Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaefesa 5:1-33

5  Hikokwalaho, leswi mi nga vana lava rhandzekaka, vanani vatekeleri va Xikwembu,+  mi hambeta mi famba erirhandzwini,+ hilaha Kreste na yena a mi rhandzeke+ hakona ni ku tinyiketa hikwalaho ka n’wina a va gandzelo+ ni xitlhavelo xa nun’hwelo wo nandziha+ eka Xikwembu.  Vumbhisa+ ni thyaka ra muxaka wun’wana ni wun’wana kumbe makwanga+ swi nga vuriwi hambi ku ri ku vuri-wa exikarhi ka n’wina,+ hilaha swi fanelaka hakona vanhu lava kwetsimaka;+  hambi ku ri ku tikhoma loku nyumisaka+ kumbe mavulavulelo ya vuphukuphuku kumbe mafenya lama thyakeke,+ swilo leswi nga faneliki, kambe a ku ve ni ku nkhensa.+  Hikuva leswi ma swi tiva naswona ma swi xiya, leswaku ku hava mbhisa+ kumbe munhu loyi a nga basangiki kumbe munhu wa makwanga+—leswi vulaka ku va mugandzeri wa swifaniso swa hava—la nga ni ndzhaka ni yin’we emfun’weni wa Kreste ni wa Xikwembu.+  Ku nga tshuki ku va ni munhu loyi a mi xisaka hi marito ya hava,+ hikuva hikwalaho ka swilo leswi vuriweke laha henhla vukarhi bya Xikwembu byi tela vana vo pfumala ku yingisa.+  Hikokwalaho mi nga hlanganyeli na vona;+  hikuva khale a mi ri munyama,+ kambe sweswi mi ku vonakala+ mayelana ni Hosi. Hambetani mi famba tanihi vana va ku vonakala,  hikuva mihandzu ya ku vonakala yi katsa muxaka wun’wana ni wun’wana wa vunene ni ku lulama ni ntiyiso.+ 10  Hambetani mi tiyiseka hi leswi amukelekaka+ eHosini; 11  naswona tshikani ku hlanganyela+ na vona emintirhweni leyi nga vekiki mihandzu leyi fambisanaka ni munyama,+ kambe, ematshan’weni ya sweswo, mi tlhela mi yi tshinya,+ 12  hikuva swilo leswi va swi endlaka exihundleni swa nyumisa hambi ku ri ku swi vula.+ 13  Kutani swilo hinkwaswo leswi tshinyiwaka+ swi kombisiwa hi ku vonakala, hikuva xin’wana ni xin’wana lexi kombisiwaka+ i ku vonakala. 14  Hikwalaho xi ri: “Xalamuka,+ Wena muetleri, u pfuka eka lava feke,+ kutani Kreste u ta voninga+ ehenhla ka wena.” 15  Kutani tshamani mi ri karhi mi languta leswaku ndlela leyi mi fambaka+ ha yona a yi fani ni ya lava nga tlharihangiki kambe yi fana ni ya vanhu vo tlhariha, 16  mi tixavela nkarhi+ lowunene, hikuva masiku ma hombolokile.+ 17  Hikwalaho tshikani ku va lava nga anakanyeliki, kambe hambetani mi twisisa+ leswi ku rhandza+ ka Yehovha ku nga swona. 18  Nakambe, mi nga dakwiwi+ hi vhinyo, yi vangela manyala,+ kambe hambetani mi tala moya,+ 19  mi vulavurisana hi tipisalema+ ni marito yo dzunisa+ Xikwembu ni tinsimu ta moya, mi yimbelela+ naswona etimbilwini ta n’wina mi fambisana ni miloti+ leyi yaka eka Yehovha, 20  evitweni ra Hosi ya hina Yesu Kreste mi nkhensa+ nkarhi hinkwawo hi swilo hinkwaswo eka Xikwembu tlhelo Tata wa hina. 21  Tivekeni ehansi ka van’wana+ hi ku chava Kreste. 22  Vavasati a va tiveke ehansi+ ka vanuna va vona hilaha va endlaka hakona eHosini, 23  hikuva wanuna i nhloko ya nsati+ wakwe tanihi leswi Kreste na yena a nga nhloko ya vandlha,+ leswi yena a nga muponisi wa miri lowu. 24  Entiyisweni, tanihi leswi vandlha ri tivekaka ehansi ka Kreste, ni vavasati a va tiveke ehansi ka vanuna va vona eka swilo hinkwaswo.+ 25  Vavanuna, hambetani mi rhandza vasati+ va n’wina, hilaha Kreste na yena a rhandzeke vandlha hakona kutani a tinyiketa hikwalaho ka rona,+ 26  leswaku a ri kwetsimisa,+ a ri basisa hi ku ri hlantswa hi mati a tirhisa rito,+ 27  leswaku a ta tisa vandlha emahlweni ka yena n’wini ri ri leri vangamaka,+ ri nga ri na xivati kumbe ku khwanyana kumbe xin’wana xa swilo swo tano, kambe leswaku ri kwetsima naswona ri nga vi na xisolo.+ 28  Hi ndlela leyi vavanuna va fanele ku rhandza vasati va vona ku fana ni mimiri ya vona. Loyi a rhandzaka nsati wakwe wa tirhandza, 29  hikuva a nga kona munhu loyi a tshameke a venga nyama yakwe; kambe wa yi wundla ni ku yi khathalela,+ hilaha Kreste na yena a endlaka hakona evandlheni, 30  hikuva hina hi swirho swa miri+ wakwe. 31  “Hikwalaho ka sweswo wanuna u ta siya tata wakwe ni mana wakwe kutani a namarhela nsati wakwe, naswona lavambirhi va ta va nyama+ yin’we.” 32  Xihundla lexi xo kwetsima+ i xikulu. Sweswi ndzi vulavula malunghana na Kreste ni vandlha.+ 33  Nilokoswiritano, un’wana ni un’wana wa n’wina a a rhandze nsati+ wakwe hilaha a tirhandzaka hakona; hi hala tlhelo, wansati u fanele ku va ni xichavo+ xo enta eka nuna wakwe.

Tinhlamuselo ta le hansi