Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 92:1-15

Miloti, risimu ra siku ra savata. 92  I swinene ku nkhensa Yehovha+ Ni ku yimbelelela vito ra wena miloti, Wena La nge Henhla-henhla;+   Ku vulavula hi musa wa wena wa rirhandzu+ nimixo Ni hi ku tshembeka ka wena nivusiku,+   Hi xichayachayana xa switende swa miluko ya khume ni hi haripa,+ Hi ku tlanga vuyimbeleri hi haripa.+   Oho Yehovha, u ndzi tsakisile hikwalaho ka ntirho wa wena; Ndzi huwelela hi ku tsaka hikwalaho ka mintirho ya mavoko ya wena.+   I yikulu swinene mintirho ya wena, Wena Yehovha!+ Miehleketo ya wena yi entile swinene.+   Ku hava munhu la nga anakanyiki la nga yi tivaka,+ Ku hava munhu la nga xihunguki la nga swi twisisaka leswi.+   Loko lavo homboloka va hluka ku fana ni ximila+ Ni vanhu hinkwavo lava hanyaka hi swo biha va rhumbuka, Va swi endlela leswaku va ta loviseriwa makumu.+   Kambe u tlakukile hilaha ku nga riki na makumu, Wena Yehovha.+   Hikuva waswivo, valala va wena, Wena Yehovha,+ Hikuva waswivo, valala va wena va ta lova;+ Hinkwavo lava hanyaka hi swo biha va ta hambanisiwa.+ 10  Kambe u ta tlakusa rimhondzo ra mina ku fana ni ra nkunzi yo leva;+ Ndzi ta tixarha hi mafurha lamantshwa.+ 11  Tihlo ra mina ri ta languta swirha swa mina;+ Tindleve ta mina ti ta twa leswi vuriwaka hi lava va ndzi pfukelaka, vaendli va leswo biha. 12  Lowo lulama u ta rhumbuka ku fana ni murhi wa ncindzu;+ U ta kula ku fana ni mukedari eLebanoni.+ 13  Lava va byariweke endlwini ya Yehovha,+ Va ta rhumbuka eswivaveni swa Xikwembu xa hina.+ 14  Va ta hambeta va humelela niloko va ri timpunga,+ Va ta hambeta va nyuhela va va vantshwa,+ 15  Va vula leswaku Yehovha u lulamile.+ I Ribye+ ra mina, eka yena a xi kona lexi nga lulamangiki.+

Tinhlamuselo ta le hansi