Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

Pisalema 97:1-12

97  Yehovha i hosi!+ Misava a yi tsake.+Swihlala swo tala a swi tsake.+   Mapapa ni ku dzwihala lokukulu swi n’wi rhendzerile;+Ku lulama ni vuavanyisi i ndhawu ya xiluvelo xakwe.+   Emahlweni ka yena ku ni ndzilo,+Wu herisa swirha swakwe matlhelo hinkwawo.+   Tindlati takwe ti voninge tiko leri noneke;+Misava yi swi vonile kutani yi va ni switlhavi leswikulu.+   Tintshava tona ti n’oka ku fana ni mhula hikwalaho ka Yehovha,+Hikwalaho ka Hosi ya misava hinkwayo.+   Matilo ma twarise ku lulama ka yena,+Naswona vanhu hinkwavo va vone ku vangama+ kakwe.   Hinkwavo lava tirhelaka xifaniso lexi kovotliweke a va khomiwe hi tingana,+Lava va tibumaka hi swikwembu leswi nga pfuniki nchumu.+N’wina swikwembu+ hinkwaswo, nkhinsamani eka yena.   Siyoni yi swi twile yi sungula ku tsaka,+Ni swimitana leswi titshegeke hi Yuda swi sungula ku tsaka+Hikwalaho ka swiboho swa wena swa vuavanyisi, Wena Yehovha.+   Oho Yehovha, hi wena La nge Henhla-henhla emisaveni hinkwayo;+Hi ku tlakuka ka wena u le henhla-henhla swinene ka swikwembu+ leswin’wana hinkwaswo. 10  N’wina lava rhandzaka Yehovha,+ vengani leswo biha.+U rindza mimoya-xiviri ya lava tshembekeke vakwe;+Wa va kutsula evokweni ra lavo homboloka.+ 11  Ku vonakala ku voningele la lulameke,+Ni ku tsaka eka lava va lulameke embilwini.+ 12  N’wina lavo lulama,+ tsakani eka Yehovha,Mi nkhensa xitsundzuxo xakwe xo kwetsima.+

Tinhlamuselo ta le hansi