Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaavanyisi 5:1-31

5  Hi siku rero Debora+ swin’we na Baraka+ n’wana wa Abinowamu+ va yimbelela risimu,+ va ku:   “Ku tshika misisi yi leha hi xikongomelo xa nyimpi eIsrayele, Leswaku vanhu va tinyiketa hi ku tirhandzela,+ Dzunisani Yehovha.+   Yingisani, n’wina tihosi;+ yingisani, n’wina tindhuna leti tlakukeke: Ina, mina ndzi ta yimbelelela Yehovha. Ndzi ta n’wi yimbelelela miloti+ Yehovha, Xikwembu xa Israyele.+   Yehovha, loko u huma eSeyiri,+ Loko u gwirima u huma enhoveni ya Edomu,+ Misava yi ninginikile,+ matilo na wona ma thonile,+ Mapapa na wona ma thone mati.   Tintshava ti dzudzekile ti suka exikandzeni xa Yehovha,+ Sinayi+ leyi yi suka exikandzeni xa Yehovha,+ Xikwembu xa Israyele.+   Emasikwini ya Xamugari+ n’wana wa Anati, Emasikwini ya Yayele,+ mapato a ma nga ri na vafambi, Naswona lava va fambaka hi tindlela a va famba hi mapato lama rhendzelekaka.+   Lava va tshamaka etikweni a va ha vanga kona, a va ha vanga kona eIsrayele,+ Ku fikela loko mina Debora+ ndzi suka ndzi yima, Ku fikela loko ndzi suka ndzi yima ndzi ri manana eIsrayele.+   Va hlawule swikwembu leswintshwa.+ Hi nkarhi wolowo a ku ri ni nyimpi etinyangweni.+ Xitlhangu a xi nga voniwi, hambi ku ri tlhari ro leha, Exikarhi ka vavanuna va 40 000 eIsrayele.+   Mbilu ya mina i ya tindhuna ta Israyele,+ Leti a ti tinyiketele hi ku tirhandzela exikarhi ka vanhu.+ Dzunisani Yehovha.+ 10  N’wina lava va khandziyeke timbhongolo ta matswele ta ku tshwuka ka xitshopana,+ N’wina lava va tshamaka eswiandlalweni leswi fuweke, N’wina lava va fambaka egondzweni, Xiyisisani!+ 11  Marito man’wana ya lava va kaka mati etindhawini ta ku ka mati,+ Kwalaho va sungule ku rungula swiendlo swo lulama swa Yehovha,+ Swiendlo swakwe swo lulama swa lava va tshamaka etikweni leri pfulekeke eIsrayele. Hi nkarhi wolowo vanhu va Yehovha va rhelele va ya etinyangweni. 12  Pfuka, pfuka, Wena Debora;+ Pfuka, pfuka, yimbelela risimu!+ Pfuka Baraka,+ u rhangela makhumbi ya wena, wena n’wana wa Abinowamu!+ 13  Hi nkarhi wolowo lava va poneke va rhelele va ta eka lavakulu; Vanhu va Yehovha va rhelele va ta eka mina va lwa ni lava matimba. 14  Vona a va huma aEfrayimi erivaleni ra le hansi,+ Swin’we na wena, Wena Benjamini, exikarhi ka vanhu va wena. Tindhuna ti hume eMakiri+ ti rhelela, Va hume eZebuloni lava va tamelaka xitirhisiwa xa mutsari.+ 15  Tihosana ta le Isakara+ a ti ri na Debora, Baraka+ a a fana na Isakara. Erivaleni ra le hansi u rhumiwe a famba hi milenge.+ Exikarhi ka mintlawa ya Ruveni, vanhu a va tivutisa swo tala.+ 16  Ha yini u tshame ehansi exikarhi ka minkwama yimbirhi yo hakarha enhlaneni, Leswaku u yingisa ku chayiwa ka switiringo swa mintlhambi?