Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaavanyisi 17:1-13

17  A ku ri ni wanuna wa le ndhawini ya tintshava ya Efrayimi,+ loyi vito rakwe a a ri Mikiya.  Hi ku famba ka nkarhi a ku eka mana wakwe: “Swiphemu swa silivhere swa 1 100 leswi tekiweke eka wena ni leswi u vuleke ndzhukano+ hikwalaho ka swona, u swi vula ndzi swi twa—waswivo, silivhere yoleyo yi na mina. Hi mina loyi a yi tekeke.”+ Kutani mana wakwe a ku: “N’wananga a a kateke eka Yehovha.”+  Kutani a tlherisela swiphemu swa silivhere swa 1 100 eka mana wakwe;+ mana wakwe a ku: “Kunene ndzi fanele ndzi hlawulekisa silivhere leyi nga evokweni ra mina eka Yehovha hikwalaho ka n’wananga, leswaku ndzi endla xifaniso+ lexi vatliweke ni xifaniso lexi endliweke hi ku n’okisiwa;+ sweswi ndzi ta yi tlherisela eka wena.”  Hiloko a tlherisela silivhere eka mana wakwe, kutani mana wakwe a teka swiphemu swa silivhere swa 200 a swi nyika mufuri wa silivhere.+ Yena a endla xifaniso+ lexi vatliweke ni xifaniso lexi n’okisiweke;+ kutani xi va endlwini ya Mikiya.  Loko ku ri munhu loyi a vuriwaka Mikiya, a a ri ni yindlu ya swikwembu,+ hiloko a endla efodi+ ni terafimi,+ a tata voko ra un’wana wa vana vakwe hi matimba,+ leswaku a va muprista wakwe.+  Emasikwini wolawo a ku nga ri na hosi eIsrayele.+ Loko ku ri munhu un’wana ni un’wana, a a tolovele ku endla leswi swi lulameke ematihlweni yakwe.+  Kutani ku va ni jaha ra le Betlehema+ eYuda, ra ndyangu wa Yuda, a ri ri Mulevhi.+ A ri tshama kwalaho swa nkarhinyana.  Wanuna yoloye a ya emutini wa Betlehema eYuda a ya tshama swa nkarhinyana kun’wana ni kun’wana laha a nga kuma ndhawu kona. Loko a famba, u hetelele a fike endhawini ya tintshava ya Efrayimi kusuhi ni yindlu ya Mikiya.+  Kutani Mikiya a ku eka yena: “U huma kwihi?” Hiloko a ku eka yena: “Ndzi Mulevhi la humaka le Betlehema eYuda, naswona ndzi le ndleleni ku ya tshama swa nkarhinyana kun’wana ni kun’wana laha ndzi nga ta kuma kona ndhawu.” 10  Hiloko Mikiya a ku eka yena: “Tshama na mina u va tata+ wa mina ni muprista+ wa mina, loko ku ri mina, ndzi ta ku nyika swiphemu swa silivhere swa khume hi lembe, ni swiambalo leswi tolovelekeke ni swakudya.” Kutani Mulevhi a nghena. 11  Hiloko Mulevhi a endla xiboho xo tshama ni munhu loyi, jaha leri ri va un’wana wa vana vakwe. 12  Ku tlula kwalaho, Mikiya a tata voko ra Mulevhi hi matimba,+ leswaku jaha ri va muprista+ wakwe nileswaku ri tshama endlwini ya Mikiya. 13  Kutani Mikiya a ku: “Sweswi ndza swi tiva leswaku Yehovha u ta ndzi endlela leswinene, hikuva Mulevhi i muprista wa mina.”+

Tinhlamuselo ta le hansi