Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaavanyisi 16:1-31

16  Hi nkarhi wun’wana Samsoni a ya eGaza,+ a vona wansati la nga nghwavava, a ya eka yena.+  Kutani ku vikeriwa Vagaza, va ku: “Samsoni u nghene laha.” Hiloko va n’wi rhendzela,+ va n’wi tumbelela vusiku hinkwabyo enyangweni ya muti.+ Va miyela vusiku hinkwabyo, va ku: “Hi ku hatlisa loko ku sungula ku vonakala nimixo, hi fanele hi n’wi dlaya.”+  Kambe Samsoni a etlela kukondza ku va exikarhi ka vusiku, a pfuka exikarhi ka vusiku a khoma tinyangwa ta vungheno+ bya muti ni tinsika timbirhi ta le matlhelo, a ti simula swin’we ni xigogo, a swi tlhandleka emakatleni yakwe, a swi rhwala+ a ya na swona ehenhla ka ntshava leyi nga emahlweni ka Hebroni.+  Endzhaku ka sweswo a rhandzana ni wansati enkoveni wa Soreke, vito rakwe a ku ri Delila.+  Tihosi leti tirhisanaka+ ta Vafilisita ti ta eka yena ti ku: “N’wi yenge+ u vona leswaku matimba yakwe lamakulu ma huma kwihi, nileswaku hi nga n’wi hlula ha yini ni leswi hi nga n’wi tsimbaka ha swona leswaku hi n’wi hlula; kasi un’wana ni un’wana wa hina u ta ku nyika swiphemu swa silivhere swa 1 100.”+  Endzhaku Delila a ku eka Samsoni: “Ndzi kombela u ndzi byela, Xana matimba ya wena lamakulu ma huma kwihi, naswona u nga tsimbiwa hi yini leswaku munhu a ku hlula?”+  Kutani Samsoni a ku eka yena: “Loko vo ndzi boha hi tinsinga+ ta nkombo leti tsakamaka, leti nga omisiwangiki, ndzi ta hela matimba ndzi fana ni munhu la tolovelekeke.”  Xisweswo tihosi+ leti tirhisanaka ta Vafilisita ti n’wi tisela tinsinga ta nkombo leti tsakamaka leti nga siki omisiwaka. Endzhaku ka sweswo a n’wi tsimba ha tona.  Sweswi lava va n’wi tumbeleleke a va tshame ekamareni rakwe ra le mpfungwe,+ kutani a ku eka yena: “Vafilisita+ va le henhla ka wena, Samsoni!” Xikan’we-kan’we a tsema tinsinga hi le xikarhi, ku fana niloko harana ya ricindza yi tsemeka hi le xikarhi loko yi twa ndzilo.+ Matimba yakwe a ma tiviwanga.+ 10  Kutani Delila+ a ku eka Samsoni: “Waswivo! U tlange hi mina lerova u ndzi byela mavunwa.+ Sweswi ndzi kombela u ndzi byela lexi u nga tsimbiwaka ha xona.” 11  Xisweswo a ku eka yena: “Loko va ndzi tsimba swi tiya hi mapindza lamantshwa lawa ma nga si tshamaka ma tirha nchumu, ndzi ta hela matimba ndzi fana ni munhu la tolovelekeke.” 12  Kutani Delila a teka mapindza lamantshwa a n’wi tsimba ha wona, a ku eka yena: “Vafilisita va le henhla ka wena, Samsoni!” Nkarhi wolowo hinkwawo lava va n’wi tumbeleleke a va tshame ekamareni ra le mpfungwe.+ Xikan’we-kan’we a ma tsema hi le xikarhi evokweni rakwe ku fana ni harana.+ 13  Endzhaku ka sweswo Delila a ku eka Samsoni: “Ku fikela sweswi u tlange hi mina lerova u ndzi byela mavunwa.+ Ndzi byele nchumu lowu u nga tsimbiwaka ha wona.”+ Kutani a ku eka yena: “Loko wo luka miluko ya nkombo enhlokweni ya mina hi ngoti leyi huleriwaka yi ya ehansi.”+ 14  Hiloko a yi tiyisa hi mhingu, endzhaku ka sweswo a ku eka yena: “Vafilisita va le henhla ka wena, Samsoni!”+ Kutani a xalamuka evurhongweni a susa mhingu leyi lukaka mapesa ni ngoti leyi huleriwaka yi ya ehansi. 15  Hiloko sweswi a ku eka yena: “Xana u xinyata u ku, ‘Ndza ku rhandza,’+ kasi mbilu ya wena a yi le ka mina? Kanharhu loku u tlange hi mina, a wu ndzi byelanga laha matimba ya wena lamakulu ma humaka kona.”+ 16  Hikwalaho ka leswi a a n’wi sindzisa+ hi marito nkarhi hinkwawo, naswona a hambeta a n’wi khongotela, moya-xiviri wakwe wu karhala ku yisa eku feni.