Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaavanyisi 14:1-20

14  Kutani Samsoni a rhelela a ya eTimna,+ hiloko a vona wansati eTimna eka vana va Vafilisita.  Hiloko a tlhandluka a ya byela tata wakwe ni mana wakwe a ku: “Ndzi vone wansati eTimna eka vana va Vafilisita, kutani ndzi kumeleni yena a va nsati wa mina.”+  Kambe tata wakwe ni mana wakwe va ku eka yena: “Xana a nga kona wansati exikarhi ka vanhwanyana va vamakwenu ni le xikarhi ka varikwerhu hinkwavo,+ lerova u nga teka nsati eka Vafilisita lava nga yimbangiki?”+ Hambiswiritano Samsoni a byela tata wakwe a ku: “Ndzi kumele yena, hikuva hi yena ntsena la lulameke ematihlweni ya mina.”  Loko ku ri tata wakwe ni mana wakwe, a va nga swi tivi leswaku sweswo a swi huma eka Yehovha,+ leswaku a a lava ndlela yo hlasela Vafilisita, tanihi leswi hi nkarhi wolowo Vafilisita a va fuma Israyele.+  Kutani Samsoni a rhelela ni tata wakwe ni mana wakwe eTimna.+ Loko a fika emasin’wini ya vhinya eTimna, waswivo, xinghalana xa ntshiva xi bonga loko xi hlangana na yena.  Hiloko moya wa Yehovha wu tirha ehenhla ka yena,+ lerova a xi handzula hi le xikarhi, ku fana niloko munhu a handzula xiphongo lexitsongo hi le xikarhi, a ku nga ri na nchumu nikatsongo evokweni rakwe. A nga n’wi byelanga tata wakwe ni mana wakwe leswi a swi endleke.  A ya emahlweni a rhelela, kutani a vulavula ni wansati loyi; naswona a a ha lulamile ematihlweni ya Samsoni.+  Endzhakunyana ka nkarhi a tlhela leswaku a n’wi te-ka a muka na yena.+ Hi nkarhi wolowo a hambuka a languta ntsumbu wa nghala, a ku ri ni tinyoxi to tala ni vulombe entsumbini wa nghala.+  Kutani a ti hakula hi swandla, a ya emahlweni a famba, a dya a ri karhi a famba.+ Loko a tlhela a hlangana ni tata wakwe ni mana wakwe, xikan’we-kan’we a va nyika byin’wana, va sungula ku byi dya. A nga va byelanga leswaku vulombe lebyi u byi humese entsumbini wa nghala. 10  Tata wakwe a rhelela a ya eka wansati loyi, Samsoni a endla nkhuvo kwalaho;+ hikuva hi wona mukhuva lowu majaha a ma endla ha wona. 11  Kuteloko va n’wi vona, xikan’we-kan’we va teka tinxangwana ta 30, leswaku ti tshama na yena. 12  Kutani Samsoni a ku eka tona: “Ndzi kombela ku mi byela mawetana.+ Loko mo ndzi hlavutela wona emasikwini+ lawa ya nkombo ya nkhuvo naswona mi wa hlamusela, ndzi ta mi nyika tinguvu ta le ndzeni ta 30 ni swiambalo swa 30.+ 13  Kambe loko mi nga swi koti ku ndzi byela wona, n’wina mi fanele mi ndzi nyika tinguvu ta le ndzeni ta 30 ni swiambalo swa 30.” Hiloko ti ku eka yena: “Vula mawetana ya wena, hi ma twa.” 14  Kutani a ku eka tona: “Eka lexi xi dyaka ku hume lexi xi dyiwaka,+ Naswona eka lexi xi nga ni matimba ku hume nchumu wo tsokombela.”+ A va swi kotanga ku hlavutela mawetana ku ringana masiku manharhu. 15  Kutani hi siku ra vumune va byela nsati wa Samsoni va ku: “Yenga nuna wa wena leswaku a hi byela mawetana lawa.+ Loko swi nga ri tano hi ta ku hisa hi ndzilo wena ni yindlu ya tata wa wena.+ Xana n’wina mi hi rhambele laha leswaku mi ta teka swilo+ swa hina?” 16  Hiloko nsati wa Samsoni a sungula ku n’wi rilela+ a ku: “Hakunene wa ndzi venga, a wu ndzi rhandzi.+ Ku ni mawetana lawa u ma byeleke varikwerhu,+ kambe mina a wu ndzi byelanga.” Kutani a ku eka yena: “Phela, hambi ku ri tatana na manana a ndzi va byelanga,+ xana ndzi fanele ndzi byela wena?” 17  Kambe a hambeta a n’wi rilela masiku ya nkombo loko va ha ri enkhubyeni, kutani hi siku ra vunkombo a hetelela a n’wi byela, hikuva a a n’wi sindzisile.+ Kutani yena a byela varikwavo mawetana lawa.+ 18  Hi siku ra vunkombo, a nga si ya ekamareni ra le mpfungwe, vavanuna va muti va ku eka yena:+ “I yini lexi tsokombelaka ku tlula vulombe, I yini lexi nga ni matimba ku tlula nghala?”+ Yena a ku eka vona: “Loko a mi nga rimanga hi xihon’wana xa mina,+ A mi nga ta ma hlamusela mawetana ya mina.”+ 19  Hiloko moya wa Yehovha wu tirha ehenhla ka yena,+ lerova a rhelela eAxikeloni,+ a dlaya vanhu va vona va 30, a teka swiambalo leswi a va hluvuleke swona, a swi nyika lava va hlavuteleke mawetana.+ Ku hlundzuka kakwe ku ya emahlweni ku va kukulu, kutani a tlhandlukela endlwini ya tata wakwe. 20  Nsati+ wa Samsoni a va wa nxangwana+ yakwe, leyi a yi ri na yena.

Tinhlamuselo ta le hansi