Pisalema 98:1-9

Miloti. 98  Yimbelelelani Yehovha risimu lerintshwa,+Hikuva swa hlamarisa swilo leswi a swi endleke.+Voko rakwe ra xinene, ni xandla xakwe xo kwetsima swi n’wi ponisile.+   Yehovha u endle leswaku ku ponisa kakwe ku tiviwa;+U hlavutele ku lulama+ kakwe ematihlweni ya matiko.   U tsundzuke musa wakwe wa rirhandzu ni ku tshembeka kakwe endlwini ya Israyele.+Makumu hinkwawo ya misava ma vone ku ponisa ka Xikwembu xa hina.+   Huwelelani hi ku hlula eka Yehovha, n’wina vanhu hinkwavo va misava.+Khanani, mi huwelela hi ku tsaka naswona mi yimbelela miloti.+   Yimbelelelani Yehovha miloti hi haripa,+Hi haripa ni rito ra miloti.+   Hi timhalamhala ni mpfumawulo wa nanga+Huwelelani hi ku hlula emahlweni ka Hosi, Yehovha.   Lwandle a ri dzindze, ni leswi swi teleke eka rona,+Tiko leri noneke ni lava va tshamaka eka rona.+   Milambu a yi phokotele mavoko;Tintshava a ti huwelele swin’we hi ku tsaka+   Emahlweni ka Yehovha, hikuva u tele ku ta avanyisa misava.+U ta avanyisa tiko leri noneke hi ku lulama+Ni vanhu hi vululami.+

Tinhlamuselo ta le hansi