+ 17  Eku heteleleni a n’wi paluxela mbilu+ yakwe hinkwayo a ku eka yena: “Rikari+ a ri si tshama ri hundza enhlokweni ya mina, hikuva ndzi Munaziri wa Xikwembu ku sukela ekhwirini ra manana.+ Loko ndzo byevula, matimba ya mina na wona ma ta suka eka mina, kunene ndzi ta hela matimba ndzi fana ni vanhu van’wana hinkwavo.”+ 18  Loko Delila a vona leswaku u n’wi paluxele mbilu yakwe hinkwayo, xikan’we-kan’we a rhumela rito a vitana tihosi leti tirhisanaka+ ta Vafilisita, a ku: “Sweswi tanani, hikuva u ndzi paluxele mbilu yakwe hinkwayo.”+ Kutani tihosi leti tirhisanaka ta Vafilisita ti ta eka yena ti n’wi khomele mali leswaku ti ta n’wi nyika.+ 19  A n’wi etlerisa ematsolweni yakwe. A vitana munhu a n’wi byevula miluko yakwe ya nkombo enhlokweni, endzhaku ka sweswo a sungula ku n’wi hlula, matimba yakwe ma hambeta ma suka eka yena. 20  Kutani a ku: “Vafilisita va le henhla ka wena, Samsoni!” Hiloko a pfuka evurhongweni a ku: “Ndzi ta huma ku fana ni le minkarhini yin’wana+ ndzi tintshunxa.” Kambe a nga swi tivanga leswaku i Yehovha la sukeke eka yena.+ 21  Hiloko Vafilisita va n’wi khoma, va xokola mahlo yakwe,+ va n’wi tisa eGaza,+ va n’wi boha hi tinketana timbirhi ta koporo;+ a va musiri+ endlwini ya khotso.+ 22  Hi nkarhi wolowo misisi ya nhloko yakwe a yi sungula ku kula swinene endzhaku ka loko a byevuriwile.+ 23  Loko ku ri tihosi leti tirhisanaka ta Vafilisita, ti hlengeletana swin’we leswaku ti nyikela xitlhavelo lexikulu eka Dagoni+ xikwembu xa tona nileswaku ti tsaka, ti hambeta ti ku: “Xikwembu xa hina xi nyikete Samsoni nala wa hina evokweni ra hina!”+ 24  Loko vanhu va n’wi vona, xikan’we-kan’we va dzunisa xikwembu xa vona,+ va ku “hikuva xikwembu xa hina xi nyikete nala+ wa hina evokweni ra hina, muonhi wa tiko+ ra hina ni loyi a dlayeke vo tala va hina.”+ 25  Hikwalaho ka leswi mbilu ya vona a yi tsakile,+ va sungula ku vula va ku: “Vitani Samsoni leswaku a ta hi tlangela.”+ Hiloko va vitana Samsoni a huma endlwini ya khotso leswaku a va endlela ntlango;+ va n’wi yimisa exikarhi ka tiphuphu timbirhi. 26  Kutani Samsoni a byela mufana loyi a a n’wi khome hi voko a ku: “Ndzi pfumelele ndzi khumba tiphuphu leti yindlu leyi yi khomiweke ha tona, u ndzi tshika ndzi titshega ha tona.” 27  (Phela, yindlu a yi tele hi vavanuna ni vavasati va tihosi leti tirhisanaka hinkwato ta Vafilisita;+ elwangwini a ku ri ni vavanuna ni vavasati va 3 000 lava a va hlalele Samsoni loko a va tlangela.)+ 28  Samsoni+ a huwelela eka Yehovha+ a ku: “Yehovha, Hosi leyi Lawulaka, ndzi kombela u ndzi tsundzuka,+ ndzi kombela u ndzi nyika matimba,+ kan’we ntsena, Oho Xikwembu xa ntiyiso, ndzi tirihisela eka Vafilisita ndzi rihisela rin’we ra mahlo ya mina mambirhi.”+ 29  Hiloko Samsoni a titshega hi tiphuphu timbirhi ta le xikarhi leti a ti khome yindlu, a ti khoma, yin’wana hi voko ra xinene yin’wana hi voko ra ximatsi. 30  Kutani Samsoni a ku: “Moya-xiviri wa mina a wu fe+ ni Vafilisita.” Hiloko a korhama hi matimba, kutani yindlu yi wela ehenhla ka tihosi leti tirhisanaka ni le henhla ka vanhu hinkwavo lava a va ri eka yona,+ lerova lava feke lava a va dlayeke hi ku fa kakwe va tlula lava a va dlayeke loko a ha hanya.+ 31  Endzhaku vamakwavo ni hinkwavo vandyangu wa tata wakwe va rhelela va n’wi teka va tlhandluka na yena va n’wi lahla exikarhi ka Sora+ na Exitawoli+ exilahlweni xa Manowa+ tata wakwe. Loko ku ri yena, u avanyise Israyele malembe ya 20.+

Tinhlamuselo ta le hansi