Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaavanyisi 11:1-40

11  Kutani Yefta+ lowa Mugiliyadi+ a a ri wanuna wa matimba, wa vurhena,+ a a ri n’wana wa wansati la nga nghwavava,+ Giliyadi a va tata wa Yefta.  Nsati wa Giliyadi a hambeta a n’wi tswalela vana. Loko vana va nsati loyi va kula, va hlongola Yefta, va ku eka yena: “A wu fanelanga u va ni ndzhaka endyangwini wa tatana,+ hikuva wena u n’wana wa wansati un’wana.”  Hiloko Yefta a baleka hikwalaho ka vamakwavo, a ya tshama etikweni ra Toba.+ Vanhu lava nga pfuniki nchumu va hambeta va hlengeletana eka Yefta, a va famba na yena.+  Kutani endzhaku ka nkarhinyana vana va Amone va sungula ku lwa na Israyele.+  Kuteloko vana va Amone va lwe na Israyele,+ xikan’we-kan’we vakulukumba va Giliyadi va tlhandluka ku ya teka Yefta etikweni ra Toba.+  Kutani va byela Yefta va ku: “Tana u ta va ndhuna ya hina, a hi lweni ni vana va Amone.”  Kambe Yefta a ku eka vakulukumba+ va Giliyadi: “Xana a hi n’wina mi ndzi vengeke kukondza mi ndzi hlongola endlwini ya tatana?+ Ha yini mi ta eka mina sweswi loko mi karhatekile?”+  Hiloko vakulukumba va Giliyadi va byela Yefta va ku: “Hi yona mhaka leyi sweswi hi vuyeleke eka wena,+ u fanele u famba na hina, u lwa ni vana va Amone, eka hina u fanele u va murhangeri wa vaaki hinkwavo va Giliyadi.”+  Kutani Yefta a byela vakulukumba va Giliyadi a ku: “Loko mi ndzi vuyisa leswaku ndzi lwa ni vana va Amone, kutani Yehovha a va nyiketa eka mina,+ mina ndzi ta va murhangeri wa n’wina!” 10  Hiloko vakulukumba va Giliyadi va byela Yefta va ku: “Yehovha a a yingise exikarhi ka hina+ loko ndlela leyi hi nga ta endla ha yona yi nga fambisani ni rito ra wena.”+ 11  Hikwalaho Yefta a famba ni vakulukumba va Giliyadi, vanhu va n’wi veka ehenhla ka vona a va murhangeri ni ndhuna ya vona.+ Yefta a vula marito lawa hinkwawo emahlweni ka Yehovha+ eMizpa.+ 12  Kutani Yefta a rhumela varhumiwa eka hosi ya vana va Amone,+ a ku: “Xana ndzi na yini na n’wina,+ leswi mi teke etikweni ra mina ku lwa na mina?” 13  Hiloko hosi ya vana va Amone yi ku eka varhumiwa va Yefta: “Ndzi lwa na wena hikwalaho ka leswi Israyele a tekeke tiko ra mina loko a huma aEgipta,+ ku suka eArinoni+ ku ya fika eYaboko ni le Yordani.+ Sweswi ri vuyiseni hi ku rhula.” 14  Kambe Yefta a tlhela a rhumela varhumiwa eka hosi ya vana va Amone 15  a ku eka yona: “Yefta u te, ‘Israyele a nga ri tekanga tiko ra Mowabu+ ni tiko ra vana va Amone.+ 16  Hikuva loko a huma aEgipta, Israyele u tsemakanye emananga ku ya fika eLwandle ro Tshwuka,+ a fika eKadexi.+ 17  Kutani Israyele a rhumela varhumiwa eka hosi ya Edomu,+ a ku: “Ndzi kombela ku tsemakanya hi le tikweni ra wena,” kambe hosi ya Edomu a yi yingisanga. Va tlhele va va rhumela ni le ka hosi ya Mowabu,+ a yi pfumelanga. Israyele a hambeta a tshama eKadexi.+ 18  Loko va tsemakanya emananga, va fambe va rhendzela tiko ra Edomu+ ni tiko ra Mowabu, lerova va famba va ya evuhuma-dyambu etikweni ra Mowabu,+ va aka nxaxa exifundzheni xa Arinoni; a va fikanga endzilakaneni wa Mowabu,+ hikuva Arinoni a ku ri ndzilakana wa Mowabu.+ 19  “‘Endzhaku ka sweswo Israyele a rhumela varhumiwa eka Sihoni hosi ya Vaamori, hosi ya Hexiboni,+ Israyele a ku eka yena: “Ndzi kombela u hi pfumelela hi tsemakanya hi le tikweni ra wena, hi ya endhawini ya mina.”+ 20  Sihoni a a nga eneriseki leswaku Israyele a tsemakanya endhawini yakwe, kutani Sihoni a hlengeleta vanhu vakwe hinkwavo, a dzima nxaxa eYahasa,+ a lwa na Israyele.+ 21  Hiloko Yehovha Xikwembu xa Israyele a nyiketa Sihoni ni vanhu vakwe hinkwavo evokweni ra Israyele, lerova va va hlasela, kutani Israyele a teka tiko hinkwaro ra Vaamori lava a va tshama etikweni rero.