Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaavanyisi 2:1-23

2  Kutani ntsumi+ ya Yehovha yi tlhandluka ku suka eGiligala+ yi ya eBokimi,+ yi ku: “Ndzi mi humese aEgipta ndzi mi tisa etikweni leri ndzi ri hlambanyeleke vatata wa n’wina.+ Ku tlula kwalaho, ndzi te, ‘A ndzi nge pfuki ndzi wu tlurile ntwanano wa mina na n’wina.+  Loko ku ri n’wina, mi nga tshuki mi endla ntwanano ni vaaki va tiko leri.+ Mi fanele mi hirimuxa tialitari ta vona.’+ Kambe a mi ri yingisanga rito ra mina.+ Ha yini mi endle leswi?+  Hiloko mina ndzi ku, ‘A ndzi nge va hlongoli emahlweni ka n’wina, va fanele va va mintlhamu eka n’wina,+ naswona swikwembu swa vona swi fanele swi va ndzingo eka n’wina.’”+  Hi ku hatlisa loko ntsumi ya Yehovha yi vule marito lawa eka vana va Israyele hinkwavo, vanhu va sungula ku tlakusa marito ya vona va rila.+  Hikwalaho va thya vito ra ndhawu yoleyo va ku i Bokimi. Va endlela Yehovha xitlhavelo kwalaho.  Kuteloko Yoxuwa a ntshunxe vanhu, vana va Israyele va tifambela, un’wana ni un’wana endzhakeni yakwe, a tshama etikweni leri.+  Vanhu va ya emahlweni va tirhela Yehovha emasikwini hinkwawo ya Yoxuwa ni le masikwini hinkwawo ya vakulukumba lava va engeteleke masiku ya vona endzhaku ka Yoxuwa, ni lava va voneke ntirho hinkwawo lowukulu wa Yehovha lowu a wu endleleke Israyele.+  Kutani Yoxuwa n’wana wa Nuni, nandza wa Yehovha, a fa a ri ni malembe ya 110.+  Hiloko va n’wi lahla endhawini ya ndzhaka yakwe eTiminata-heresi,+ endhawini ya tintshava ya Efrayimi, en’walungwini wa Ntshava ya Gaxi.+ 10  Xitukulwana xexo hinkwaxo xi lahliwe eka vatata wa xona,+ kutani ku pfuka xitukulwana xin’wana endzhaku ka xona lexi a xi nga n’wi tivi Yehovha hambi wu ri ntirho lowu a wu endleleke Israyele.+ 11  Vana va Israyele va endla swo biha ematihlweni ya Yehovha+ ni ku tirhela Vabali.+ 12  Hikwalaho va tshika Yehovha Xikwembu xa vatata wa vona loyi a va humeseke etikweni ra Egipta,+ kutani va landzela swikwembu swin’wana eka swikwembu swa vanhu lava a va va rhendzerile,+ va swi nkhinsamela, lerova va hlundzukisa Yehovha.+ 13  Kutani va tshika ku tirhela Yehovha, va tirhela Bali ni swifaniso swa Axitoreti.+ 14  Hiloko ku hlundzuka ka Yehovha ku pfurhela Israyele,+ lerova a va nyiketa emavokweni ya vaphangi, va sungula ku va phangela;+ a va xavisa evokweni ra valala va vona lava va va rhendzeleke,+ a va nga ha swi koti ku jamelana ni valala va vona.+ 15  Kun’wana ni kun’wana laha a va ya kona, voko ra Yehovha a ri ri ehenhla ka vona leswaku va weriwa hi khombo,+ hilaha Yehovha a vuleke hakona ni hilaha Yehovha a va hlambanyeleke hakona;+ kutani va va ni mahlomulo lamakulu ngopfu.+ 16  Hiloko Yehovha a veka vaavanyisi,+ va va ponisa evokweni ra vaphangi.+ 17  A va va yingisanga ni vaavanyisi va vona, kambe va ve ni rimbewu leri nga amukelekiki+ ni swikwembu swin’wana,+ va swi nkhinsamela. Va hambuka hi ku hatlisa endleleni leyi vatata wa vona va fambeke ha yona ya ku yingisa swileriso swa Yehovha.+ A va endlanga tano. 18  Loko Yehovha a va vekela vaavanyisi,+ Yehovha a a va ni muavanyisi yoloye, a va ponisa evokweni ra valala va vona emasikwini hinkwawo ya muavanyisi yoloye; Yehovha a a tisola+ hikwalaho ka ku konya ka vona hikuva vatshikileri+ va vona a va va yingayingisa. 19  Loko muavanyisi a fa, a va hundzuluka va endla hi ndlela leyi onhakeke ngopfu ku tlula vatata wa vona hi ku landzelela swikwembu swin’wana va swi tirhela ni ku swi nkhinsamela.+ A va tshikanga mahanyelo ya vona ni ku sihalala ka vona.+ 20  Eku heteleni ku hlundzuka ka Yehovha ku pfurhela+ Israyele ivi a ku: “Hikwalaho ka leswi tiko leri ri tluleke ntwanano+ wa mina lowu ndzi wu leriseke vatata wa rona naswona ri nga ri yingisangiki rito ra mina,+ 21  na mina, a ndzi nge ri hlongoli tiko ni rin’we emahlweni ka vona eka matiko lawa Yoxuwa a ma siyeke loko a fa,+ 22  leswaku ndzi ta ringa+ Israyele ha wona, ku vona loko va ta hlayisa ndlela ya Yehovha hi ku famba eka yona hilaha vatata wa vona va yi hlayiseke hakona, kumbe e-e.” 23  Hiloko Yehovha a tshika matiko lawa ma tshama, a nga ma hlongolanga hi ku hatlisa,+ naswona a nga ma nyiketanga evokweni ra Yoxuwa.

Tinhlamuselo ta le hansi