Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaavanyisi 10:1-18

10  Kutani endzhaku ka Abimeleke ku ta Tola n’wana wa Puwa n’wana wa Dodo, munhu wa le Isakara leswaku a ponisa+ Israyele, a a tshama eXamiri endhawini ya tintshava ya Efrayimi.+  A ya emahlweni a avanyisa Israyele malembe ya 23, endzhaku ka sweswo a fa, a lahliwa eXamiri.  Endzhaku ka yena ku va na Yayiri lowa Mugiliyadi,+ a ya emahlweni a avanyisa Israyele malembe ya 22.  A a ri ni vana va 30 lava a va gada timbhongolo leti kuleke,+ a va ri ni miti ya 30. Va yi thya Havhoti-yayiri+ ku fikela esikwini leri; va tshama etikweni ra Giliyadi.  Endzhaku ka sweswo Yayiri a fa, a lahliwa eKamoni.  Vana va Israyele va tlhela va endla swo biha ematihlweni ya Yehovha,+ va sungula ku tirhela swifaniso swa Vabali+ na Axitoreti+ ni swikwembu swa Siriya+ ni swikwembu swa Sidoni+ ni swikwembu swa Mowabu+ ni swikwembu swa vana va Amone+ ni swikwembu swa Vafilisita.+ Hiloko va siya Yehovha, va tshika ku n’wi tirhela.+  Hiloko ku hlundzuka ka Yehovha ku pfurhela Israyele,+ lerova a va xavisa+ evokweni ra Vafilisita+ ni le vokweni ra vana va Amone.+  Kutani va faya ni ku va tshikilela ngopfu vana va Israyele elembeni rero—ku ringana malembe ya 18, va tshikilela vana va Israyele hinkwavo lava a va ri etlhelo ka Yordani etikweni ra Vaamori leri a ri ri eGiliyadi.  Vana va Amone a va tsemakanya Yordani leswaku va lwa na Yuda na Benjamini ni yindlu ya Efrayimi; Israyele a karhateka ngopfu.+ 10  Vana va Israyele va sungula ku kombela Yehovha leswaku a va pfuna,+ va ku: “Hi ku dyoherile,+ hikuva hi siye Xikwembu xa hina hi tirhela Vabali.”+ 11  Yehovha a byela vana va Israyele a ku: “Xana a ku nga ri aEgipta+ ni le ka Vaamori+ ni le ka vana va Amone+ ni le ka Vafilisita+ 12  ni le ka Vasidoni+ ni le ka Amaleke+ ni le ka Midiyani,+ loko va mi tshikilela,+ mi huwelela eka mina, kutani ndzi mi ponisa evokweni ra vona? 13  Loko ku ri n’wina, mi ndzi tshikile,+ mi sungula ku tirhela swikwembu swin’wana.+ Hi yona mhaka leyi ndzi nga ta ka ndzi nga ha mi ponisi.+ 14  Fambani mi ya kombela mpfuno eka swikwembu+ leswi mi swi hlawuleke.+ A ku ve swona swi mi ponisaka enkarhini wa maxangu ya n’wina.” 15  Kambe vana va Israyele va ku eka Yehovha: “Hi dyohile.+ Wena endla eka hina hi ku ya hi xin’wana ni xin’wana lexinene ematihlweni ya wena.+ Hi kombela ntsena leswaku u hi ponisa, esikwini leri.”+ 16  Kutani va sungula ku susa swikwembu swimbe exikarhi ka vona,+ va tirhela Yehovha,+ lerova moya-xiviri+ wakwe wu hela matimba hikwalaho ka ku karhateka ka Israyele.+ 17  Hi ku famba ka nkarhi vana va Amone+ va hlengeletana swin’we va dzima nxaxa eGiliyadi.+ Vana va Israyele va hlengeletana, va dzima nxaxa eMizpa.+ 18  Vanhu swin’we ni tihosana ta Giliyadi va sungula ku byelana va ku: “I mani la nga ta hi rhangela loko hi lwa ni vana va Amone?+ A a ve murhangeri wa vaaki hinkwavo va Giliyadi.”+

Tinhlamuselo ta le hansi