Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tito 2:1-15

2  Hambiswiritano, wena hambeta u vulavula swilo leswi fanelaka dyondzo leyi hanyisaka.+  Vavanuna+ lava kuleke a va ringanisele emikhuveni, va tiyimisela,+ va va lava hlutekeke emianakanyweni, va va lava hanyeke eripfumelweni,+ erirhandzwini ni le ku tiyiseleni.+  Hilaha ku fanaka vavasati+ lava kuleke a va ve ni mahanyelo ya xichavo, va nga vi lava lumbetaka,+ hambi ku ri ku va mahlonga ya vhinyo yo tala, va va vadyondzisi va leswi nga swinene;  leswaku va vuyisa mianakanyo ya vaxisati lavatsongo, ku rhandza vanuna+ va vona, va rhandza vana+ va vona,  va va lava hlutekeke emianakanyweni, lavo tenga,+ lava tirhaka ekaya, va va vanene, va tiveka+ ehansi ka vanuna va vona, leswaku rito ra Xikwembu ri nga tseketseriwi.+  Hilaha ku fanaka hambeta u khongotela vaxinuna lavatsongo leswaku va va lava hlutekeke emianakanyweni,+  eswilweni hinkwaswo tikombise u ri xikombiso xa mintirho leyinene;+ u kombisa ku pfumala ku onhaka+ eku dyondziseni+ ka wena, u tiyimisela,  mavulavulelo lamanene lama nga ta ka ma nga soriwi;+ leswaku munhu la nga etlhelweni leri lwisanaka na hina a khomiwa hi tingana, a nga vi na nchumu xo biha xo xi vula malunghana na hina.+  Mahlonga+ a ma tiveke ehansi ka vini va wona eka swilo+ hinkwaswo, naswona ma va tsakisa swinene, ma nga pfuxi njhekanjhekisano,+ 10  ma nga yivi,+ kambe ma kombisa ku tshembeka lokunene hi ku helela,+ leswaku ma sasekisa dyondzo ya Muponisi+ wa hina, Xikwembu, eka swilo hinkwaswo. 11  Hikuva musa lowu nga faneriwiki+ wa Xikwembu lowu tisaka ku ponisiwa+ eka vanhu+ va mixaka hinkwayo wu kombisiwile,+ 12  wu hi letela leswaku hi hambana ni ku nga xiximi+ Xikwembu ni ku navela+ ka misava, ni ku hanya hi mianakanyo yo hluteka ni ku lulama ni ku tinyiketela+ loku nga ni vukwembu exikarhi ka mafambiselo lawa ya swilo+ ya sweswi, 13  hi ri karhi hi rindzele ntshembo+ wo tsakisa ni ku humelela loku vangamaka+ ka Xikwembu lexikulu ni ka Muponisi wa hina, Kreste Yesu, 14  la tinyiketeleke+ hikwalaho ka hina leswaku a hi kutsula+ eka ku kala nawu kun’wana ni kun’wana ni ku tibasisela+ vanhu lava nga va yena,+ lava hisekelaka mintirho leyinene.+ 15  Hambeta u vula swilo leswi ni ku khongotela ni ku tshinya hi mfanelo leyi heleleke yo lerisa.+ Ku nga tshuki ku va ni munhu la ku langutelaka ehansi.+

Tinhlamuselo ta le hansi