Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaavanyisi 19:1-30

19  Kutani emasikwini wolawo a ku nga ri na hosi eIsrayele.+ Naswona Mulevhi wo karhi a a tshama swa nkarhinyana eswiphen’wini swa le kule swa ndhawu ya tintshava ya Efrayimi.+ Hi ku famba ka nkarhi a teka nsati lontsongo+ loyi a humaka le Betlehema+ eYuda.  Nsati wakwe lontsongo a endla vumbhisa,+ a n’wi dyohela. Eku heteleleni a ya endlwini ya tata wakwe le Betlehema eYuda, a tshama kwalaho tin’hweti ta mune hinkwato.  Nuna wa yena a n’wi sala endzhaku leswaku a n’wi chavelela a vuya; a a ri ni mutirhi+ wakwe ni timbhongolo ta xinuna to hlayanyana. A n’wi nghenisa endlwini ya tata wakwe. Loko tata wa nhwanyana loyi a n’wi vona, xikan’we-kan’we a tsakela ku n’wi vona.  Kutani mukon’wana wakwe, tata wa nhwanyana loyi, a n’wi khoma, lerova a tshama na yena masiku manharhu; a va dya va nwa, a etlela kwalaho.+  Kutani hi siku ra vumune, loko va pfuka nimpundzu swinene hilaha ku tolovelekeke, a pfuka leswaku a famba, kambe tata wa nhwanyana loyi a byela mukon’wana wakwe a ku: “Tiyisa mbilu ya wena hi xinkwanyana,+ endzhaku ka sweswo mi nga famba.”  Hikwalaho va tshama ehansi, havambirhi va dya ni ku nwa swin’we; endzhaku ka sweswo tata wa nhwanyana loyi a ku eka nuna loyi: “Ndzi kombela u etlela vusiku lebyi,+ mbilu ya wena yi tsaka.”+  Loko wanuna loyi a pfuka leswaku a famba, mukon’wana wakwe a tshamela ku n’wi kombela, lerova a etlela kwalaho nakambe.+  Loko a pfuka nimpundzu swinene hi siku ra vuntlhanu leswaku a famba, hiloko tata wa nhwanyana loyi a ku: “Ndzi kombela u tekela mbilu ya wena swakudya.”+ Va nonoka kukondza siku ri pela. Havambirhi va tshamela ku dya.  Kutani wanuna+ loyi a pfuka leswaku a famba, yena ni nsati wakwe lontsongo+ ni loyi a n’wi tirhelaka;+ kambe mukon’wana wakwe, ku nga tata wa nhwanyana loyi, a ku eka yena: “Waswivo, sweswi! Siku ri le kusuhi ni ku pela. Ndzi kombela leswaku mi etlela.+ Phela siku ra pela. Etlelani laha, mbilu ya n’wina yi tsaka.+ Mundzuku mi ta pfuka nimpundzu swinene mi nghenela riendzo ra n’wina, mi fanele mi ya entsongeni wa n’wina.” 10  Hambiswiritano, wanuna loyi a nga pfumelanga ku etlela, kambe a pfuka a khoma ndlela a ya fika emahlweni ka Yebusi,+ hileswaku, eYerusalema;+ naswona a a ri ni timbhongolo ta xinuna to hlayanyana leti a ti boheriwile, nsati wakwe lontsongo ni loyi a n’wi tirhelaka. 11  Loko va ri ekusuhi na Yebusi, tanihi leswi siku a ri rhengile swinene,+ loyi a n’wi tirhelaka a byela n’wini wakwe a ku: “Sweswi tana hi hambukela emutini wa Vayebusi+ hi etlela kona.” 12  Kambe n’wini wakwe a ku eka yena: “Hi nga hambukeli emutini wa vanhu vambe+ lava nga riki vana va Israyele; hi fanele hi hundza ku ya fika eGibiya.”+ 13  Hiloko a ku eka loyi a n’wi tirhelaka: “Tana, a hi ye endhawini yin’wana ya leti, hi ta etlela eGibiya kumbe eRhama.”+ 14  Kutani va hundza kwalaho va ya emahlweni ni ndlela ya vona, dyambu ri va pelela loko va ri ekusuhi na Gibiya lowu nga wa Benjamini. 15  Hiloko va hambuka kwalaho va nghena leswaku va etlela eGibiya. Va nghena va tshama ehansi entsendzeleni wa muti, a ku nga ri na munhu loyi a va rhurhelaka endlwini leswaku va etlela kona.