Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Vaavanyisi 1:1-36

1  Endzhaku ka ku fa+ ka Yoxuwa, vana va Israyele va vutisa+ Yehovha, va ku: “I mani eka hina la nga ta rhanga a tlhandluka a ya lwa ni Vakanana?”  Hiloko Yehovha a ku: “Yuda u ta tlhandluka.+ Maswivo! Kunene ndzi ta nyiketa tiko evokweni rakwe.”  Kutani Yuda a byela Simiyoni makwavo a ku: “Tlhandluka na mina+ hi ya endhawini leyi ndzi yi kumeke hi vuhlolotwana bya mina, a hi lwe ni Vakanana, na mina ndzi ta famba na wena+ endhawini leyi u yi kumeke hi vuhlolotwana bya wena.” Hiloko Simiyoni a famba na yena.+  Yuda a tlhandluka, kutani Yehovha a nyikela Vakanana ni Vaperezi evokweni ra vona,+ lerova va va hlula eBezeki, vavanuna va 10 000.  Loko va kuma Adoni-bezeki eBezeki, va lwe na yena kutani va hlula Vakanana+ ni Vaperezi.+  Loko Adoni-bezeki a baleka, va n’wi hlongorisile, va n’wi khoma, va tsema makhudzu ya mavoko yakwe ni makhudzu ya milenge yakwe.  Hiloko Adoni-bezeki a ku: “A ku ri ni tihosi ta 70 leti a ti tsemiwe makhudzu ya mavoko ni makhudzu ya milenge leti a ti rholela swakudya ehansi ka tafula ra mina. Xikwembu xi ndzi tlherisele hilaha ndzi endleke hakona.”+ Endzhaku ka sweswo va n’wi yisa eYerusalema+ kutani a fela kona.  Ku tlula kwalaho, vana va Yuda va lwe na Yerusalema+ kutani va wu teka, va wu hlasela hi banga, muti va wu nyiketa endzilweni.  Endzhaku ka sweswo vana va Yuda va rhelela ku ya lwa ni Vakanana lava a va tshama endhawini ya tintshava na Negebu+ na Xefela.+ 10  Hiloko Yuda a famba a ya hlasela Vakanana lava a va tshama eHebroni+ (vito ra Hebroni emahlweni ka sweswo a ku ri Kiriyati-aba),+ kutani va dlaya Sexayi na Ahimani na Talimayi.+ 11  Kutani va hundza kwalaho va ya hlasela vaaki va Debiri.+ (Vito ra Debiri emahlweni ka sweswo a ku ri Kiriyati-sefere.)+ 12  Hiloko Kalebe+ a ku: “Loyi a nga ta hlasela Kiriyati-sefere a wu teka, waswivo, ndzi ta n’wi nyika Akisa+ n’wana wa mina a va nsati wakwe.”+ 13  Kutani Otiniyele+ n’wana wa Kenazi,+ makwavo lontsongo wa Kalebe,+ a wu teka. Hiloko a n’wi nyika Akisa n’wana wakwe a va nsati wakwe.+ 14  Loko a ha ya ekaya, a n’wi kucetela ku kombela nsimu eka tata wakwe. Hiloko a phokotela mavoko a ri ehenhla ka mbhongolo.+ Kutani Kalebe a ku eka yena: “U lava yini?” 15  Yena a ku: “Ndzi nyike nkateko,+ hikuva u ndzi nyike xiphemu xa le dzongeni xa tiko, u fanele u ndzi nyika Guloti-mayima.” Hiloko Kalebe a n’wi nyika Guloti ya le Henhla+ na Guloti ya le Hansi. 16  Vana va Mukena,+ lava Muxe a a ri mukon’wana wa vona,+ va humelela emutini wa mirhi ya micindzu+ va ri ni vana va Yuda emananga ya Yuda, lawa a ma ri edzongeni wa Aradi.+ Kutani va famba va ya tshama ni vanhu.+ 17  Kambe Yuda a famba na Simiyoni makwavo, va hlasela Vakanana lava a va tshama eSefata, va wu nyikela endzovisweni.+ Hikwalaho vito ra muti a wu vitaniwa Horma.