Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 96:1-13

96  Yimbelelelani Yehovha risimu lerintshwa.+Yimbelelelani Yehovha, n’wina hinkwenu vanhu va misava.+   Yimbelelelani Yehovha, dzunisani vito rakwe.+Siku ni siku vulani mahungu lamanene ya ku ponisiwa ha yena.+   Vulani ku vangama ka yena exikarhi ka matiko,+Mintirho yakwe yo hlamarisa+ exikarhi ka vanhu hinkwavo.   Hikuva Yehovha i nkulu+ naswona u fanele a dzunisiwa swinene.Wa chaviseka ehenhla ka swikwembu+ leswin’wana hinkwaswo.   Hikuva hinkwaswo swikwembu swa vanhu i swikwembu leswi nga pfuniki nchumu;+Kambe loko ku ri Yehovha, u endle matilo.+   Xindzhuti ni ku vangama swi le mahlweni ka yena;+Ntamu ni ku saseka swi le vukwetsimelweni byakwe.+   N’wina mindyangu ya vanhu,+ nyikani Yehovha,Nyikani Yehovha ku vangama ni ntamu.+   Nyikani Yehovha ku vangama loku nga ka vito rakwe;+Rhwalani nyiko mi ta eswivaveni swakwe.+   Nkhinsamani eka Yehovha hi ku tisasekisa ko kwetsima;+Vanani ni switlhavi leswikulu hikwalaho ka yena, n’wina hinkwenu vanhu va misava.+ 10  Vulani exikarhi ka matiko mi ku: “Yehovha i hosi.+Tiko ro nona ri simekiwa ri tiya leswaku ri nga tsekatsekisiwi.+U ta rivalela nandzu wa vanhu hi vululami.”+ 11  Matilo a ma tsake, ni misava a yi khane.+Lwandle a ri pfume ni leswi swi teleke eka rona.+ 12  Nhova leyi pfulekeke a yi khane ni hinkwaswo leswi teleke eka yona.+Hi nkarhi lowu fanaka mirhi hinkwayo ya makhwati a yi huwelele hi ku tsaka+ 13  Emahlweni ka Yehovha. Hikuva u tile;+Hikuva u tele ku ta avanyisa misava.+U ta avanyisa tiko leri noneke hi ku lulama+Ni vanhu hi ku tshembeka kakwe.+

Tinhlamuselo ta le hansi