Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tito 1:1-16

1  Mina Pawulo, hlonga+ ra Xikwembu tlhelo muapostola+ wa Yesu Kreste hi ku ya hi ripfumelo ra vahlawuriwa+ va Xikwembu ni vutivi+ lebyi kongomeke bya ntiyiso+ lowu fambisanaka ni ku tinyiketela+ loku nga ni vukwembu  hi ku landza ntshembo wa vutomi+ lebyi nga heriki lebyi Xikwembu, lexi xi nga hembiki,+ xi byi tshembiseke emahlweni ka minkarhi leyi nga heriki,+  kambe hi minkarhi ya xona leyi faneleke xi kombise rito ra xona eku chumayeleni loku ndzi tamerisiweke+ kona, ehansi ka xileriso xa Muponisi+ wa hina, ku nga Xikwembu;  eka Tito, n’wana+ wa xiviri hi ku ya hi ripfumelo leri fanaka, leri hi nga na rona: Onge ku nga va ni musa lowu nga faneriwiki ni ku rhula leswi humaka eka Xikwembu Tatana+ na Kreste Yesu Muponisi+ wa hina.  Hikwalaho ka leswi, ndzi ku siye eKreta,+ leswaku u lulamisa swilo leswi a swi hoxile ni ku veka+ vakulukumba emutini wun’wana ni wun’wana, hilaha ndzi ku leriseke+ hakona;  loko ku ri ni munhu hambi a ri wihi la pfumalaka xihehlo,+ nuna wa nsati+ un’we, a ri ni vana lava pfumelaka lava nga hehliwiki hi manyala ni ku nga lawuleki.+  Hikuva mulanguteri u fanele a pfumala xihehlo+ hileswi a nga mutirheli+ wa Xikwembu, a nga sihalali,+ a nga hatlisi ku kariha,+ a nga vi chovolo tlhelo a va xidakwa,+ a nga vi munhu la baka,+ a nga vi na makwanga ya mpindzulo wa vukanganyisi,+  kambe a va ni malwandla,+ a rhandza vunene, a va la hlutekeke emianakanyweni,+ a va la lulameke, a tshembeka,+ a va la tikhomaka,+  a khomelela swinene eritweni ro tshembeka malunghana ni vutshila byakwe byo dyondzisa,+ leswaku a swi kota ku khongotela, hi dyondzo leyi hanyisaka+ ni ku tshinya+ lava kanetaka. 10  Hikuva ku ni vavanuna vo tala lava nga lawulekiki, vavulavuri+ va leswi nga pfuniki nchumu, ni vaxisi va mianakanyo, ngopfu-ngopfu vanhu volavo lava namarhelaka ku yimba.+ 11  Swa fanela ku va pfala milomu, hileswi vanhu lava va hambetaka va onha mindyangu+ hinkwayo hi ku dyondzisa swilo leswi va nga fanelangiki va swi dyondzisa, va swi dyondzisa leswaku va pindzula+ hi vukanganyisi. 12  Un’wana wa vona, muprofeta wa vona, u te: “Vakreta minkarhi hinkwayo i vahembi, i swivandzana swo biha,+ swidyi leswi tshamaka hi mavoko.” 13  Vumbhoni lebyi i ntiyiso. Hikwalaho ka leswi, hambeta u va tshinya hi rilondzo,+ leswaku va hanya+ eripfumelweni, 14  va nga nyikeli nyingiso emintsheketweni+ ya Vayuda ni le swilerisweni swa vanhu+ lava hundzukelaka ekule ni ntiyiso.+ 15  Swilo hinkwaswo swi basile eka vanhu+ lava baseke. Kambe ku hava nchumu wo basa eka vanhu lava nyameke+ ni vo pfumala ripfumelo,+ kambe mianakanyo ni mapfalo+ ya vona swi nyamile. 16  Va vula erivaleni leswaku va tiva Xikwembu,+ kambe va xi landzula hi mintirho+ ya vona, hikuva va nyenyetsa naswona a va yingisi, a va faneleki+ entirhweni wun’wana ni wun’wana lowunene.

Tinhlamuselo ta le hansi