+ Emintlaweni ya Ruveni, vanhu a va tivutisa swo tala.+ 17  Giliyadi u hlayise vutshamo bya yena etlhelo lerin’wana ra Yordani;+ Naswona Dani, ha yini a tshamenyana eswikepeni?+ Axere u tshame a nga endli nchumu eribuweni ra lwandle, Naswona u hambete a tshama etindhawini takwe laha mabyatso ma yimaka kona.+ 18  Zebuloni a ku ri munhu la hlekuleke mimoya-xiviri ya vona ku fikela eku feni;+ Na Neftali,+ etindhawini leti tlakukeke ta nhova.+ 19  Tihosi ti tile, ti lwa; Tihosi ta Kanana ti lwe hi nkarhi wolowo+ ETanaka+ ekusuhi ni mati ya Megido.+ A ti wu tekanga mpindzulo wa silivhere.+ 20  Tinyeleti ti lwe ti ri etilweni,+ Ti lwe na Sisera ti ri emintileni ya tona. 21  Xinambyana xa Kixoni xi ti khukhurile,+ Xinambyana xa le masikwini ya khale, xinambyana xa Kixoni.+ U ye emahlweni u kandziyela ntamu,+ Wena moya-xiviri wanga. 22  Masondzo ya tihanci ma handze+ hi nkarhi wolowo Hikwalaho ka ku tsutsuma-tsutsuma ka tihanci takwe. 23  ‘Rhukani+ Merozi,’ ku vula ntsumi ya Yehovha,+ ‘Rhukani vaaki va wona hi ku phindha-phindha, Hikuva a va n’wi pfunanga Yehovha, Ku pfuna Yehovha hi vanhu va matimba.’ 24  Yayele+ nsati wa Hevere lowa Mukena+ u ta va la katekeke ngopfu exikarhi ka vavasati, U ta va la katekeke ngopfu exikarhi ka vavasati entsongeni.+ 25  U kombele mati, yena a n’wi nyika ntswamba; A tisa ntswamba lowu hlulukiweke wa lavakulu, hi nkambana lowukulu.+ 26  Hiloko a tshambuluta voko rakwe a khoma mhingu ya ntsonga, Ni voko rakwe ra xinene emhandzini ya lava va tirhaka hi matimba.+ A belela Sisera, a boxa nhloko yakwe,+ A tshovelela ni ku tsema xivandla xakwe lexi nga exikarhi ka mahlo ni tindleve. 27  A korhama exikarhi ka milenge yakwe, a wa, a ku lulululu; A korhama exikarhi ka milenge yakwe, a wa; Laha a weleke kona, u hluriwe kona.+ 28  Wansati u hlometele efasitereni, a n’wi languta, Mana wa Sisera a ri eka xisiva-fasitere,+ ‘Ha yini kalichi rakwe ra nyimpi ri hlwele ku ta?+ Ha yini masondzo ya makalichi yakwe ma hlwele swonghasi?’+ 29  Vaxisati vo xiximeka lava tlhariheke lava nga exiyin’weni xa le henhla+ ku fana na yena va ta n’wi hlamula, Ina, u ta n’wi angula hi marito yakwe, 30  ‘Xana a va fanelanga va swi kuma, xana a va fanelanga va ava leswi swi phangiweke,+ Mbeleko—mimbeleko yimbirhi eka munhu un’wana ni un’wana la tiyeke emirini,+ Tinguvu leti pendiweke ta Sisera leti phangiweke, tinguvu leti pendiweke leti phangiweke, Nguvu leyi khavisiweke, nguvu leyi pendiweke, tinguvu timbirhi leti khavisiweke Ta tinhamu ta vanhu lava phangiweke?’ 31  Xisweswo valala va wena hinkwavo a va love,+ Wena Yehovha, Naswona varhandziwa+ va wena a va fane ni loko dyambu ri huma hi matimba ya rona.”+ Naswona tiko a ra ha kavanyetiwanga emalembeni ya 40 lama landzeleke.+

Tinhlamuselo ta le hansi