Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaavanyisi 21:1-25

21  Kutani vanhu va Israyele a va hlambanyile eMizpa,+ va ku: “A nga kona munhu exikarhi ka hina la faneleke a nyika n’wana wakwe wa nhwanyana eka Benjamini a va nsati wakwe.”+  Hiloko vanhu va fika eBethele,+ va hambeta va tshama kwalaho emahlweni ka Xikwembu+ xa ntiyiso ku fikela nimadyambu, va hambeta va tlakusa rito ra vona va rila ngopfu.+  A va ku: “Oho Yehovha Xikwembu xa Israyele, ha yini u pfumelele leswi swi humelela eIsrayele, leswaku nyimba yin’we yi nga ha vi kona namuntlha eIsrayele?”+  Kavaloko hi siku leri tlhandlamaka vanhu va pfuka nimpundzu swinene va aka alitari kwalaho, ni ku nyikela magandzelo yo hisiwa+ ni magandzelo ya xinakulobye.+  Kutani vana va Israyele va ku: “I mani loyi a nga tangiki enhlengeletanweni ya Yehovha exikarhi ka tinyimba hinkwato ta Israyele, hikuva ku ni xihlambanyo+ lexikulu lexi endliweke eka Yehovha le Mizpa, xi ri, ‘A a dlayiwe hakunene.’”+  Vana va Israyele va sungula ku tisola malunghana na Benjamini makwavo. Kutani va ku: “Namuntlha nyimba yin’we yi tsemiwile eIsrayele.  Xana hi ta endla yini leswaku lava va seleke va kuma vavasati, leswi se hi hlambanyeke+ hi Yehovha leswaku hi nga va nyiki vana va hina va va vasati va vona?”+  Va ya emahlweni va ku: “Hi yihi eka tinyimba ta Israyele leyi yi nga tangiki eka Yehovha eMizpa?”+ Waswivo, a nga kona la teke enhlengeletanweni a huma enxaxeni wa le Yabexe-giliyadi.+  Loko vanhu va hlayiwa, waswivo, a ku nga ri na munhu kwalaho la humaka eka vaaki va Yabexe-giliyadi. 10  Hiloko ntshungu wu rhumela vavanuna va 12 000 va vurhena lebyikulu, va va lerisa va ku: “Fambani, mi ya dlaya vaaki va Yabexe-giliyadi hi banga, vavasati ni vana.+ 11  Mi fanele mi endla leswi: Waxinuna un’wana ni un’wana ni waxisati un’wana ni un’wana la tshameke a etlela ni waxinuna mi ta va nyiketa endzovisweni.”+ 12  Hambiswiritano, eka vaaki va le Yabexe-giliyadi+ va kume vanhwanyana va 400, vanhwana,+ lava nga tivangiki wanuna hi ku etlela ni waxinuna. Kutani va va tisa enxaxeni wa Xilo,+ lowu wu nga etikweni ra Kanana. 13  Ntshungu hinkwawo wu rhumela vanhu ku ya vulavuriwa ni vana va Benjamini lava a va ri eribyeni ra Rimoni,+ wu va nyika ku rhula. 14  Hiloko Benjamini a vuya hi nkarhi wolowo. Kutani va va nyika vavasati lava va va londzovoteke va hanya eka vavasati va Yabexe-giliyadi;+ kambe a va va kumelanga lava ringaneke.+ 15  Vanhu va tisola hikwalaho ka Benjamini+ hikuva Yehovha u vange ku avana etinyimbeni ta Israyele. 16  Hiloko vakulukumba va ntshungu va ku: “Xana hi ta endla yini leswaku vavanuna lava seleke va kuma vavasati, hikuva vavasati va lovisiwile eka Benjamini?” 17  Kutani va ku: “Ku fanele ku va ni ndzhaka eka lava va poneke va Benjamini,+ leswaku nyimba leyi yi nga herisiwi eIsrayele. 18  Loko ku ri hina, a hi pfumeleriwanga ku va nyika vana va hina va vanhwanyana va va vasati va vona, hikuva vana va Israyele va hlambanyile, va ku, ‘A a rhukaniwe la nyikaka Benjamini nsati.’”+ 19  Eku heteleleni va ku: “Maswivo! Ku ni nkhuvo wa Yehovha lembe ni lembe eXilo,+ lowu nga en’walungwini wa Bethele, etlhelo ra vuxa bya gondzo lerikulu leri tlhandlukelaka eBethele ku ya eXikeme+ ni le dzongeni wa Lebona.” 20  Hiloko va lerisa vana va Benjamini, va ku: “Fambani mi ya tumbelela emasin’wini ya vhinya. 21  Mi fanele mi languta, kutani loko vana va vanhwanyana va Xilo va huma ku ta cina ncino+ wa ku rhendzeleka, na n’wina mi fanele mi huma emasin’wini ya vhinya, un’wana ni un’wana wa n’wina a titekela wansati hi nkani eka vana va Xilo, mi ya etikweni ra Benjamini. 22  Kutaku loko vatata wa vona kumbe vamakwavo va ta va ta hi tengisa, kunene na hina hi ta va byela hi ku, ‘Hi kombeni tintswalo hikwalaho ka vona, hikuva a hi va tekelanga vavasati enyimpini,+ naswona a mi va nyikanga vana va n’wina va vanhwanyana, xisweswo a mi ta va ni nandzu.’”+ 23  Hiloko vana va Benjamini va endla hi ndlela yoleyo, va teka vavasati lava va va ringaneke+ eka vavasati lava a va cina+ va rhendzeleka, lava va va wutleke; endzhaku ka sweswo va famba va tlhelela endzhakeni ya vona, va aka miti+ va tshama eka yona. 24  Kutani vana va Israyele va suka kwalaho hi nkarhi wolowo, un’wana ni un’wana a ya enyimbeni yakwe ni le ndyangwini wakwe; va suka kwalaho, un’wana ni un’wana a ya endzhakeni yakwe.+ 25  Emasikwini wolawo a ku nga ri na hosi eIsrayele.+ Un’wana ni un’wana a a tolovele ku endla leswi swi lulameke ematihlweni yakwe.+

Tinhlamuselo ta le hansi