Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaefesa 3:1-21

3  Hikwalaho ka leswi mina, Pawulo, mukhotsiwa+ wa Kreste Yesu ematshan’weni ya n’wina, vanhu va matiko+  loko, kunene, mi twile hi ta vulanguteri+ bya musa lowu nga faneriwiki wa Xikwembu lebyi ndzi nyikiweke byona hikwalaho ka n’wina,  leswaku ndzi+ tivisiwe xihundla xo kwetsima hi nhlavutelo, hilaha ndzi tshameke ndzi tsala hakona hi ku komisa.  Hikwalaho ka leswi n’wina, loko mi hlaya leswi, mi nga xiya ku twisisa+ loku ndzi nga na kona ka xihundla xo kwetsima+ xa Kreste.  Eka switukulwana swin’wana xihundla+ lexi a xi tivisiwanga eka vana va vanhu hilaha xi hlavuteriweke+ hakona sweswi eka vaapostola vakwe vo kwetsima ni vaprofeta+ hi moya,  xa leswaku, vanhu va matiko va fanele ku va vadyandzhaka-kulobye ni swirho-kulobye swa miri+ ni vahlanganyeri swin’we na hina va xitshembiso+ evun’weni na Kreste Yesu hi mahungu lamanene.  Ndzi ve mutirheli+ wa leswi hi ku ya hi nyiko ya mahala ya musa lowu nga faneriwiki wa Xikwembu lowu ndzi nyikiweke wona hi ku ya hi ndlela leyi matimba ya xona ma tirhaka+ ha yona.  Mina, ndzi nga munhu lontsongo+ eka vakwetsimi hinkwavo, ndzi nyikiwe musa lowu wu nga faneriwiki,+ leswaku ndzi vula mahungu lamanene eka matiko+ hi ta rifuwo+ leri nga pimekiki ra Kreste  ni leswaku ndzi endla vanhu va kota ku vona ndlela leyi xihundla xo kwetsima+ xi kongomisiwaka+ ha yona lexi ku sukela khale a xi fihliwile hi Xikwembu, lexi tumbuluxeke swilo hinkwaswo.+ 10  Leswi a swi endleriwa leswaku sweswi tihulumendhe ni valawuri+ etindhawini ta le tilweni va tiva vutlhari byo hambana-hambana swinene bya Xikwembu+ hi vandlha,+ 11  hi ku ya hi xikongomelo lexi nga riki na makumu lexi xi xi sunguleke mayelana na Kreste,+ Yesu Hosi ya hina, 12  loyi ha yena hi nga ni ntshunxeko wo vulavula ni ku kota ku tshinela+ hi ku tiyiseka hikwalaho ka ripfumelo ra hina eka yena. 13  Hikokwalaho ndza mi kombela leswaku mi nga tshuki mi tshika hikwalaho ka mahlomulo+ lawa ya mina ematshan’weni ya n’wina, hikuva leswi swi vula ku vangama eka n’wina. 14  Hikwalaho ka leswi ndzi nkhinsama+ eka Tatana,+ 15  loyi vito+ ra ndyangu+ wun’wana ni wun’wana etilweni ni le misaveni ri humaka eka yena, 16  leswaku a mi pfumelela hi ku ya hi ku fuwa+ ka ku vangama kakwe leswaku mi endliwa lava nga ni matimba eka munhu loyi mi nga yena endzeni+ hi matimba ya moya+ wa yena, 17  leswaku hi ripfumelo ra n’wina Kreste a tshama etimbilwini ta n’wina hi rirhandzu;+ ku endlela leswaku mi dzima timitsu+ ni ku simekiwa emasungulweni,+ 18  leswaku hi rixaladza mi swi kota ku twisisa hi mianakanyo+ swin’we ni vakwetsimi hinkwavo leswi nga ku anama ni ku leha ni ku tlakuka ni ku enta,+ 19  ni ku tiva rirhandzu ra Kreste+ leri tlulaka vutivi, leswaku mi tala hi ku tala+ hinkwako loku Xikwembu xi ku nyikaka. 20  Kutani eka loyi a nga swi kotaka, hi ku ya hi matimba ya yena lama tirhaka+ eka hina, ku endla swo tala swinene ku tlula leswi hi swi kombelaka kumbe leswi hi swi ehleketaka,+ 21  eka yena a ku ve ku vangama hikwalaho ka vandlha ni hikwalaho ka Kreste Yesu eka switukulwana hinkwaswo hi masiku ni masiku.+ Amen.

Tinhlamuselo ta le hansi