Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaefesa 2:1-22

2  Ku tlula kwalaho, hi n’wina lava [Xikwembu xi mi hanyiseke] hambileswi a mi file eswivini swa n’wina ni le swidyohweni,+  leswi mi tshameke mi famba eka swona hi ku ya hi mafambiselo+ ya swilo ya misava leyi, hi ku ya hi mufumi+ wa vulawuri bya moya, moya+ lowu sweswi wu tirhaka eka vana lava nga yingisiki.+  Ina, exikarhi ka vona hinkwerhu hi tshame hi tikhoma hi ku pfumelelana ni ku navela ka nyama+ ya hina, hi endla swilo leswi rhandziwaka hi nyama+ ni miehleketo, naswona hi ntumbuluko a hi ri vana va ku kombisiwa vukarhi+ ku fana ni lavan’wana hinkwavo.  Kambe Xikwembu, lexi fuweke hi tintswalo,+ hikwalaho ka rirhandzu ra xona lerikulu leri xi hi rhandzeke ha rona,+  xi hi hanyise swin’we na Kreste, hambileswi a hi file eswivini+—hi musa lowu nga faneriwiki mi ponisiwile+  kutani xi hi pfuxe+ swin’we, xi hi tshamisisa swin’we etindhawini ta le tilweni+ evun’weni na Kreste Yesu,  leswaku eka mafambiselo ya swilo lama taka+ ku kombisiwa rifuwo+ lerikulu ra musa wa xona lowu nga faneriwiki hi nsovo wa xona evun’weni+ na Kreste Yesu.  Hakunene, hi musa lowu lowu nga faneriwiki, mi ponisiwile hi ripfumelo;+ naswona leswi a swi vangiwanga hi n’wina,+ i nyiko+ ya Xikwembu.  E-e, a swi vangiwi hi mintirho,+ leswaku a nga vi kona munhu loyi a nga ni xivangelo xo tibuma.+ 10  Hikuva hina hi mihandzu ya ntirho+ wa xona naswona hi tumbuluxiwe+ evun’weni+ na Kreste Yesu, hi tumbuluxeriwa mintirho+ leyinene, leyi Xikwembu xi yi lunghiseleleke ka ha ri emahlweni+ leswaku hi famba eka yona. 11  Hikokwalaho hambetani mi tsundzuka leswaku eku sunguleni a mi ri vanhu va matiko hi tlhelo ra nyama;+ a mi vitaniwa “ku pfumala ku yimba” hi leswi vuriwaka “ku yimba” leswi endliweke enyameni hi mavoko+ 12  leswaku enkarhini wolowo a mi nga ri na Kreste,+ a mi hambanisiwile+ ni vandla ra Israyele naswona a mi nga ri xiphemu xa mintwanano ya xitshembiso,+ a mi nga ri na ntshembo+ naswona a mi nga ri na Xikwembu emisaveni.+ 13  Kambe sweswi evun’weni na Kreste Yesu n’wina lava mi tshameke mi va ekule ngopfu mi le kusuhi hi ngati+ ya Kreste. 14  Hikuva yena i ku rhula+ ka hina, loyi a endleke mintlawa+ yimbirhi yi va wun’we+ kutani a mbundzumuxa khumbi+ leri nga exikarhi leri a ri yi hambanisa.+ 15  Hi nyama+ ya yena u herise+ vulala, Nawu wa swileriso+ lowu nga ni swileriso swa nawu, leswaku a tumbuluxa mintlawa yimbirhi ya vanhu+ evun’weni na yena yi va munhu+ un’we lontshwa naswona a endla ku rhula; 16  ni leswaku a vuyelelanisa+ mintlawa leyimbirhi ya vanhu hi ku helela yi va miri+ wun’we eka Xikwembu hi mhandzi ya nxaniso,+ hikuva u dlaye vulala+ hi yena n’wini. 17  Naswona u tile kutani a vula mahungu lamanene ya ku rhula+ eka n’wina, lava nga ekule ngopfu, ni ku rhula eka lava nga ekusuhi,+ 18  hikuva ha yena, hina mintlawa yimbirhi ya vanhu,+ hi kota ku tshinelela+ Tatana hi moya+ wun’we. 19  Hikokwalaho, hakunene a ma ha ri vafambi+ ni vatshami lava nga valuveri,+ kambe mi vaaki-kulobye+ ni vakwetsimi+ naswona mi swirho swa ndyangu+ wa Xikwembu, 20  kutani mi akiwe ehenhla ka masungulo+ ya vaapostola+ ni vaprofeta,+ kasi Kreste Yesu yena i ribye ra masungulo ra le yinhleni.+ 21  Evun’weni na yena muako hinkwawo, leswi wu hlanganisiweke hi vun’we,+ wu kula wu va tempele yo kwetsima ya Yehovha.+ 22  Evun’weni na yena,+ na n’wina, mi akiwa swin’we hi moya+ mi va ndhawu ya Xikwembu ya ku tshama eka yona.

Tinhlamuselo ta le hansi