+ 16  Eku heteleleni, waswivo, mukhalabye la humaka ensin’wini yakwe nimadyambu,+ wanuna loyi a a huma endhawini ya tintshava ya Efrayimi,+ a a tshama swa nkarhinyana eGibiya; kambe vanhu va ndhawu yoleyo a ku ri va ka Benjamini.+ 17  Loko a tlakusa mahlo yakwe, hiloko a vona wanuna loyi, wa muendzi a ri entsendzeleni wa muti. Kutani mukhalabye a ku: “Xana u ya kwihi, naswona u huma kwihi?”+ 18  A ku eka yena: “Ha hundza, hi huma le Betlehema eYuda, hi ya eswiphen’wini swa le kule swa ndhawu ya tintshava ya Efrayimi.+ Hi laha ndzi humaka kona, kambe a ndzi ye le Betlehema eYuda;+ ndzi ya endlwini ya mina, a ku na munhu la ndzi rhurhelaka endlwini yakwe.+ 19  Ku ni byanyi ni furu+ ya timbhongolo ta hina ta xinuna, naswona ku ni xinkwa+ ni vhinyo ya mina ni hlonga ra wena ra xisati+ ni ya loyi a ku tirhelaka+ ni nandza wa wena. A ku pfumaleki nchumu.” 20  Hambiswiritano, mukhalabye a ku: “Onge u nga va ni ku rhula!+ Ku pfumala kun’wana ni kun’wana ka wena a ku ve ehenhla ka mina.+ Ntsena u nga etleli entsendzeleni.” 21  Hiloko a n’wi rhurhela endlwini yakwe,+ a nyika timbhongolo takwe ta xinuna swakudya.+ Kutani va hlamba milenge,+ va sungula ku dya ni ku nwa. 22  Loko va ha tsakisa timbilu ta vona,+ waswivo, vavanuna va muti, vavanuna ntsena lava nga pfuniki nchumu,+ va rhendzela yindlu,+ va susumetelana enyangweni; va byela mukhalabye, n’wini wa yindlu, va ku: “Humesa munhu la ngheneke endlwini ya wena leswaku hi tivana na yena hi tlhelo ra rimbewu.”+ 23  Hiloko n’wini wa yindlu a huma a ya eka vona, a ku eka vona:+ “E-e, vamakwerhu,+ ndza mi kombela, mi nga endli nchumu xo biha, tanihi leswi munhu loyi a teke endlwini ya mina. Mi nga byi endli vuphukuphuku lebyi byi nyumisaka.+ 24  Hi loyi n’wana wa mina wa nhwanyana ni nsati lontsongo wa munhu loyi. Ndzi kombela ku mi humesela vona, mi va pfinya,+ mi endla leswi nga swinene ematihlweni ya n’wina. Kambe eka munhu loyi, mi nga wu endli nchumu lowu wa vuphukuphuku, lowu nyumisaka.” 25  Vavanuna lava a va nga swi lavi ku n’wi yingisa. Kutani wanuna loyi a khoma nsati+ wa yena lontsongo a n’wi humesela ehandle eka vona; va sungula ku tivana na yena,+ va n’wi pfinya+ vusiku hinkwabyo ri kondza ri xa, endzhaku ka sweswo va n’wi tshika a famba loko vurhonga byi tlhandluka. 26  Kutani wansati loyi a ta loko ri lava ku xa, a wela ehansi enyangweni ya yindlu leyi n’wini wakwe a a ri eka yona,+—ku fikela nimpundzu. 27  Endzhaku n’wini wa yena a pfuka nimixo, a pfula timbanti ta yindlu, a huma, kutani waswivo, wansati loyi, nsati+ wakwe lontsongo, a a wele enyangweni ya yindlu mavoko yakwe ma ri ehenhla ka nyangwa! 28  Kutani a ku eka yena: “Pfuka hi famba.” Kambe a ku nga ri na munhu la hlamulaka.+ Hiloko wanuna loyi a n’wi teka a n’wi tlhandleka ehenhla ka mbhongolo yakwe, a pfuka a famba a ya endhawini ya ka vona.+ 29  Hiloko a nghena endlwini yakwe, a teka mukwana wo dlaya ha wona, a khoma nsati wakwe lontsongo, a n’wi tsemelela hi ku ya hi marhambu ya yena a va swiphemu swa 12,+ a n’wi rhumela endhawini yin’wana ni yin’wana ya Israyele.+ 30  Kutani un’wana ni un’wana la swi vonaka, a ku: “Nchumu wo fana ni lowu a wu si tshama wu endliwa kumbe wu voniwa ku sukela esikwini leri vana va Israyele va tlhandlukeke ha rona va huma etikweni ra Egipta ku ta fika esikwini leri. Vekani timbilu ta n’wina ehenhla ka wona, tsundzuxanani,+ mi vulavula.”

Tinhlamuselo ta le hansi