Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaefesa 6:1-24

6  Vana, yingisani vatswari+ va n’wina evun’weni+ ni Hosi, hikuva leswi swi lulamile:+  “Xixima tata wa wena ni mana wa wena”;+ ku nga xileriso xo sungula lexi nga ni xitshembiso:+  “Leswaku swi ku fambela kahle ni leswaku u tshama nkarhi wo leha emisaveni.”+  Na n’wina, vatatana, mi nga karhati vana+ va n’wina, kambe hambetani mi va kurisa+ hi ku tshinya+ ni nkongomiso wa mianakanyo+ wa Yehovha.  N’wina mahlonga, yingisani lava va nga vini va n’wina hi tlhelo ra nyama,+ hi ku chava ni ku rhurhumela,+ hi timbilu to tshembeka ta n’wina, hilaha mi endlaka hakona eka Kreste,  ku nga ri ku tirha loko mi vekiwe tihlo leswaku mi tsakisa+ vanhu, kambe ku fana ni mahlonga ya Kreste, mi endla ku rhandza ka Xikwembu hi moya-xiviri hinkwawo.+  Vanani mahlonga hi langutelo lerinene, ku fana ni loko mi ri mahlonga ya Yehovha+ ku nga ri ya vanhu,  hikuva ma swi tiva leswaku un’wana ni un’wana, nchumu wihi ni wihi lowunene lowu a nga wu endlaka, Yehovha+ u ta n’wi tlherisela wona, hambi a ri hlonga kumbe a ri munhu la ntshunxekeke.+  Nakambe, n’wina vini, hambetani mi endla swilo leswi fanaka eka vona, mi tshika ku xungeta,+ hikuva ma swi tiva leswaku N’wini wa vona swin’we na n’wina+ u le matilweni, naswona a nga yi hi nghohe.+ 10  Eku heteleleni, hambetani mi kuma matimba+ eHosini ni le ka ntamu+ wa vukulu bya yona. 11  Ambalani mahavelo+ hinkwawo lama humaka eka Xikwembu leswaku mi kota ku yima mi tiyile, mi lwisana ni marhengu+ ya Diyavulosi; 12  hikuva a hi dodombisani+ ni ngati ni nyama, kambe ni tihulumendhe,+ ni valawuri,+ ni vafumi+ va misava va munyama lowu, ni mavandla lama hombolokeke ya moya,+ etindhawini ta le tilweni. 13  Hikwalaho ambalani mahavelo hinkwawo lama humaka eka Xikwembu,+ leswaku mi kota ku tserhama hi siku ro homboloka, endzhaku ko endla swilo hinkwaswo hi rixaladza, mi yima mi tiyile.+ 14  Hikokwalaho, yimani mi tiyile mi tikhame+ masenge hi ntiyiso,+ kutani mi vehela xisirhelelo xa xifuva xa ku lulama,+ 15  naswona milenge+ ya n’wina yi veheriwe swihlomo swa mahungu lamanene ya ku rhula.+ 16  Ehenhla ka swilo hinkwaswo, rhwalani xitlhangu lexikulu xa ripfumelo,+ lexi mi nga ta kota ku timela ha xona miseve+ hinkwayo leyi pfurhaka ya lowo homboloka. 17  Nakambe, amukelani xihuku+ xa ku ponisa, ni banga+ ra mo-ya,+ ku nga rito ra Xikwembu,+ 18  kasi hi swikhongelo+ swa mixaka hinkwayo ni xikombelo mi hamba mi khongela nkarhi hinkwawo hi moya.+ Kutani hi xikongomelo xexo mi hiteka nkarhi hinkwawo, mi kombelela vakwetsimi hinkwavo, 19  na mina mi ndzi kombelela, leswaku ndzi nyikiwa vuswikoti byo vulavula+ hi ku pfuleka ka nomu wa mina, hi ntshunxeko wo vulavula+ leswaku ndzi tivisa xihundla xo kwetsima xa mahungu lamanene,+ 20  lawa ndzi tirhaka tanihi muyimeri+ wa wona ndzi bohiwe hi tinketana; leswaku ndzi vulavula hi vurhena mayelana na wona hilaha ndzi faneleke ku vulavula+ hakona. 21  Kutani leswaku mi tiva ni hi timhaka ta mina, leswaku ndzi endlisa ku yini, Tixiko,+ makwerhu la rhandzekaka ni mutirheli wo tshembeka eHosini, u ta mi tivisa hinkwaswo.+ 22  Ndzi n’wi rhumela eka n’wina hi xikongomelo lexi, leswaku mi tiva swilo leswi yelanaka na hina ni leswaku a chavelela timbilu ta n’wina.+ 23  Onge vamakwerhu va nga va ni ku rhula ni rirhandzu hi ripfumelo leri humaka eka Xikwembu Tatana ni le ka Hosi Yesu Kreste. 24  Onge musa lowu nga faneriwiki+ wu nga va ni hinkwavo lava rhandzaka Hosi ya hina Yesu Kreste hi ku pfumala ku onhaka.

Tinhlamuselo ta le hansi