+ 22  Xisweswo va teka ndhawu hinkwayo ya Vaamori ku suka eArinoni ku ya fika eYaboko ni ku suka emananga ku ya fika eYordani.+ 23  “‘Sweswi Yehovha Xikwembu xa Israyele hi yena la hlongoleke Vaamori emahlweni ka vanhu vakwe va Israyele,+ naswona wena, u ta va hlongola. 24  Xana a wu nge hlongoli un’wana ni un’wana loyi Kemoxi+ xikwembu xa wena a ku endleke leswaku u n’wi hlongola? Naswona un’wana ni un’wana loyi Yehovha Xikwembu xa wena a n’wi hlongolaka emahlweni ka hina hi yena loyi hi nga ta n’wi hlongola.+ 25  Xana wena wa antswa sweswi ku tlula Balaka n’wana wa Sipora, hosi ya Mowabu?+ Xana u tshame a kanetana na Israyele, kumbe, xana u tshame a lwa na vona? 26  Loko Israyele a ha tshama eHexiboni ni le swimitanini leswi swi titshegeke+ hi wona ni le Arowere+ ni le swimitanini leswi swi titshegeke hi wona ni le mitini hinkwayo leyi nga eribuweni ra Arinoni ku ringana malembe ya 300, ha yini u nga va wutlanga hi nkarhi wolowo?+ 27  Loko ku ri mina, a ndzi ku dyohelanga, kambe u tirhisana na mina hi ndlela leyi hoxeke hi ku lwa na mina. Yehovha Muavanyisi+ a a avanyise namuntlha exikarhi ka vana va Israyele ni vana va Amone.’” 28  Hosi ya vana va Amone a yi ma yingisanga marito ya Yefta lawa a yi rhumeleke wona.+ 29  Sweswi moya wa Yehovha wu fika ehenhla ka Yefta,+ hiloko a tsemakanya etikweni ra Giliyadi ni ra Manase, a tsemakanya etikweni ra Mizpe wa Giliyadi,+ ku suka eMizpe wa Giliyadi a hundzela eka vana va Amone. 30  Kutani Yefta a endla xitshembiso lexi hlambanyiweke+ eka Yehovha a ku: “Kunene loko wo nyiketa vana va Amone evokweni ra mina, 31  kutaku loyi a nga ta huma, a huma enyangweni ya yindlu ya mina a ndzi hlanganisa loko ndzi vuya hi ku rhula+ eka vana va Amone, u ta va wa Yehovha,+ ndzi ta n’wi nyiketa a va gandzelo ro hisiwa.”+ 32  Kutani Yefta a hundzela eka vana va Amone leswaku a lwa na vona, Yehovha a va nyiketa evokweni rakwe. 33  A sungula ku va dlaya ku suka eArowere ku ya fika eMiniti+—miti ya 20—ku ya fika ni le Avele-keramimi, a dlaya vanhu vo tala ngopfu. Vana va Amone va hluriwa emahlweni ka vana va Israyele hi ndlela yoleyo. 34  Emakumu Yefta a fika eMizpa+ ekaya rakwe, waswivo, n’wana wakwe wa nhwanyana a huma ku n’wi hlanganisa a ri karhi a ba xingomana ni ku cina!+ A ku ri yena n’wana a ri swakwe. Handle ka yena, a a nga ri na n’wana wa jaha kumbe wa nhwanyana. 35  Kuteloko a n’wi vona, a handzula tinguvu takwe,+ a ku: “Oho n’wananga! Kunene u ndzi korhamisile, wena ndzi ku fularherile. Kutani mina—mina ndzi pfule nomu wa mina eka Yehovha, a ndzi swi koti ku tlhelela endzhaku.”+ 36  Kambe a ku eka yena: “Tatana, loko u pfule nomu wa wena eka Yehovha, endla eka mina hilaha u vuleke hakona hi nomu wa wena,+ hilaha Yehovha a ku nyikeke swiendlo swa ku tirihisela eka valala va wena, ku nga vana va Amone.” 37  A ya emahlweni a byela tata wakwe a ku: “A ku endleke leswi eka mina: Ndzi tshike ndzi ri swanga ku ringana tin’hweti timbirhi, ndzi tshike ndzi famba, ndzi ta rhelela etintshaveni, ndzi rilela vunhwana bya mina,+ mina ni vanakulorhi va vanhwanyana.” 38  Hiloko yena a ku: “Famba!” Kutani a n’wi tshika a famba ku ringana tin’hweti timbirhi; a ya emahlweni a famba, yena ni vanakulobye va vanhwanyana, a rilela vunhwana byakwe etintshaveni. 39  Kutani eku heleni ka tin’hweti timbirhi, a tlhelela eka tata wakwe, a hetisisa xitshembiso xakwe lexi hlambanyiweke lexi a xi endleke eka yena.+ Yena a nga tivananga ni wanuna. Kutani ku va xileriso eIsrayele: 40  Lembe ni lembe vana va Israyele va vanhwanyana a va famba va ya bumabumela n’wana wa Yefta lowa Mugiliyadi, masiku ya mune hi lembe.+

Tinhlamuselo ta le hansi