+ 18  Endzhaku ka sweswo Yuda a teka Gaza+ ni ndhawu ya wona na Axikeloni+ ni ndhawu ya wona na Ekroni+ ni ndhawu ya wona. 19  Yehovha a hambeta a va na Yuda, lerova a tshama endhawini ya tintshava, kambe a tsandzeka ku hlongola vaaki va rivala ra le hansi, hikuva a va ri ni makalichi ya nyimpi+ lama nga ni switsemo swa nsimbi.+ 20  Kutani Hebroni va wu nyika Kalebe, hilaha Muxe a tshembiseke hakona,+ hiloko a hlongola vana vanharhu va Anaka kwalaho.+ 21  Vana va Benjamini a va va hlongolanga Vayebusi lava a va tshama eYerusalema;+ kambe Vayebusi va hambete va tshama ni vana va Benjamini eYerusalema ku ta fikela esikwini leri.+ 22  Hi nkarhi lowu fanaka yindlu ya Yosefa+ na yona yi tlhandlukele eBethele,+ Yehovha a a ri na vona.+ 23  Yindlu ya Yosefa yi sungula ku kambela+ Bethele (phela, emahlweni ka sweswo vito ra muti wolowo a ku ri Luzi),+ 24  varindzi va vona munhu a huma emutini. Kutani va ku eka yena: “Hi kombela u hi komba ndlela yo nghena emutini, kunene hi ta va ni musa eka wena.”+ 25  Hiloko munhu loyi a va komba ndlela yo nghena emutini; kutani va hlasela muti hi banga,+ kambe va tshika munhu yoloye a famba ni ndyangu wakwe hinkwawo.+ 26  Kutani munhu loyi a ya etikweni ra Vaheti+ a ya aka muti, a wu thya vito ra Luzi. I vito ra wona ku ta fikela esikwini leri. 27  Manase+ a nga wu tekanga Beta-xeyani+ ni swimitana leswi swi titshegeke ha wona, na Tanaka+ ni swimitana leswi swi titshegeke ha wona ni vaaki va Dori+ ni swimitana leswi swi titshegeke ha wona, ni vaaki va Ibileyamu+ ni swimitana leswi swi titshegeke ha wona ni vaaki va Megido+ ni swimitana leswi swi titshegeke ha wona, kambe Vakanana va hambeta va tshama etikweni leri.+ 28  Kutani Israyele a va ni matimba,+ ivi a veka Vakanana entirhweni wo sindzisiwa,+ a va va hlongolanga hi ku helela.+ 29  Hambi ku ri Efrayimi a nga va hlongolanga Vakanana lava a va tshama eGezere, kambe Vakanana va hambete va tshama exikarhi ka vona eGezere.+ 30  Zebuloni+ a nga va hlongolanga vaaki va Kitironi ni vaaki va Nahaloli,+ kambe Vakanana va ye emahlweni va tshama exikarhi ka vona+ kutani ku va vona lava endlaka ntirho wo sindzisiwa.+ 31  Axere+ a nga va hlongolanga vaaki va Ako ni vaaki va Sidoni+ na Ahilabu na Akizibi+ na Heliba na Afiki+ na Rehobo.+ 32  Va ka Axere va ya emahlweni va tshama exikarhi ka Vakanana lava a va tshama etikweni rero, hikuva a va va hlongolanga.+ 33  Neftali+ a nga va hlongolanga vaaki va Beta-xemexe ni vaaki va Beta-anata,+ kambe va ye emahlweni va tshama exikarhi ka Vakanana lava a va tshama etikweni rero;+ ni vaaki va Beta-xemexe ni va Beta-anata ku va vona lava va va endlelaka ntirho wo sindzisiwa.+ 34  Vaamori va hambeta va sivelela vana va Dani+ endhawini ya tintshava, hikuva a va va pfumelelanga ku rhelela erivaleni ra le hansi.+ 35  Kutani Vaamori va hambeta va tshama eNtshaveni ya Heresi eAyaloni+ na Xalabimi.+ Kambe voko ra yindlu ya Yosefa ri va matimba swinene lerova va va sindzisa ku tirha ntirho wo tika.+ 36  Ndhawu ya Vaamori a yi sukela entlhandlukweni wa Akrabimi,+ ku sukela eSela ku ya ehenhla.

Tinhlamuselo ta le hansi