Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 94:1-23

94  Oho Yehovha,+ Xikwembu xa swiendlo swaku rihisela, Oho Xikwembu xa swiendlo swa ku rihisela, vangama!+   Suka u yima, Wena Muavanyisi wa misava.+ Vuyisa ndzihiso ehenhla ka lava va titlakusaka.+   Lavo homboloka va ta fika kwihi, Wena Yehovha,+ Lavo homboloka va ta khana ku fikela rini?+   Va tshamela ku phyaphyarha, va tshamela ku vulavula va nga lawuleki;+ Hinkwavo lava hanyaka hi swo biha va tshamela ku tikurisa.+   Oho Yehovha, va tshamela ku pfotlosa vanhu va wena,+ Va tshamela ku xanisa ndzhaka ya wena.+   Va dlaya noni ni muluveri,+ Va va dlaya hi vomu vana lava nga riki na tatana.+   Va hambeta va ku: “Yah a nga swi voni;+ Naswona Xikwembu xa Yakobe a xi swi twisisi.”+   Twisisani, n’wina vanhu lava nga anakanyiki;+ Loko ku ri n’wina swihunguki, xana mi ta va ni ku twisisa rini?+   Xana Loyi a vumbeke ndleve, a nge twi?+ Kumbe Loyi a vumbaka tihlo, xana a nge voni?+ 10  Loyi a lulamisaka matiko, xana a nge tshinyi,+ Ni Loyi a dyondzisaka vanhu vutivi?+ 11  Yehovha wa yi tiva miehleketo ya vanhu, leswaku va fana ni moya.+ 12  Wa tsaka munhu la tiyeke emirini loyi u n’wi lulamisaka,+ Wena Yah, Ni loyi u n’wi dyondzisaka nawu wa wena,+ 13  Ku n’wi nyika ku rhula emasikwini ya khombo,+ Ku fikela loko lowo homboloka a celeriwa mugodi.+ 14  Hikuva Yehovha a nge va fularheli vanhu vakwe,+ Hambi ku ri ku siya ndzhaka yakwe.+ 15  Hikuva xiboho xa vuavanyisi xi ta vuyela eku lulameni,+ Naswona hinkwavo lava nga ni mbilu yo lulama va ta xi landzela. 16  I mani la nga ta ndzi lwela ni lava endlaka swo biha?+ I mani la nga ta ndzi lwela ni lava va hanyaka hi swo homboloka?+ 17  Handle ka loko Yehovha o ndzi pfuna,+ Hi nkarhinyana moya-xiviri wa mina wu ta va wu tshame hi ku rhula.+ 18  Loko ndzi ku: “Kunene nenge wa mina wu ta dedeleka,”+ Oho Yehovha, musa wa wena wa rirhandzu wu hambete wu ndzi seketela.+ 19  Loko miehleketo ya mina leyi ndzi karhataka yi tele endzeni ka mina,+ Nchavelelo wa wena wu sungule ku vukarha moya-xiviri wa mina.+ 20  Xana xiluvelo lexi vangaka maxangu xi nga va ni vunghana na wena+ Kasi xi kunguhata khombo hi xileriso xa nawu?+ 21  Va wu hlasela hi matimba moya-xiviri wa lowo lulama+ Va vula ni ngati ya la pfumalaka nandzu leswaku yi hombolokile.+ 22  Kambe Yehovha u ta va xisirhelelo xa mina lexi tlakukeke,+ Xikwembu xanga, ribye ra vutumbelo+ bya mina. 23  Kutani u ta tlherisela vubihi bya vona ehenhla ka vona+ U ta va miyeta hi khombo ra vona.+ Yehovha Xikwembu xa hina u ta va miyeta.+

Tinhlamuselo ta le hansi