Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaavanyisi 4:1-24

4  Kutani vana va Israyele va tlhela va sungula ku endla swo biha ematihlweni ya Yehovha loko Ehudi a file.+  Hiloko Yehovha a va xavisa+ evokweni ra Yabini hosi ya Ka-nana, loyi a a fuma eHasora;+ murhangeri wa vuthu rakwe a ku ri Sisera,+ a a tshama eHaroxeti+ wa vamatiko.  Vana va Israyele va sungula ku huwelela eka Yehovha,+ hikuva a a ri ni makalichi ya nyimpi ya 900 lama nga ni switsemo swa nsimbi,+ yena u tshikilele vana va Israyele+ hi ku va xanisa malembe ya 20.  Kutani Debora, muprofeta wa xisati,+ nsati wa Lapidoto, a a avanyisa Israyele hi nkarhi wolowo.  Yena a a tshama ehansi ka murhi wa ncindzu wa Debora exikarhi ka Rhama+ na Bethele+ endhawini ya tintshava ya Efrayimi; vana va Israyele a va tlhandlukela eka yena leswaku a va avanyisa.  Kutani a rhumela rito a vitana Baraka+ n’wana wa Abinowamu a huma eKedexi-neftali+ a ku eka yena: “Xana Yehovha Xikwembu xa Israyele a nga humesanga xileriso? ‘Famba u ya hangalaka eNtshaveni ya Taboro,+ u fanele u teka vavanuna va 10 000 eka vana va Neftali+ ni le ka vana va Zebuloni.+  Kunene ndzi ta ku kokela+ Sisera+ murhangeri wa vuthu ra Yabini+ ni makalichi yakwe ya nyimpi ni ntshungu wakwe enkoveni wa Kixoni,+ ndzi ta n’wi nyiketa evokweni ra wena.’”+  Hiloko Baraka a ku eka yena: “Loko wo famba na mina, kunene na mina ndzi ta famba; kambe loko u nga fambi na mina, a ndzi nge fambi.”  Kutani yena a ku: “Kunene ndzi ta famba na wena. Swa fana, xilo xo saseka a xi nge vi xa wena endleleni leyi u fambaka eka yona, hikuva Yehovha u ta xavisa Sisera evokweni ra wansati.”+ Hiloko Debora a suka a famba na Baraka eKedexi.+ 10  Baraka a sungula ku vitana Zebuloni+ na Neftali eKedexi, vavanuna va 10 000 va tlhandluka va n’wi sala endzhaku;+ Debora a tlhandluka na yena. 11  Kutani Hevere+ lowa Mukena u sukile eka Vakena,+ vana va Hobabu, lava Muxe a a ri mukon’wana wa vona,+ naswona a a dzime ntsonga wakwe ekusuhi ni murhi lowukulu wa Zananima, lowu nga eKedexi. 12  Hiloko va byela Sisera leswaku Baraka n’wana wa Abinowamu+ u tlhandlukele eNtshaveni ya Taboro.+ 13  Xikan’we-kan’we Sisera a hlengeleta makalichi yakwe hinkwawo ya nyimpi, makalichi ya nyimpi ya 900 ma ri ni switsemo swa nsimbi,+ ni vanhu hinkwavo lava a va ri na yena, va huma eHaroxeti wa vamatiko va ya enkoveni wa Kixoni.+ 14  Kutani Debora a byela Baraka a ku: “Suka u yima, hikuva leyi i ndlela leyi Yehovha a nga ta nyikela Sisera evokweni ra wena ha yona. Xana a hi Yehovha la fambeke emahlweni ka wena?”+ Hiloko Baraka a rhelela eNtshaveni ya Taboro a ri ni vavanuna va 10 000 va n’wi sele endzhaku. 15  Kutani Yehovha a pfilunganya+ Sisera ni makalichi yakwe hinkwawo ya nyimpi ni nxaxa wakwe hinkwawo hi banga emahlweni ka Baraka. Eku heteleleni, Sisera a xika ekalichini a baleka hi milenge. 16  Baraka a hlongorisa+ makalichi ya nyimpi+ ni nxaxa ku ya fika eHaroxeti wa matiko, lerova nxaxa hinkwawo wa Sisera wu dlayiwa hi banga. A nga kona ni un’we la seleke.+ 17  Loko ku ri Sisera,+ u baleke hi milenge a ya entsongeni wa Yayele+ nsati wa Hevere lowa Mukena,+ hikuva a ku ri ni ku rhula exikarhi ka Yabini hosi ya Hasora+ ni vandyangu wa Hevere lowa Mukena. 18  Hiloko Yayele a huma ku ya hlangana na Sisera, a ku eka yena: “Hambukela haleno, hosi yanga, hambukela haleno ka mina. U nga chavi.” Hiloko a hambukela eka yena entsongeni. Endzhaku a n’wi funengeta hi nkumba. 19  Hi ku famba ka nkarhi a ku eka yena: “Ndzi kombela u ndzi nyika matinyana yo nwa, hikuva ndzi ni torha.” Hiloko a pfula gula ra dzovo+ ra ntswamba, a n’wi nyika a nwa,+ endzhaku a n’wi funengeta. 20  Kutani a ya emahlweni a ku eka yena: “Yima enyangweni ya ntsonga, kutaku loko munhu a fika a ku vutisa a ku, ‘Xana ku ni munhu laha?’ u fanele u ku, ‘E-e!’” 21  Kutani Yayele nsati wa Hevere a teka mhingu ya ntsonga a khoma hamula hi voko. Hiloko a nyandlamela a n’wi tshinelela, a belela mhingu leyi exivandleni xakwe lexi nga exikarhi ka mahlo ni tindleve+ yi ya nghena emisaveni, a ha etlele vurhongo, a karhele. Kutani a fa.+ 22  Waswivo, Baraka a a hlongorisa Sisera. Yayele a huma ku n’wi hlanganisa ivi a ku eka yena: “Tana, ndzi ta ku komba munhu loyi u n’wi lavaka.” Hiloko a nghena eka yena, waswivo, Sisera a a wile, a file, ku ri ni mhingu exivandleni xakwe lexi nga exikarhi ka mahlo ni tindleve. 23  Xisweswo Xikwembu xi hlula+ Yabini hosi ya Kanana emahlweni ka vana va Israyele esikwini rero. 24  Voko ra vana va Israyele ri ya emahlweni ri nonon’hwa ni ku nonon’hwa eka Yabini hosi ya Kanana,+ ku fikela loko va dlaye Yabini hosi+ ya Kanana.

Tinhlamuselo ta le hansi