndzi ta xwa+ ni ku tshama na n’wina hinkwenu leswaku mi endla nhluvuko+ ni ku kuma ntsako lowu fambisanaka ni ripfumelo ra n’wina, 26  leswaku ku khana ka n’wina ha Kreste Yesu ku khapakhapa loko ndzi tlhela ndzi va na n’wina. 27  Ntsena tikhomeni hi mukhuva lowu fanelaka+ mahungu lamanene malunghana na Kreste, leswaku, hambi ndzi ta ndzi ta mi vona kumbe ndzi nga vi kona, ndzi twa hi ta swilo leswi khumbaka n’wina, leswaku mi yima mi tiyile hi moya wun’we, mi pfunana hi moya-xiviri+ wun’we ku lwela ripfumelo eka mahungu lamanene, 28  naswona hambi hi ndlela yihi mi nga tshukisiwi hi vakaneti+ va n’wina. Nchumu lowu i xitiyisekiso xa ndzoviso eka vona, kambe eka n’wina i xa ku ponisiwa;+ naswona xikombiso lexi xi huma eka Xikwembu, 29  hikuva n’wina mi nyikiwe lunghelo hikwalaho ka Kreste, ku nga ri ro veka ripfumelo+ ra n’wina eka yena ntsena, kambe ni ku xaniseka+ hikwalaho ka yena. 30  Hikuva mi ni nyimpi yo fana ni leyi mi yi voneke malunghana na mina+ ni yo fana ni leyi mi twaka ha yona sweswi malunghana na mina.+

Tinhlamuselo ta le hansi